Karel

Svöldrar rímur — 2. ríma

— Óþekktur höfundur

Lemmata | Textatengsl
umgjörð ríman

1.
Formáli

Þar skal Viðris varra gnat
virða sveitum skýra
Jamtalands í Jómsborg sat
jöfur með drengi dýra.

Skoða...

2.
Ríman

Sagðist ekki af svinnum neitt
sumarið tók að líða
Þrændum gerðist þrautar leitt
Þriðja éls að bíða.

Skoða...

3.
Ríman

Þing var stefnt að þengils vild
Þrænda röskvu mengi
Tryggvason með tungu snilld
talaði snjallt og lengi.

Skoða...

4.
Ríman

Orlof gef ég þeim brögnum braut
er betra þykir heima
ég mun skeiður um laxa laut
láta síðar sveima.

Skoða...

5.
Ríman

Þrændir rufu það ræsis þing
ráðin brögðin vendu
fram á breiðan ferju bing
Fróða hestum renndu.

Skoða...

6.
Ríman

Nítíu skipa í nógum byr
Norðmenn létu skríða
ellefu lágu á lægi kyrr
lofðungs flaustur að bíða.

Skoða...

7.
Ríman

Hinn kom dagur að hilmir bauð
hirð og dýrum drengjum
vinda silki seglin rauð
með silfurbúnum strengjum.

Skoða...

8.
Ríman

Ástríð vill með ítrum gram
út á brimla brekkur
fimmtán lét hún setja á sam
sélega Vinda snekkjur.

Skoða...

9.
Ríman

Erling hélt með ágætt lið
austur um ægi víðan
ljósan skildi hann lofðung við
og leit hann aldrei síðan.

Skoða...

10.
Ríman

Ófyrirsynju Ólafs lið
undan sigldi um ægi
Ormurinn tókm eð skarti skrið
skemmtilegur á lægi.

Skoða...

11.
Ríman

Hlýr var allt sem logaði leiður
leiftur á borg og bylgja
Ormur og Trana og átta skeiður
eiga Fofni að fylgja.

Skoða...

12.
Ríman

Sveim þeim jarli er sagði frið
Sygna gram hinum fríða
Svíarnir liggja Sólund við
og sjá hvar skeiður skríða.

Skoða...

13.
Ríman

Svíar og Danir og hinn dýri jarl
drjúgmjög þóttust kenna
árla dags um ólna hall
Orminn langa renna.

Skoða...

14.
Ríman

Eirekur hefur fyrir ýtum ráð
odda skúr að stefna
hann vill seðja gylfris gráð
og grimmra harma hefna.

Skoða...

15.
Ríman

Sveinn hinn danski sá það skip
og setti kinn svo rauða
hrolli bendi hræva svip
hræðslu margs manns dauða.

Skoða...

16.
Ríman

Ólafur svenski sagðist lystur
að sæfa í blóði bragna
þó hlaut Sveinn af seggjum fyrstur
sverða él að magna.

Skoða...

17.
Ríman

Sextíu valdi sjóvar dýr
Sveinn að snarpri hildi
lúðurinn söng en gerðist gnýr
gnustu stál fyrir skildi.

Skoða...

18.
Ríman

Lögðu út um eyna Svöldur
jarl og kóngar báðir
þar mun reyndur hinn rauði skjöldur
og rifnar Handins voðir.

Skoða...

19.
Ríman

Tryggvason bað tigna menn
tengja skeiður á sundi
bila ég ei við Tyrfings tenn
og tveggja kónga fundi.

Skoða...

20.
Ríman

Garpar snúi snekkjum við
snörpum eggja stormi
leggi fram á hvora hlið
hlýra dýr að Ormi.

Skoða...

21.
Ríman

Úlfur spyr ef Orminn skal
öðrum skeiðum leggja
lengra fram með lýða val
í leik að éli eggja.

Skoða...

22.
Ríman

Stafninn ver þú stála Týr
stillir talar af reiði
leggið hið fríða flæðar dýr
fremst á humra heiði.

Skoða...

23.
Ríman

Þorkel nefju þengill spyr
þú munt oss það skýra
merkið glæst við Högna hyr
hver á kóngur að stýra.

Skoða...

24.
Ríman

Merkið yður í móti ber
meiðir svaraði branda
kóngurinn Sveinn með svænskan her
sér til beggja handa.

Skoða...

25.
Ríman

Dönum er ekki dorrinn kringur
dögling réð að inna
hvað munu skaun við skjalda þing
skógar geitur að vinna.

Skoða...

26.
Ríman

Látum blikuð í blóði sverð
bleyður þessar kenna
sæfum brandi svænska ferð
Sveinn skal undan renna.

Skoða...

27.
Ríman

Lofðungs son brá lífi þjóð
löðri gumna voða
fossum rann en flóði blóð
flýgur valur til bráða.

Skoða...

28.
Ríman

Bragnar æsa branda morð
broddar æðar vöktu
litað er hvert í blóði borð
búkar þiljur þöktu.

Skoða...

29.
Ríman

Hvítings beit hin hvassa egg
hverja brynju í gegnum
fossum dundi hræva hregg
að hringum blóði þvegnum.

Skoða...

30.
Ríman

Norðmenn báru að svírum sverð
Svíarnir dauða kenna
með sára og móða svænska ferð
Sveinn hlaut undan renna.

Skoða...

31.
Ríman

Flýði hið grimma járna él
Jótlands gramur að sinni
Sveinn hefur látið Sviðris mél
sæmd var hans að minni.

Skoða...

32.
Ríman

Ólafs eru þá átta skeiður
eyddar dýrum drengjum
flaustrin þrjú með fylkis heiður
fljóta enn með strengum.

Skoða...

33.
Formáli

Svo skal binda Bölverks mein
basti þrungnis móða
meðan ég stæri stefja flein
með stæltum hamri hljóða.

Skoða...

Svöldrar rímur, 2. ríma

næsta ríma >>