Karel

Hemings rímur — 6. ríma

Lemmata | Textatengsl
umgjörð ríman

1.
Formáli

Á mansöng legg ég minnstan hátt
í mínu fræði;
aðrir gera sér ýtar dátt
um afmors kvæði.

Skoða...

2.
Formáli

Margur verður af sútum sveldur
í sínu hjarta;
fær þó ekki halur að heldur
hringþöll bjarta.

Skoða...

3.
Formáli

Blíðir hyggi bragnar að,
hvað bókin sannar,
hölda engi hlýtur það,
sem hamingjan bannar.

Skoða...

4.
Formáli

Skiptir mest um þegna þá
eða þorngrund svinna,
hvort að gæfan gengur frá
eða gerir að sinna.

Skoða...

5.
Ríman

Játvarður réð öðling einn
í Englands veldi,
sá var fylkir furðu beinn
af flæðar eldi.

Skoða...

6.
Ríman

Aðalráðs son var fylkir fróður,
að fénu unni;
sá var milding mörgum góður
málma runni.

Skoða...

7.
Ríman

Ragnhildur hét refla Ná,
að ræsir unni;
Skögla-Tosti gaf skautfold þá
þeim skjalda runni.

Skoða...

8.
Ríman

Ekki átti buðlung barn
við bauga láði;
þó var fylkir furðu gjarn
að fögru ráði.

Skoða...

9.
Ríman

Sigríður hét silki nift
er systir hennar,
hin stórráða orma drift,
að ýtar kenna.

Skoða...

10.
Ríman

Eina nótt að auðar storð
lét inni brenna
kónga tvo með kerski orð
og kvalirnar spenna.

Skoða...

11.
Ríman

Bæjarleifur buðlung fann
og beiddi stilli
vist að þiggja veturinn þann
hjá vopna spilli.

Skoða...

12.
Ríman

Lofðung veitti lundi stáls,
það Leifur beiddi;
dvelst hjá hilmi hetjan frjáls,
er hjálma sneiddi.

Skoða...

13.
Ríman

Leifur var við bragna blíður
buðlungs sveita,
hann mun vera í styrjöld stríður,
ef slag þarf veita.

Skoða...

14.
Ríman

Oddi frá ég, að auðar Týr
nam orð að senda;
þangað skyldi drengurinn dýr
með duldu venda.

Skoða...

15.
Ríman

Þegar að Oddi kveðjan kemur
af kleyfi skjalda,
suður á eyjar seggurinn nemur
sjálfur að halda.

Skoða...

16.
Ríman

Fyrða biður hann flutnings sér
yfir frónið kalda;
„Til Englands hef ég ætlað mér
með yður að halda“.

Skoða...

17.
Ríman

Þar var settur siglu ormur
á sundið hýra,
bragnar vildu, að blési stormur,
og burtu stýra.

Skoða...

18.
Ríman

Þetta veittu þegnar þá
með þýðu alla;
búa til segl, en byrinn á
tók beint að falla.

Skoða...

19.
Ríman

Leiðsögn hafði Oddur einn
á unnar dýri;
að Aldintúnum byrinn beinn
að bragning stýri.

Skoða...

20.
Ríman

Oddi fagnar drengurinn dýr,
sá dúkinn seldi;
horskur dvaldist hringa Týr
í hilmis veldi.

Skoða...

21.
Ríman

Allan veturinn Oddur er
á öðlings garði;
góssi sínu garpurinn ver
og gull ei sparði.

Skoða...

22.
Ríman

Kaupa lætur kirkju við
og klukkur steypa;
Oddur býst með fullan frið
til ferðar hleypa.

Skoða...

23.
Ríman

Sjóli lætur setja þing
að sínum vanda;
ýtum gefur hann Ófnis bing
til ýmsa handa.

Skoða...

24.
Ríman

Oddur gekk á fundinn fram
með fleina skerði;
bráðlega lítur hann breytinn mann
með búnu sverði.

Skoða...

25.
Ríman

Þessi hafði fagran feld,
er fyrðar líta;
að heiti spurði hetjan sveld
þann herði ríta.

Skoða...

26.
Ríman

Aðalbrikt sagðist eyðir stáls
að einka nafni;
sá mun ekki seggurinn frjáls,
hann svarar þó jafni.

Skoða...

27.
Ríman

Oddur spurði örva grér,
sem ég kann greina:
„Hver hefur, garpurinn! gefna þér
svo gripina hreina?“

Skoða...

28.
Ríman

„Keypta ég þá“, segir kappinn fríður
kvintu verði;
frá ég, að svo komst fleina viður
að feld og sverði“.

Skoða...

29.
Ríman

Oddur frá ég, að ansar brátt
þeim auma drengi:
„Bróðir minn hefur báða átt
og bar þá lengi.

Skoða...

30.
Ríman

Halurinn frá ég, að hvarf í burt
á hólki einum;
til seggs hef ég aldrei síðan spurt
með sönnum greinum.

Skoða...

31.
Ríman

Hygg ég rétt, þú hefur hann myrt
með heimsku gefna;
það skal kappinn keypt hafa dýrt,
ef kann ég hefna“.

Skoða...

32.
Ríman

Leifur gekk að lundi hratt,
þeim lygina gerði;
„Þú munt verða að segja satt
af seima skerði.

Skoða...

33.
Ríman

Ellegar munu þig skatnar skjótt
með Skírtein höggva;
bragnar munu þinn búkinn ótt
í blóði döggva.

Skoða...

34.
Ríman

Listin er sú laufa á
með lækning drjúga:
bítur ekki bæsting sá,
ef bragnar ljúga.

Skoða...

35.
Ríman

En ef rekkur er sönnu sagður
um sökina alla,
þá mun drengnum dauðinn lagður
af dýrum gjalla“.

Skoða...

36.
Ríman

Aðalbrikt frá ég, að ansar svo
þeim eyði ríta:
„Eigi þykir mér örvænt þá,
að oss muni bíta.

Skoða...

37.
Ríman

Skipshöfn eina fann ég fyrr
með fræga drengi:
virðum jókst þar vopna styr,
þeir vörðust lengi.

Skoða...

38.
Ríman

Drápum alla drengi þá
í drífu spjóta;
mátti engi maðurinn sjá
það morðið ljóta.

Skoða...

39.
Ríman

Drekktum þeim í djúpan mar
með drengi fróma;
fékk ég síðan feldinn þar
og fagran skjóma.

Skoða...

40.
Ríman

Legg ég allt á döglings dóm“,
kvað dreifir sverða,
„hygg ég rétt, að hetjan fróm
muni halda verða“.

Skoða...

41.
Ríman

Öðling ansar auðar Bald
í orða kífi:
„Þó skal Oddur þiggja vald
á þínu lífi“.

Skoða...

42.
Ríman

„Vilda ég þó“, að vísir tér
með vondri pínu,
„lífi héldi laufa grér
með lofinu þínu“.

Skoða...

43.
Ríman

Oddur segir, að milding mætur
megi því ráða;
höfði sínu halda lætur
hreytir sáða.

Skoða...

44.
Ríman

Öðling greiddi Oddi fé
af afrek sönnum;
útlægur trúi ég, að Aðalbrikt sé
fyrir Englands mönnum.

Skoða...

45.
Ríman

Það hafa höldar heyrt til sanns
af hristi sverða:
Aðalbrikt skyldi innan lands
þar aldrei verða.

Skoða...

46.
Ríman

Lind var sett með list og kurt
á lægis barmi;
nú vill halurinn halda í burt
á húfa karmi.

Skoða...

47.
Ríman

Fyrðar ferma flæðar dýr
af fénu öllu;
nú vill halda hetjan skýr
af hilmis höllu.

Skoða...

48.
Ríman

Blíðlega skildu bragnar þá,
sem birtir ríma;
nú fór Oddur niflung frá
í nefndan tíma.

Skoða...

49.
Ríman

Bragnum ekki byrinn tekur
á báru ormi;
austur að Noregi ýta rekur
í óða stormi.

Skoða...

50.
Ríman

Inn á fjörðinn ýta ber
í ærnu ljósi;
næsta kveld að niflung er
í Niðarósi.

Skoða...

51.
Ríman

Við Niðarós liggja nokkur skip,
sem nú skal inna;
ýtar höfðu af Oddi svip
og einnig finna.

Skoða...

52.
Ríman

Skjótlega spurðu skatnar að,
hver skipinu stýrði;
Oddur, frá ég, að þegnum það
með þýðu skýrði.

Skoða...

53.
Ríman

„Aldrei hef ég þegna þó
með þýðu rétta
nafni leynt, og nú skal svo,
ef nokkur vill frétta“.

Skoða...

54.
Ríman

Þjóðin frá ég, með þetta fer
til þengils hallar
segja honum, hvar Oddur er
með ýta snjalla.

Skoða...

55.
Ríman

Síðan bregður sjóli viður
með seggi kæra;
langskip öll að lofðung biður
úr leginum færa.

Skoða...

56.
Ríman

„Tengið saman“, kvað sjóli dýr,
„um sundið kalda,
bíða þess, að bauga Týr
vill burtu halda.

Skoða...

57.
Ríman

Vér skulum geyma landið lágt
með liðinu frómu;
þá mun Oddi ærið bágt
til undankomu“.

Skoða...

58.
Ríman

Skatnar hrinda skipunum fram
á Skeljungs völlu;
var þá ærið vopna glam
í vísis höllu.

Skoða...

59.
Ríman

Nú eru tengdar skjöldungs skeiður
skerja á milli;
var þá eigi vegurinn greiður
vopna spilli.

Skoða...

60.
Ríman

Þegar að Oddur þetta sér
og þegnar fríðir,
ljótur kurr í liðinu er,
ef lofðung stríðir.

Skoða...

61.
Ríman

„Beri sig vel hin blíða drótt“,
kvað brjótur sverða,
„enn mun ýtum eitthvert gott
til úrráðs verða“.

Skoða...

62.
Ríman

Oddur svaraði ýtum gladdur
af ærnum dáðum:
„Hálfu verr var Hemingur staddur
af hilmis ráðum.

Skoða...

63.
Ríman

Hlífði honum svo drottinn dýr
úr dauðans pínum,
heill komst burtu halurinn skýr
með heitum sínum.

Skoða...

64.
Ríman

Því skal enn í þetta bil
nú þangað leita
hjálpar oss, að helst er til,
og honum réð veita.

Skoða...

65.
Ríman

Ætlan mína ég vil tjá
við ýta fríða;
musterið ætla ég Melstað á
með mekt að smíða.

Skoða...

66.
Ríman

Fjárhlut þennan flyt ég um salt
að fyrða ráði,
það skal kirkjan eiga allt
að Ísaláði.

Skoða...

67.
Ríman

Nú skal syngja sveitin grimm“,
kvað sjóli hinn teiti,
„pater noster fyrðar fimm
með festu heiti,

Skoða...

68.
Ríman

Maríu vers af mestri náð
og mjúku hjarta“,
þegnar taka nú þetta ráð
með þýðu bjarta.

Skoða...

69.
Ríman

Þegar að úti er söngurinn settur,
svo má skilja,
vindurinn niður í dauðann dettur
að drottins vilja.

Skoða...

70.
Ríman

Sveigir talaði sára lax
við svinna bragna:
„Morgun golunni að morgni dags
þá megum vér fagna“.

Skoða...

71.
Ríman

Svo hefur gengið gluggi geyst
með greindum megnum,
hafrænan var heldur þeyst
að horskum þegnum.

Skoða...

72.
Ríman

Nú skal búa til byrjar feld
og bíða ei lengi,
hafa til reiðu allt í kveld
og hala upp strengi.

Skoða...

73.
Ríman

Vér skulum sigla seggi á
og sund í gegnum“;
ýtar segja það ekki tjá
fyrir öðlings þegnum.

Skoða...

74.
Ríman

„Fyrr mun hallast fylkis skeiður
og farmi týna,
en af skipinu gangurinn greiður
geri að dvína“.

Skoða...

75.
Ríman

Seggir drógu segl við tré
að sínu ráði,
Oddur frá ég, í stafninn sté
og stýra náði.

Skoða...

76.
Ríman

Hilmis frá ég, að herinn hlær
að hreyti sáða,
ýtar þóttust Oddi nær
að öllu ráða.

Skoða...

77.
Ríman

Frétta þá, hvort fleygir brands
á flæðar hundi
ætli að sigla inn til lands,
eða út úr sundi.

Skoða...

78.
Ríman

„Eða mun Oddur ætla reiður
á Ægi branda
sigla út á siklings skeiður,
ef svo vill standa?“

Skoða...

79.
Ríman

Síðan tók að vaxa vindur,
að virðar líta,
borða elgi byrinn hrindur
í báru hvíta.

Skoða...

80.
Ríman

Stefnir út á tengslin traustur
en tók að hvessa,
síðan rann hið fagra flaustur
á fylking þessa.

Skoða...

81.
Ríman

Vindurinn gerði voðum svip,
en virðar gjalda;
sukku tvö fyrir seggnum skip
í sundið kalda.

Skoða...

82.
Ríman

Ýtar frá ég, að sukku í sjá
og sæmdum lóga;
komst svo Oddur köppum frá
með kæti nóga.

Skoða...

83.
Ríman

„Hvort á kóngur á sundi sök?“
kvað sveigir ríta;
„skilja munum við skjöldum mök
og skal hann það líta“.

Skoða...

84.
Ríman

Skemmdur þóttist skjöldungs her
er skatna missti;
Oddur út til Íslands fer
og Miðfjörð gisti.

Skoða...

85.
Ríman

Þegar að kappar koma við land
með kaupferð rétta,
fleininn bera á fagran sand
og farmi létta.

Skoða...

86.
Ríman

Halurinn ríður heim á Mel
með hrausta bragna;
þykir það öllum þegnum vel,
og þessu fagna.

Skoða...

87.
Ríman

Kirkja er reist af köppum snjöll
og kórinn steindi;
fær til hennar fé þau öll,
er fyrri greindi.

Skoða...

88.
Ríman

Býr um klukkur beygir sax
í bestu hófi;
þar eru þær enn til þessa dags,
þó þegnar prófi.

Skoða...

89.
Ríman

Drengir mega þar dúkinn sjá
um dagana fríða;
margir af honum miskunn fá,
þeir meinin bíða.

Skoða...

90.
Ríman

Heima situr nú halurinn glaður
með heiður snjallan,
Oddur þótti mestur maður
um Miðfjörð allan.

Skoða...

91.
Niðurlag

Kveð ég ei lengur þennan þátt,
þó að þegna lysti;
arnar leir mun eyðast brátt,
að Óðinn missti.

Skoða...

Hemings rímur, 6. ríma