Karel

Sálus rímur og Níkanórs — 10. ríma

— Óþekktur höfundur

Lemmata | Textatengsl
umgjörð ríman

1.
Formáli

Svo tekur brim fyrir bragða strönd
Boðnar hafs að falla
ei má kuggurinn koma við lönd
Kjalars fyrir reiði galla.

Skoða...

2.
Formáli

Óma týnist iðju laun
öll í mærðar salti
utan vér gjöldum Gauts í raun
gjörm að hróðrar malti.

Skoða...

3.
Formáli

Kjalars mun enn í kólgu fyrst
keisarans þjóðin sökkva
því að hún var til víga lyst
af Viðris frernum nökkva.

Skoða...

4.
Ríman

Fylking hver með fyrðum stendur
fram á víðum völlum
gnísti hjálmur en gnúðu rendur
gall í hornum öllum.

Skoða...

5.
Ríman

Steyptist þá með stórum ný
stála élið kalda
birtings egg við böðvar ský
brast að skæru skjalda.

Skoða...

6.
Ríman

Strengja hagl af stórum hal
stóð á Hildar voðum
hjörinn raufar hjarta sal
hvass fyrir mörgum þjóðum.

Skoða...

7.
Ríman

Þúsundruð hné þegna sveit
þar fyrir bitrum brandi
hver gekk trauður á Heljar reit
hvergi er friður í landi.

Skoða...

8.
Ríman

Grjótið flaug en geirinn söng
gullu spjót og örvar
rifnar hlíf en reidd var stöng
runnu fleina börvar.

Skoða...

9.
Ríman

Dreyra lögur um drengi flaut
druknar her í blóði
allur her með afli skaut
æstist brjóst af móði.

Skoða...

10.
Ríman

Má það ei er múgurinn vann
mörgum orðum dvelja
því að þann lýð er fremstan fann
fýsir oss að telja.

Skoða...

11.
Ríman

Víkjum enn á vinstra arm
víst frá keisarans merki
bitrum skera þeir benja Garm
bjarta Handis serki.

Skoða...

12.
Ríman

Vespasiánus vakti stríð
Villifer með honum
grimma hafa þeir geira hríð
gert með brandi fránum.

Skoða...

13.
Ríman

Hjuggu bæði hesta og menn
hreysti garpar þessir
hundruðum létu seggi senn
sæfða runna hvessir.

Skoða...

14.
Ríman

Vepticius heiðinn halur
hann getur þetta að líta
ræsir leggur en roðnar falur
reyndi hann skjöldinn hvíta.

Skoða...

15.
Ríman

Hertogans leggur hann harða rönd
hart og brynju í gegnum
svo kom mildings máttug hönd
mest til óliðs þegnum.

Skoða...

16.
Ríman

Eigi dugði ágæt hlíf
afli kóngsins sterka
Vespasiánus lét þar líf
lystur frægðar verka.

Skoða...

17.
Ríman

Kóngurinn frá ég að laut við lag
leit það halurinn fróði
Villifer gaf vísi slag
völlurinn flaut í blóði.

Skoða...

18.
Ríman

Fjarri kom hann þá fylki niður
Fjölnis stallur hinn góði
Ajas brá þá illa viður
æstist fram af móði.

Skoða...

19.
Ríman

Gaflak þreif þá geira Þundur
gerir á riddarann fleygja
þrauta harður er þeirra fundur
þó mun annar deyja.

Skoða...

20.
Ríman

Vopnin dugðu ei Villifer
væn né hlífar góðar
ekki sá nema augun ber
í eyði nöðru slóðar.

Skoða...

21.
Ríman

Gaflak kemur í geslu haus
gera nú ernir hlakka
svo varð hann af lífi laus
leitar út um hnakka.

Skoða...

22.
Ríman

Sá féll dauður er dygð og list
drýgði lífs til enda
hann hefur engrar menntar misst
er mætan þegn má henda.

Skoða...

23.
Ríman

Ajas ber það Yggjar tjald
er allt er sett með steinum
járni slegið og ítrungs fald
utan með fíla beinum.

Skoða...

24.
Ríman

Ajas ber þann bjartan brand
björtu gulli líkan
víst fer ei svo vítt um land
að virðar finni slíkan.

Skoða...

25.
Ríman

Þessi hjör lá þrenna vetur
þráins í bæli einu
maður þann engan græddan getur
garp ef fær af skeinu.

Skoða...

26.
Ríman

Ajas gerir með gýgjar vönd
gjörvallt sundur sníða
hver var fús að flýja lönd
fyrr en kóngsins bíða.

Skoða...

27.
Ríman

Flotna hver var fyrri dauður
en fylkir höggva náði
þjóðin gjörvöll þakti hauður
þengill rómu háði.

Skoða...

28.
Ríman

Landrés gerir þann heiðna hund
harla frægur að kenna
fyrr vill drengurinn dauðastund
dýr en undan renna.

Skoða...

29.
Ríman

Rekkurinn minnist riddara þess
er hreysti bar yfir alla
sparði eigi spora við ess
spennir hlífar galla.

Skoða...

30.
Ríman

Kappinn setur í kóngsins rönd
kurteist spjót af magni
hljóp það niður í hauka strönd
honum kom lítt að gagni.

Skoða...

31.
Ríman

Rammlega snuddi rifjum meður
Rögnis voða spillir
fylki gafst á foldu beður
féll til jarðar stillir.

Skoða...

32.
Ríman

Hilmir kemur að höfði niður
hjálmurinn stóð í leiri
hvergi var honum heitinn friður
hinn lést garpur að meiri.

Skoða...

33.
Ríman

Ajas leitar upp á fætur
úr þeim leiri djúpa
hertoginn lét þá harla mætur
hann til jarðar krjúpa.

Skoða...

34.
Ríman

Báðum höndum buðlung tók
bugni fyrir sér að halda
hilmir réð sá hreysti jók
heiftar verk að gjalda.

Skoða...

35.
Ríman

Það er nú sagt að sverðið hraut
sjálft úr kóngsins hendi
Landrés þreif þann lofðungsnaut
lítt að nokkuð bendi.

Skoða...

36.
Ríman

Höfuðið réð hann herðum frá
hvössum brandi sníða
hertogann lofaði hver sem sá
hann mun sæmdir bíða.

Skoða...

37.
Ríman

Líkt var þá sem ljón að frægð
Landrés hjarta að kalla
enga býður hann ýtum vægð
undra margir falla.

Skoða...

38.
Ríman

Viknar armur á fylking fast
falla heiðnar sveitir
Sveðjungs veður er sýnu hvasst
sjá hvað öðrum veitir.

Skoða...

39.
Ríman

Demetría af Tarsea traustur
tekur nú fram að ríða
hann er bæði hvatur og hraustur
harla gjarn að stríða.

Skoða...

40.
Ríman

Frægan jarl er Filipó hét
færði hann spjót í gegnum
þannig frá ég hann þjónað lét
þengils dýrum þegnum.

Skoða...

41.
Ríman

Seggja nöfn er seint að skrá
sá vegur til beggja handa
Elisíus það ætla má
ei gerir kyrr að standa.

Skoða...

42.
Ríman

Hann er sagður hreysti maður
hniginn af æskuskeiði
fremur sig oft við geira galdur
grimmdar fyllist reiði.

Skoða...

43.
Ríman

Tuttugu lét hann þrenna þar
þegna heiðna falla
kemur þar fram sem kóngurinn var
og kvistar ýta snjalla.

Skoða...

44.
Ríman

Báðir láta sterkar stengur
stökkva sundur af mætti
fær ei séð hvor fremri er drengur
fyrr að vígi þætti.

Skoða...

45.
Ríman

Mátti engi í milli sjá
maður um þeirra hreysti
hver þar mundi endir á
áður en þessu leysti.

Skoða...

46.
Ríman

Það er mér sagt að Saulus feður
sveipar til með hjörvi
það var högg í Hildar veður
hættlegt kóngsins fjörvi.

Skoða...

47.
Ríman

Plátu sneið og panser frítt
prýði Fjölnis hallar
búk í sundur og bilaði lítt
brynju og gerðar allar.

Skoða...

48.
Ríman

Sér nú þetta Saragus jarl
sá er af heiðnum mönnum
að sá gengur hinn gamli karl
greitt að kappa sönnum.

Skoða...

49.
Ríman

Sú var ör með eitri fylld
jarlinn réð að skjóta
kóngurinn mun fyrir kynstra skyld
kraft af henni hljóta.

Skoða...

50.
Ríman

Fylkis kemur hún framan í brjóst
féll þar garpurinn svinni
nú er það efnið ýtum ljóst
allur múgurinn vinni.

Skoða...

51.
Ríman

Jarlinn gerir með enga vægð
eggja fólk til rimmu
unnið hefur hann ærna frægð
Yggs að éli dimmu.

Skoða...

52.
Ríman

Ekki vætta uggir þá
jarl að sér um stundir
fylking raufst og fór sem má
fyrðar lúta undir.

Skoða...

53.
Ríman

Rúma götu ruddi hann
rekkar undan hrukku
aldrei litu þeir æðra mann
allir frá honum stukku.

Skoða...

54.
Ríman

Klæði hans við kólgu bál
kunnu öll að skína
þegar hann hristi hið harða stál
hver sá ævi sína.

Skoða...

55.
Ríman

Mauricius hinn mikli garpur
minnist kóngsins dauða
hann er bæði snar og snarpur
snýst með skjöldinn rauða.

Skoða...

56.
Ríman

Hlaupast þegar með orku að
afreks garpar reiðir
báðir höggva beint í stað
brynju hringa meiðir.

Skoða...

57.
Ríman

Mauricius braut mæta stöng
miðjum sundur í skildi
sú var digur og drjúgum löng
dugði ei sem vildi.

Skoða...

58.
Ríman

Jarlsins skaft í skildi stendur
skal nú annað tveggja
brotna allt ef bila ei hendur
britist aflið seggja.

Skoða...

59.
Ríman

Garpurinn sér að geir mun brátt
gnísta hjartans inni
utan hann neyti á nokkurn hátt
afl með hreysti sinni.

Skoða...

60.
Ríman

Sverði bregður í samri stund
sviptir öldu eisu
höggur þá svo hjörva Þund
hann fékk þunga hneisu.

Skoða...

61.
Ríman

Arminn sneið og axlar bein
óð þá brandur í hjarta
síðan búk með samri grein
sundur í miðju partar.

Skoða...

62.
Ríman

Annað högg á jarlsins háls
jafnskjótt lét hann svífa
ei má brynjan bjarta stáls
bragnings holdi hlífa.

Skoða...

63.
Ríman

Skildist jarl við skart og heim
skjótt á einni stundu
steyptist niður í stykkjum tveim
stillir niður að grundu.

Skoða...

64.
Ríman

Mauricius vann mestan sigur
er mun vera uppi lengi
nú er hann herra heiðarlegur
haldinn fram um drengi.

Skoða...

65.
Ríman

Þá var öll á þennan arm
þjóð á flóttastígum
seggir fundu sút og harm
seint mun létta vígum.

Skoða...

66.
Niðurlag

Sannlega skal hér siglt til brots
Suðra lægis hesti
en í kólgu kvæða þrots
kafni bragur á lesti.

Skoða...

Sálus rímur og Níkanórs, 10. ríma

næsta ríma >>