Karel

Rímur af Hervöru Angantýrsdóttur eftir AM 614 b 4to — 5. ríma

— Ásmundur Sæmundsson

Lemmata | Textatengsl
umgjörð ríman

Transcribed by the 2026 Master Class

1.
Formáli

Af könnum hylja Kjalars slyngum
kort mun veita,
skyldi ég vilja skothendingum
skrifuðum breyta.

Skoða...

2.
Formáli

Hauka týrs þó hyggi lengur
Hárs til senda,
verður rýr sá veiði fengur
vill svo lenda.

Skoða...

3.
Formáli

Lauka þiljum ljóða ána
læst ég búa
en öngvar vilja ennis mána
að mér snúa.

Skoða...

4.
Formáli

Því skal eigi þar við hrelldur
þátt í stími,
Suðrar fleyi svipta heldur
að sögunnar rími.

Skoða...

5.
Ríman

Þagnaði rýr og ræðu-snauður
reyndust málmar,
þar Angantýr var út af dauður
og einnin Hjálmar.

Skoða...

6.
Ríman

Undir eins þar út af hrutu
orrustu-þjáðir,
rjóðar fleins svo falla hlutu,
feigir báðir.

Skoða...

7.
Ríman

Um þá nótt þar Oddur var
svo ævi skarðar,
að morgni drótt hann dauða bar
til dysju jarðar.

Skoða...

8.
Ríman

Sá fékk mæðu er sendi kólf
og sagnir teygði,
alla bræður Oddur tólf
á eynni heygði.

Skoða...

9.
Ríman

Eykur ráða eyjar búar
Odds með tali,
grjóti hlaða og gjörðu trúa
greinda sali.

Skoða...

10.
Ríman

Orkan lánuð Oddi var
við Egða smiðju,
heilan mánuð hann var þar
að hauga iðju.

Skoða...

11.
Ríman

Dimmt var í skæðu drauga höll
án daga sem nætur,
vopn og klæði ýta öll
þar Oddur lætur.

Skoða...

12.
Ríman

Að Uppsölum flutti Oddur Hjálmar
andar vana
til hilmirs dóttur sorgar sálmar
sóttu á hana.

Skoða...

13.
Ríman

Öngva bót né ástar kjör
hún átti á torgum
lét þar snótin lagleg fjör
og legin af sorgum.

Skoða...

14.
Ríman

Af brenndum baugum búin og mett
sem birtir kvæði
í einum haug þau inn voru sett
og eru þar bæði.

Skoða...

15.
Ríman

Um Odd þó megi af Ása lögum
yrkjast fengur,
þá er hann eigi í þessari sögu
þar við lengur.

Skoða...

16.
Ríman

Hróður teygir hvör svo lystur
í hyrjar vindi
annáll segir Oddur fyrstur
Ísland fyndi.

Skoða...

17.
Ríman

Kenning dreifir Kvasirs víða
kólnuðu blóði
og á því hreyfir Svava síðan
sást með jóði.

Skoða...

18.
Ríman

Bónda síns þá fregnar fall
hún fór að gráta.
En baug-Gná líns kvað Bjartmar jarl
af bölinu láta.

Skoða...

19.
Ríman

Sváfu ei beygir sorgin fórt
í sinnu rými
hún fæddi meybarn frítt og stórt
þá fram leið tími.

Skoða...

20.
Ríman

Mjög svo hræddist mála bupp
í minni kargur.
Að hún fæddist ekki upp
þar um bað margur.

Skoða...

21.
Ríman

Til heljar palla af húsa glap
þeir hvöttu ferða;
kölluðu varla konuskap
í kynni að verða.

Skoða...

22.
Ríman

Bjartmar skoðar barn og vonar
betur gegni.
Ætti ég stoða Andgríms sonu
eftir megni.

Skoða...

23.
Ríman

Upp á hauður ef hún nærist
athugi vinir
með öllu dauðir ekki væri
Andgríms synir.

Skoða...

24.
Ríman

Þó menja Gerði margir hræðist
málma þórar
enn má verða af henni fæðist
ættir stórar.

Skoða...

25.
Ríman

Vífið lét hann vatni ausa;
valdsins neitti.
Hervör hét hin látgæðislausa
láðið skreytti.

Skoða...

26.
Ríman

Þroskafull varð þorna hlíð
á þróttir allar
ströndin gulls var stór og fríð
og sterk sem karlar

Skoða...

27.
Ríman

Mörg var hælni á menja skerði
er mátti skarta.
Um myrkfælni aldrei gerði
auðþöll kvarta.

Skoða...

28.
Ríman

Með saum eða toga sjaldan fer
við silki-eikur.
Við sverðið, boga, hjálm og hjör
var hennar leikur.

Skoða...

29.
Ríman

Varla þótti vífið stillt
svo viðgang herði.
Færra gott en fleira illt
að fljóðið gerði.

Skoða...

30.
Ríman

Þá herti jarlinn hana um það,
hún hljóp á skóga.
Bragnar kalla í berserks stað
til branda róga.

Skoða...

31.
Ríman

Stiftaði skála stúlkan ung,
með störfum trauðum.
Býsna mála bætti í pung,
af brögnum dauðum.

Skoða...

32.
Ríman

Marga drap hún menn og sótti
á merkur víða.
Stór í skapi þorngrund þótti
þeim sem líða.

Skoða...

33.
Ríman

Leist þeim hætta leiðum rétt
að loga á hjalli.
Um brúði þvætta og birta þetta
Bjartmar jarli.

Skoða...

34.
Ríman

Bjartmar hlýddi bragna róg
um brúði svinna,
og marga hýddi menn á skóg,
þá mengrund finna.

Skoða...

35.
Ríman

Herinn sló þá hring um svanna
og henni náðu.
Fyrir henni dó þá margur manna
meiddur áður.

Skoða...

36.
Ríman

Höndum tekin heim svo fór
úr hrotta remmu
og var rekin strönd gulls stór
í sterka skemmu.

Skoða...

37.
Ríman

Lagleg stríði létti skrafa,
leyfðist hróður,
sat um hríð með sögðum afa,
og sinni móður.

Skoða...

38.
Ríman

Í sinnis ferðum sást með kælum,
sem ég inni.
Illt hún gjörði önnungs þrælum
einu sinni.

Skoða...

39.
Ríman

Ömuðu stirðar orða gnóttir
auðar Freyju.
Svína hirðis sögðu dróttir
svinna meyju.

Skoða...

40.
Ríman

Hervör reiddist hálfu meira
heyrðu spjalli
og svoddan beiddist betur heyra
af Bjartmar jarli.

Skoða...

41.
Ríman

Logið kvað það laufa týr,
að lista meyju,
þinn talinn faðir trautt var rýr,
með tárum Freyju.

Skoða...

42.
Ríman

Bendir ýrs var bardaginn falur,
býr óskerðri,
Angantýr í Sámsey salur
sunnanverðri.

Skoða...

43.
Ríman

Hofmannleg þá hlaðsól fitja,
heyrði hin svinna,
fýsir mig nú fóstra að vitja,
framliðinna.

Skoða...

44.
Ríman

Frændur trauðir í fornum sal
munu flesta beygja.
Þeirra auð ég öðlast skal
eða annars deyja.

Skoða...

45.
Ríman

Skör um búa skjótlega vil,
og skera mér treyju
og djarflega snúa drauga til,
að dráp-Sámseyju.

Skoða...

46.
Ríman

Móðir kunna taldi á trauða,
trúrra ráða;
bað ei nunna drauga dauða
djarft ónáða.

Skoða...

47.
Ríman

Búning vona bitru fleins
mér být í færi.
Sannprúð kona, sonur eins
og sjálf ég væri.

Skoða...

48.
Ríman

Hervör síðan hvarf á burt,
í hildar skrúða.
Fengu lýðir fyrst ei spurt
um fljóðið prúða.

Skoða...

49.
Ríman

Hún svo var í hugar leit
að hauga þingum
og kom við þar er saman var sveit
af sjó-víkingum.

Skoða...

50.
Ríman

Hjörvarð þá sig nefndi niftin,
náða linna.
Forráðs stjá hún fékk í skiptin
félaga sinna.

Skoða...

51.
Ríman

Hjörvarður þessi herjaði víða
á hreggviði skjalda
og súða essi svo hún bíður
að Sámsey halda.

Skoða...

52.
Ríman

Sem þar lágu sjávar plötu
sagt við boða
Hjörvarður þá vill hauðurs götu
hólmans troða.

Skoða...

53.
Ríman

Latti drótt sér leiðir gjöra
lands til álfa;
sögðu fljótt þar fyrir vera
fjandann sjálfa.

Skoða...

54.
Ríman

Á daginn vaða í virða krans,
og vera þar lætur
en annars staðar lóðir lands
um langar nætur.

Skoða...

55.
Ríman

Mönnum hættur og meiðslið stranga
má af verða.
Þeir meinvættir þar um ganga
og þrautir herða.

Skoða...

56.
Ríman

Þó hermdir lýðir hefði þar
þann hólma lastað
þá fékkst um síðir að akkerum var
við eyjuna kastað.

Skoða...

57.
Ríman

Hjörvarður jók þá hinum kvíðann,
hans bíðandi;
bát sér tók og setti síðan
sjálfur að landi.

Skoða...

58.
Ríman

Mælir letur í Munaðarvogi
menn þá lenti.
Um sólar setur sverð og bogi
seimgrund þénti.

Skoða...

59.
Ríman

Á landið rann og lítt þá eymdi
lands ófríður.
Hitti einn mann er hjörðu geymdi
hagann viður.

Skoða...

60.
Niðurlag

Spurði frétta fleina meið
að frægð ei þrotni.
Nú skal detta norðrar skeið
og niður brotni.

Skoða...

Rímur af Hervöru Angantýrsdóttur, 5. ríma