Karel

Rollantsrímur — 6. ríma

Lemmata | Textatengsl
umgjörð ríman

1.
Formáli

Mansöngs lát mun eg enn tjá
í mínu óðar efni
hæg í mát að heyrast má
hrings fyrir bauga Gefni.

Skoða...

2.
Formáli

Vil eg ei ljóðin mæla myrkt
þó margir að því hæða
helldur hljóðin hefja skýrt
hróðrinn afmors kvæða.

Skoða...

3.
Formáli

Skötnum færi eg skothendan brag
af skjótu Sónar gilldi
að víðar læri vanda slag
með Venris orða snilldi.

Skoða...

4.
Formáli

Hefur því stundum stirða lag
stýrir Fofnis láða
má eg ei sprundum mætan brag
mæla lindi þráða.

Skoða...

5.
Formáli

Margir senn af mærðar kveik
mansöng kunna að sníða
þó skal enn fyrir auðar eik
óðinn nokkurn smíða.

Skoða...

6.
Formáli

Vilji gæta grund að því
Gylldings ferju að næra
hýrlig sæta harma hný
hafðu alldri að kæra.

Skoða...

7.
Formáli

Þó ástarþel með yndið strítt
angri vífið fríða
lifðu vel með lyndið blítt
og legg þú fátt til lýða.

Skoða...

8.
Formáli

Hafir þú sút fyrir hjerva Þund
hrund í visku landi
sorgar klút eð svinna sprund
sviptist öllu grandi.

Skoða...

9.
Formáli

Fæ eg ei annað fyrir þig lagt
folldin ægis bríma
þú hljótir sanna heiðr og makt
og hamingju á hverjum tíma.

Skoða...

10.
Formáli

Hallt ið rétta hrund eg bið
hljóti veralldar blóma
svó megi það frétta firða lið
að fáir þú allan sóma.

Skoða...

11.
Formáli

En þó að falli Fjölnis sund
fyst um bryggju landa
óðrinn spjallar aðra stund
þá efnið kemur til handa.

Skoða...

12.
Formáli

Horna flóð skal hefja þar
er höldar búast að stríða
nýjan óð um Norðra far
nenni eg enn að smíða.

Skoða...

13.
Formáli

Mærðar dval fyrir menja reið
mun eg ei láta dvína
er Rollant skal við randa meið
reyna hreysti sína.

Skoða...

14.
Ríman

Hófu síðan hilldar leik
hvór að öðrum rendi
með yfrið stóran unda kveik
er örnir bar í hendi.

Skoða...

15.
Ríman

Rollant hægur sterkan staf
stillir bar til víga
röskr og frægur sem raunin gaf
þeim randa Fofnis stíga.

Skoða...

16.
Ríman

Sverði náði ei seima Týr
er sett var þeirra á milli
herrann bráði í huganum skýr
hann hefur sig framan að stilli.

Skoða...

17.
Ríman

Risinn höggr að Rollant þá
að ræna þegninn lífi
yfrið snöggur sér undan brá
ætl eg að Kristur hlífi.

Skoða...

18.
Ríman

Hilmir nærri að höggva kann
þó hæfði ei brodda hvessi
öngvan stæri á foldu fann
fleina Týr en þessi.

Skoða...

19.
Ríman

Riddarinn snjalli að runna stáls
Rollant stafinn sinn reiddi
skauzt að kalli skýfir báls
og skýlu höggin greiddi.

Skoða...

20.
Ríman

Rétt í stað þá róman hnýr
rekkar höggva af bræði
bani var það fyrir bauga Týr
ef brandinn snerta næði.

Skoða...

21.
Ríman

Langa stund að lýðrinn sá
leikinn harðla stranga
við örlögs fund að ýtum brá
þeim örva gýgir spanga.

Skoða...

22.
Ríman

Kom þar næsta er kauðinn hjó
og kænn við elli stundir
hraðr og stæsta höggi sló
en hinn bar krókstaf undir.

Skoða...

23.
Ríman

Hjörrinn söng við harðan stein
er hremmdist fast í láði
í sundur stöng fyrir sára tein
slyppir eru þeir báðir.

Skoða...

24.
Ríman

Tók þá hendi tíginn mann
trylltur bauga spilli
loddarinn vendi og léttliga rann
hann lagðist ofan á stilli.

Skoða...

25.
Ríman

Kæfa villdi kappann þá
og kreysti niðr að láði
drottins milldi dýr og há
dögling frelsa náði.

Skoða...

26.
Ríman

Rollant skýr með rjóða lyst
er rammliga kenndi pínu
[bauga] Týr að beiddi Krist
að bjarga lífi sínu.

Skoða...

27.
Ríman

Það kom megn að málma rjóð
mikið á einni stundu
velti hann þegni á varma slóð
varð hann laus á grundu.

Skoða...

28.
Ríman

Brandinn teður þá bauga Njörð
brátt með hreysti sína
í naflann rekr hið nakta sverð
en norpurinn tók að hrína.

Skoða...

29.
Ríman

Ekki hafði öðling megn
úr undu að kippa fleini
helldur krafði hinn hoski þegn
að hörfa að stórum steini.

Skoða...

30.
Ríman

Þreif upp skjótt við Þundar fjúk
þennan steininn hvassa
hann setti fljótt að syrpu búk
sjóla framan í hjassa.

Skoða...

31.
Ríman

Dældast bein á digrum haus
er dintrinn kom við enni
festi stein sem fylkir kaus
fullvel trú eg hann kenni.

Skoða...

32.
Ríman

Beljar hinn með býsna raust
svó bragnar máttu skilja
Maumet mitt eð mikla traust
muntu hjálpa vilja.

Skoða...

33.
Ríman

Að því gætir ekki Þór
og öngum bónum sætti
alldri á fætur fausinn fór
fólans dregur þá mætti.

Skoða...

34.
Ríman

Rollant grjótið ganga lét
greitt í haus að senda
hinn með blót og bölvað hret
brátt er kominn á enda.

Skoða...

35.
Ríman

Þá tók mæla þumbrinn stór
þrátt af hjertans grunni
illt er trúa á arma Þór
sem öngva virðing kunni.

Skoða...

36.
Ríman

Seg eg af létta laust við þá
líf er komið á enda
dó við þetta dólgrinn sá
dróttir þangað venda.

Skoða...

37.
Ríman

Þrælar hans að þustu að
er þegninn illa vörðu
hins ríka manns í rúmum stað
risann að heygja gjörðu.

Skoða...

38.
Ríman

Flúði hverr sem föng hefur á
um frónið vítt að hlaupa
málma bör hvern mátti ná
munu þeir lífið kaupa.

Skoða...

39.
Ríman

Keisarinn hrelldur lofar með list
lausnara sinn að vanda
ræðum helldr um Rollant fyst
í Rómu gjörði að standa.

Skoða...

40.
Ríman

Ekki tefur þá örva Gaut
ótt að staðnum vendi
Rollant hefur nú rétt úr þraut
með rammligt sverð í hendi.

Skoða...

41.
Ríman

Hans var listin lýði að sjá
og létta þungu ráði
Oddgeir danska og alla þá
öðling frelsa náði.

Skoða...

42.
Ríman

Rollant færði riddara sín
þeim randa Fofnis stétta
hilmir kærði hugarins pín
svó hann varð glaður við þetta.

Skoða...

43.
Ríman

Lofuðu allir laufa Þund
lífgjöf áttu að hæla
höldar snjallir hringa lund
hverr sem kunni að mæla.

Skoða...

44.
Ríman

Rollant sterki frægðir fær
fréttist það svó víða
halrinn merki á hendur tvær
hamingjan mundi hlýða.

Skoða...

45.
Ríman

Um ritning megna er Rollant gaf
risanum fyrri í þætti
tóku þegnar tel eg þá af
að trúa af öllum mætti.

Skoða...

46.
Ríman

Hundruð þrjú sem hermi eg frá
hróknum fylgdu að vanda
fengu trú sem fréttast má
og fylkir gekk til handa.

Skoða...

47.
Ríman

Lofa má þennan lystar mann
lýða sveit með prýði
Rollant kenna rekkar þann
sem rómu alldri flýði.

Skoða...

48.
Niðurlag

Læt eg þar við ljóða braut
um lofðungs kundinn snjalla.
nú var keisarinn kominn úr þraut
með kappa sína alla.

Skoða...

49.
Niðurlag

Málma börr vill mengi tjá
þeir mýki Sónar fræði
læri hverr sem lystir á
lítið þetta fræði.

Skoða...

50.
Niðurlag

Mýktist undir mærðar seim
ef meiskrið Hárs er nærri
villda eg stundir stytta þeim
sem stirða hugsun bæri.

Skoða...

51.
Niðurlag

Lesið er út af litlum þátt
ljóða smíðið káta
Þundar stút á þennan hátt
þegna skal eg hann láta.

Skoða...

52.
Niðurlag

Í fróðum sjóðum fátt er smátt
fremd að hendi stæði
af ljóðum hljóðum lagt og hátt
lendi og vendi kvæði.

Skoða...

Rollantsrímur, 6. ríma