Karel

Vilmundar rímur viðutan — 16. ríma

— Óþekktur höfundur

Lemmata | Textatengsl
umgjörð ríman

1.
Formáli

Þraut mig áðan Þundar flóð
þreytti mælsku veika
nú skal ferska Fjölnis glóð
freista en að kveikja.

Skoða...

2.
Formáli

Ekki hef ég það orða gagn
að aukist FJölnis snæra
því skal Bölverk belgja magn
blossann verða að næra.

Skoða...

3.
Formáli

Upp mun kveikjast orða strind
ört í minnis höllu
ef ég þeyti þursa vind
Þundar magni öllu.

Skoða...

4.
Formáli

Kjalars þó verði kynja kalt
korn svo taki að sylla
sextánda skal sónar malt
söguna verða að fylla.

Skoða...

5.
Formáli

Mærðar skulum vér mýkja klið
og mansöng láta hrynja
heyrnar drósir hafi þar við
hróðrar strengir dynja.

Skoða...

6.
Formáli

Mansöngs skal nú mýkja lag
mærðin verður að geisa
nú skal fyrri felldan brag
á fætur aftur reisa.

Skoða...

7.
Formáli

Rétt var þannig ríman fylld
af reyni Fenju verka
sikling gerði af sjálfs síns vild
sátt við Vilmund sterka.

Skoða...

8.
Formáli

Svo réð greina Sónar vín
sagan vill þannig hljóða
dögling gaf honum dóttur sín
og drafnar eiminn góða.

Skoða...

9.
Ríman

Síðan var þar aukin ást
af öðling þeim hinum ríka
veglegasta veislan skást
varla fékkst hans líka.

Skoða...

10.
Ríman

Engi voru þar efnin rýr
því allt má nógligt finna
brullaups gerð að bragning býr
beggja dætra sinna.

Skoða...

11.
Ríman

Hvergi skorti hljóða dans
í hilmis ríkri höllu
boðið var þar til múga manns
úr mildings ríki öllu.

Skoða...

12.
Ríman

Silki og flugél sveitin bar
silfur og gull má líta
skarlat drógu skatnar þar
skrúð vill engi níta.

Skoða...

13.
Ríman

Hljóðið gall í hverjum bý
harpan gladdi rekka
seggir skipuðust sætin í
síðan tóku að drekka.

Skoða...

14.
Ríman

Höllin lék í hrannar eim
hulin með linna stræti
Svíði er kominn til siklings heim
og sat hjá landa gæti.

Skoða...

15.
Ríman

Fyrðum veittist frænings gólf
fleygt er linna mjöllu
kvæðin segja að kóngar tólf
komnir væri í höllu.

Skoða...

16.
Ríman

Milding heiðra mektin kann
til margra snilldar hátta
skipaður var þá skjöldungs rann
skötnum milli gátta.

Skoða...

17.
Ríman

Borgin þaut í blóma öll
bragnar strenginn teygja
tigið var þá talið í höll
tírætt hundrað meyja.

Skoða...

18.
Ríman

Fannst ei neitt á fljóðum keim
flokkurinn var þó meiri
systur báru af sætum þeim
sem silfur og gull af eiri.

Skoða...

19.
Ríman

Höldar settu í hægan sess
hrundir linna palla
þaktar voru með þursa vess
þiljur Grettis fjalla.

Skoða...

20.
Ríman

Hirðin steypti horna straum
hyggju lands af borgum
sátu svo með gleði og glaum
en gleymdu öllum sorgum.

Skoða...

21.
Ríman

Kappa sveit er kát og glöð
kúrin gladdi mengi
virðar drukku vín og mjöð
vildi munngát engi.

Skoða...

22.
Ríman

Dagurinn hverfur drengjum frá
dansinn þraut háva lýði
seggir leiddu systur þá
í sæng með alla prýði.

Skoða...

23.
Ríman

Svo vill greina Suðra vín
sónar fjalls af börmum
báðar vöfðu biðla sín
brúðir mjúkum örmum.

Skoða...

24.
Ríman

Fylkir býtti frænings glóð
fleygjum öglis gilja
hálfan mánuð hófið stóð
höldar þannig skilja.

Skoða...

25.
Ríman

Þá vill halda halurinn traustur
heiðri spenntur og æru
brygða skjótt með báru flaustur
burt með sína kæru.

Skoða...

26.
Ríman

Bragnar hafa sig búið um stund
burt af fylkis láði
kóngurinn greiddi kæru mund
Kraka af dýru sáði.

Skoða...

27.
Ríman

Mengið sorgar motrar laut
milding gekk til skeiða
höldar síðan héldu á braut
á humra völlinn breiða.

Skoða...

28.
Ríman

Gjálfrið þaut en glumdi veður
geysti um snekkju branda
þá var dauður döglings feður
drengurinn kom til landa.

Skoða...

29.
Ríman

Göfugur herra gekk á land
og garpa mengið skíra
þá féll ríki úr ræsis hand
og rekka sveitin dýra.

Skoða...

30.
Ríman

Víkjum til hvað Vilmund fær
vænstur í Garða ríki
þeim var hamingjan harla nær
hans fannst engi líki.

Skoða...

31.
Ríman

Seggurinn kunni sverða mót
sækja brandi hörðum
þengill gaf honum þýða snót
og þriðjung lands í Görðum.

Skoða...

32.
Ríman

Allmargt honum að óskum gekk
auðnan má það veita
hertoga nafn á hauðri fékk
og hölda mengið teita.

Skoða...

33.
Ríman

Rögnis býtti rauðri glóð
rekka hélt með sóma
sterkur tók að stjórna þjóð
studdur nógum blóma.

Skoða...

34.
Ríman

Leið svo tími í landi skjótt
lýðurinn varð að þegja
kóngurinn sjálfur kenndi sótt
krappa og varð að deyja.

Skoða...

35.
Ríman

Milding ausa moldu að
mun sá fárra jafni
Hjarandi var þá hans í stað
hilmis gæddur nafni.

Skoða...

36.
Ríman

Öðling heiðrar æðsta sveit
ör af nöðru sandi
ræsir tók þar rekka sveit
og ríkisstjórn í landi.

Skoða...

37.
Ríman

Vísir gerir þá Vilmund boð
vill nú erfi drekka
milding heiðrar mága stóð
má hann því gleyma ekka.

Skoða...

38.
Ríman

Nú er sá kominn í kífi hraður
köppum þótti forðum
hilmir var þar harla glaður
höldar sátu að borðum.

Skoða...

39.
Ríman

Veislan gekk með virðing fram
vel sem þótti standa
síðan bjuggu báru glamm
brjótar stinnra randa.

Skoða...

40.
Ríman

Lofðung hélt úr landi glaður
og lýða mengið stinna
nú vill milding mennta hraður
mága og systur finna.

Skoða...

41.
Ríman

Gyglið vakti glettings skar
gjálfurs öldu kaldri
Vilmund þar með virðum var
vísir skildist aldrei.

Skoða...

42.
Ríman

Stillir lætur stjórnar elg
strjúka á mævils völlum
belja þótti um báru svelg
brakar í súðum öllum.

Skoða...

43.
Ríman

Brenna þótti bilgjarn há
er brast fyrir seglu hrafni
loks kom svo að linaði lá
land var þá fyrir stafni.

Skoða...

44.
Ríman

Fyrðar héldu um flyðru dröfn
fljótt af græðis unni
kappar lögðu á kóngsins höfn
kafaði fleinn að grunni.

Skoða...

45.
Ríman

Seggi hitti í samri stund
sikling lands með snilli
þar má líta fagnafund
fyrða þeirra á milli.

Skoða...

46.
Ríman

Goðifreyr frá glamma völl
garpa leiddi hinn svinni
þá var búin í buðlungs höll
hin besta veislan inni.

Skoða...

47.
Ríman

Harpan þaut en gýgjan gall
glumdi í hverju stræti
garpar komu grams í hall
gengu þegar í sæti.

Skoða...

48.
Ríman

Skorti hvorki skraut né seim
skjöldungs drengi snjalla
fyrðar sátu í fögnuð þeim
fulla vikuna alla.

Skoða...

49.
Ríman

Góðifreyr lét gumnum veitt
gull til handa beggja
fylkir gæddi fólkið teitt
ferskum nöðru kleggja.

Skoða...

50.
Ríman

Vísir gaf þá vopna frey
vefju silki tjalda
systir kóngs hin svinna mey
seljan rauðra falda.

Skoða...

51.
Ríman

Fagna þótti falda Ná
fékk hún garpinn teita
buðlung gerði brullaup þá
bragnings þegar að veita.

Skoða...

52.
Ríman

Dögling gerði af dýrri mekt
drengi til sín kalla
hófið var það heiðarlegt
hilmir gladdi alla.

Skoða...

53.
Ríman

Þegar að virðum veislan líður
veitast gjafir að vanda
þá vill Hjarandi halda blíður
heim til sinna landa.

Skoða...

54.
Ríman

Svo var meyjar mundur bestur
meiði goldinn spjóta
grams skal systir í Görðum vestur
Gullbrár eignir hljóta.

Skoða...

55.
Ríman

Höldar bjuggust heim á braut
hlunna fák að ríða
snotrust fylgdi snáka laut
snegðu brjótnum fríða.

Skoða...

56.
Ríman

Fenju elds hin fagra Bil
fyrðar syrgja dýrir
görpum frá ég græðis til
Grikkja fylgja stýrir.

Skoða...

57.
Ríman

Svo var ýtum elskan léð
ort í hjartans inni
karskir skildu kærleik með
kappar þrír að sinni.

Skoða...

58.
Ríman

Fyrðar tóku að falda skeið
fluttust undan landi
æpir sagði ýtum leið
eymdi í hverju bandi.

Skoða...

59.
Ríman

Löðrið óx enn lífgar sjá
lamdi á súðum hörðum
blakti segl en bentist rá
bar þá aftur að Görðum.

Skoða...

60.
Ríman

Fyrðar héldu að fróni í stað
fljótt af humra velli
rekkar settust ríkjum að
og réðu allt til elli.

Skoða...

61.
Ríman

Svo vill greina Sónar skrá
og seggjum létta snilldar
köppum þeim eru komnar frá
kónga ættir gildar.

Skoða...

62.
Niðurlag

Mín er næsta mærðin veik
má það slíkan henda
svarflað hef ég nú Sónar kveik
sagan er komin á enda.

Skoða...

63.
Niðurlag

Minn vill þrjóta mærðar sjóð
má ég ei kvæðin næra
nú hef ég bangað bláköld ljóð
burðug fyrir þig kæra.

Skoða...

64.
Niðurlag

Veraldar prýði og veglegt ár
virða mót við græði
auðurinn nógur og ísinn klár
eignast máttu kvæði.

Skoða...

65.
Niðurlag

Vegleg hvíld og vatna mót
virða gamanið blíða
grátur skýja og ferðin fljót
ferju Hárs nam smíða.

Skoða...

66.
Niðurlag

Mun svo endast mærðar hjal
mitt á visku hjöllum
læsi ég aftur ljóða sal
lokið er rímum öllum.

Skoða...

67.
Niðurlag

Varla neitt er verkið mitt
víf í þetta sinni
nú má tróðan taflfé sitt
taka úr hendi minni.

Skoða...

Vilmundar rímur viðutan, 16. ríma