Karel

Ölvis rímur sterka — 1. ríma

Lemmata | Textatengsl
umgjörð ríman

1.
Formáli

Varla trúi ég að vísna spekt
verði í þessum óði
Noregi réð með mestri mekt
Magnús kóngur hinn góði.

Skoða...

2.
Formáli

Bragurinn hefur það geira gjálfur
gert með lymsku og seiði
kemur hann lítt við söguna sjálfur
segir af hringa meiði.

Skoða...

3.
Ríman

Hákon nefnist höldurinn glaður
hann á byggð í Fjörðum
löngum var sá lendur maður
í lofðungs ráðagjörðum.

Skoða...

4.
Ríman

Brúði átti burgeis vaskur
borinn frá öllum sorgum
hennar faðir var Ölver Askur
Ásláksson frá Torgum.

Skoða...

5.
Ríman

Hákon ól við Hildigunn
harla frægan arfa
Ölver nefni ég auðar runn
afrek mun sá starfa.

Skoða...

6.
Ríman

Fóstra hans af Finnmörk var
er fyrðar nefna Hildi
nistis mátti að naumu þar
nema það allt hann vildi.

Skoða...

7.
Ríman

Ölver gerðist allvel knár
einatt búinn að stíma
og er ei von að þegninn hnár
þori við hann að glíma.

Skoða...

8.
Ríman

Engi við honum reisir rönd
rausnar garpi sönnum
einatt bíður aðra hönd
Ölver fjórum mönnum.

Skoða...

9.
Ríman

Þá var eyðir elda flóðs
ára tólf og þriggja
vöxturinn kom honum víst til góðs
hann vill ei heima liggja.

Skoða...

10.
Ríman

Gekk fyrir Hákon hjörva Týr
og hélt á brandi snörpum
faðir minn skaltu flæðar dýr
fá mér hlaðið af görpum.

Skoða...

11.
Ríman

Hákon svarar og hlær á mót
hvað skal látum slíkum
viltu frændi fá þér snót
og fara með görpum ríkum.

Skoða...

12.
Ríman

Þegninn reiður við þetta brást
þú skalt fá mér drengi
kann ég ekki í kallsi fást
því kvinnan vill mig engi.

Skoða...

13.
Ríman

Bóndinn gaf honum byrðing einn
bæði með segl og reiða
þá var Ölver ekki seinn
ýta liðs að beiða.

Skoða...

14.
Ríman

Faðir hans gaf honum fimmtán menn
flesta unga og væna
holta bera og hrímnis tenn
harða skjöldu og græna.

Skoða...

15.
Ríman

Sætan veik að sunda rein
sviptur öllu bölvi
þá kom Hildur að hitta svein
hún hefur fóstrað Ölvi.

Skoða...

16.
Ríman

Brúðurin talaði búin með skraut
birtist seggjum vandi
hvað skal yður að halda á braut
hér er svo gott í landi.

Skoða...

17.
Ríman

Ölver segir að ei muni tjá
fyrir ýtum slíkt að greina
fleiri ætla ég fyrða sjá
en föður míns þræla eina.

Skoða...

18.
Ríman

Ég vil gefa þér gildings bál
það garpa kann að sætta
einn veg klýfur stein sem stál
og stökkur í engu vætta.

Skoða...

19.
Ríman

Einatt bið ég kvað ágæt snót
yðvar heiðurinn vaxi
þar skal fylgja búnings bót
bjartur lindi saxi.

Skoða...

20.
Ríman

Ef kemur þú þar sem kvinnan ein
kvelst í sárri pínu
trúleg er sú tryggðar grein
treystu belti þínu.

Skoða...

21.
Ríman

Þegar þú lætur um ljóða hund
linda þennan kljúfast
skjótlega skal hún skilin við burð
skal það ekki rjúfast.

Skoða...

22.
Ríman

Fóstrinn muntu framur til alls
fremstur í raunum standa
uggir mig að kvenna kalls
komi þér helst í vanda.

Skoða...

23.
Ríman

Hildur skilst við hölda þar
henni dugði viska
seggir tóku að sigla á mar
suður fyrir landið girska.

Skoða...

24.
Ríman

Ölver lætur austur í haf
afreks kappa venda
brögnum allvel byrjar gaf
brátt við Danmörk lenda.

Skoða...

25.
Ríman

Köppum ræður kóngurinn Sveinn
kær í þennan tíma
ágætastur sá öðling einn
ör af sjóvar bríma.

Skoða...

26.
Ríman

Dögling prýðir Danmörk á
drengi sína fróða
missáttur var milding sá
við Magnús kóng hinn góða.

Skoða...

27.
Ríman

Jafnan skýfðu skatnar tveir
skjöldu unda nöðrum
hvoru tveggju herrar þeir
hjuggu menn fyrir öðrum.

Skoða...

28.
Ríman

Ölver kom þar að við frón
er Úlfur hersir stýrir
dóttur áttu dýrleg hjón
er drengir báðu skýrir.

Skoða...

29.
Ríman

Úlfur hersir fyrða fann
fram að skipunum lagði
Ölver varaðist ekki hann
og allt í fréttum sagði.

Skoða...

30.
Ríman

Hvaðan af löndum héldu þér
heiðurs garpar snjallir
vaskur svaraði vella grér
vér erum Norðmenn allir.

Skoða...

31.
Ríman

Hersir talar við hölda enn
höggum drengi slíka
þeir eru allir mgnir menn
mun það Sveini líka.

Skoða...

32.
Ríman

Ölver greip upp eitthvert spjót
ætlar rómu heyja
hæfir framan á hringa njót
svo hersir varð að deyja.

Skoða...

33.
Ríman

Drengurinn sníður dofra þak
dugði eggjar gerðar
Úlfur féll þar aftur á bak
út stóð spjót um herðar.

Skoða...

34.
Ríman

Bjuggu þeir um þennan dreng
þeim varð ekki að ráði
höldar Ölvers hala upp streng
og halda undan láði.

Skoða...

35.
Ríman

Bæði gekk þeim móti og meður
munu þess drengir gjalda
kemur á fyrir þeim vestan veður
og verður á land að halda.

Skoða...

36.
Ríman

Veðrið tók að vaxa þar
væsti drengi fróða
brjóta þeir við bjarga mar
byrðing sinn hinn góða.

Skoða...

37.
Niðurlag

Drukkna þeir við djúpan sand
drengir hans í ægi
Ölver kemst þar einn á land
úti er þetta fræði.

Skoða...

Ölvis rímur sterka, 1. ríma

næsta ríma >>