Karel

Rímur af Högna og Héðni — 5. ríma (Ferskeytt)

— Sigurður Breiðfjörð

Lemmata | Textatengsl
umgjörð ríman

1.
Formáli

Græðisljóma Gerður má
greinum hlýða mínum
hér skal verða endir á
óðar stirðum línum.

Skoða...

2.
Formáli

Af mér dregur orðsnildin
sem örðugt tíðum veitir
illt er þó ef endirinn
allra verstur heitir.

Skoða...

3.
Formáli

Sveittur hef ég setið við
söngva þetta letur
til góða haldi gumalið
ég gat það ekki betur.

Skoða...

4.
Formáli

Hvað á þetta horskri drótt
hvað er það þið trúið?
Þakkið ekki það svo fljótt
þetta er ekki búið.

Skoða...

5.
Formáli

Þó ég beiddi þornagrá
það til virða góða
ekki er ég með öllu frá
efni skilinn ljóða.

Skoða...

6.
Formáli

Nú skal ykkur fræða fyrst
og forvitnina seðja,
hvað sú heitir hringarist
sem hróður minn skal gleðja.

Skoða...

7.
Formáli

Allir flykkjast að mér þá
eins og ger af hröfnum,
hinu fyrst ég hermi frá
hún heitir tveimur nöfnum.

Skoða...

8.
Formáli

Hún heitir æ æ herrann minn
helgur best mín gæti,
temjið þið skrattans troðninginn
tarna eru falleg læti.

Skoða...

9.
Formáli

Ef ég fæ nú andrúms bil
orða að flytja safnið
hana það ég herma vil,
hús er annað nafnið.

Skoða...

10.
Formáli

Seinna nafnið segja skal
svo í greinum mála
þar á hlýði þegna val,
það er straumur skála.

Skoða...

11.
Formáli

Mér í brjósti hugur hlær
heyrið hvað því veldur
þið eruð ennþá engu nær
um að tarna heldur.

Skoða...

12.
Formáli

Enn svo megið allir þér
upplýsingu hljóta
á að setjast undir hér
ofurlítil nóta.

Skoða...

13.
Formáli

Þá skal sleppa þessu fyrst
um það ei tala fremur
hlýði þeir sem hafa lyst
heilög ríman kemur.

Skoða...

14.
Formáli

Leiður var ég orðinn á
áðan kvæðum mínum,
sem Héðins þjóð með branda blá
böls var fangin pínum.

Skoða...

15.
Ríman

Með sönnum rökum svo er greint
að seint þeir fárið varist,
í fjörutíu og hundrað hreint
hafi árin barist.

Skoða...

16.
Ríman

Börðust þeir í hildarhams
heljar meinið þjáði
uns að maður Ólafs grams
einn þá frelsa náði.

Skoða...

17.
Ríman

Ríkis fyrsta ári á
Ólafur kóngur sagði
öldujó við eyju Há
á einu kveldi lagði.

Skoða...

18.
Ríman

Hafði verið vandi sá
við þá eyju tíðum
á hverri nótt það hermir skrá
hvurfu varðmenn lýðum.

Skoða...

19.
Ríman

Ívar ljómi einn var sá
á Ólafs konungs skeiðum
hann þar vörð nú halda á
hjörva fyrir meiðum.

Skoða...

20.
Ríman

Allir sofna ýtar snart
Ívar nema ljómi,
hann sig færði í hildarskart
í hönd var þrifinn skjómi.

Skoða...

21.
Ríman

Járnskjöldur það jötunn sverð
jafnan bar í stríðum,
en Þorsteinn eftir fræga ferð
föður gaf það blíðum.

Skoða...

22.
Ríman

Upp á ganga eyna fer
álfur mundarskara
sér hann mann á móti sér
mikinn vexti fara.

Skoða...

23.
Ríman

Alblóðugur allur var
angurvaðils beitir
málmatýr sem menntir bar
manninn spyr að heiti.

Skoða...

24.
Ríman

Hjarandason Héðinn ég
heiti vanur brandi
ættaður úr Austurveg
utan af Serkjalandi.

Skoða...

25.
Ríman

Er það satt að segja þér
seggur gæddur dáðum
að varðmenn hafa horfið hér
af Högna og mínum ráðum.

Skoða...

26.
Ríman

Kúgaðir af kyngiþrótt
með köskum hópnum lýða
dauðir ríðum dag og nótt
dæstir megum stríða.

Skoða...

27.
Ríman

Meir en hundrað árum á
átt höfum stríð það dauðir,
Hildur dóttir Högna má
horfa á vorar nauðir.

Skoða...

28.
Ríman

Kyngi og álög Óðins ljót
okkur valda banni,
er við þessu engin bót
utan kristinn granni

Skoða...

29.
Ríman

einhver nái okkur við
elið branda heyja
þá mun vort hið ljóta lið
loks að fullu deyja.

Skoða...

30.
Ríman

Óska ég þess af álfi brands
svo efnin dvíni nauða
að búast með til bardagans
með benja ljáinn rauða.

Skoða...

31.
Ríman

Veit ég þú ert vel kristinn
viður Krakasáða
krýndur heill mun kóngur þinn
kominn oss til náða.

Skoða...

32.
Ríman

Ívar játar álmavið
og á veginn kemur.
Héðinn glaður verður við
víst og talar fremur:

Skoða...

33.
Ríman

Við Högna er að eiga þann
ekki barnagaman
af því maður enginn kann
að honum ráðast framan.

Skoða...

34.
Ríman

Ægishjálm í augum ber
illur vals á fleti,
hugaður svo enginn er
að á hann litið geti.

Skoða...

35.
Ríman

Framan að vil ég fleygi brands
fýrugt hjörinn reiða
brátt þá skalt að baki hans
bana sárið greiða.

Skoða...

36.
Ríman

En nær hefur alla flett
aðra lífi sínu
veita mun þér loksins létt
lífi að farga mínu.

Skoða...

37.
Ríman

Þegar ganga þeir með hrað
þangað fróns á beði.
Ívar sér að satt er það
sem hann Héðinn téði.

Skoða...

38.
Ríman

Högna fékk hann haus á ný
í herðar niður slegið
hetjan féll af höggi því
og hefur síðan legið.

Skoða...

39.
Ríman

Hvern að öðrum höggva vann
hirðir síðan skeyta
en síðast deyddi Héðin hann
hægt sem náði veita.

Skoða...

40.
Ríman

Þegar unnið þetta starf
Þundur hafði naða
sér hann þá að Hildur hvarf
hreint í burtu þaðan.

Skoða...

41.
Ríman

Ofan að skipum Ívar þá
aftur ganga kunni,
öllu sagði sjóla frá
sem hann hafði unnið.

Skoða...

42.
Ríman

Allvel kóngur yfir lét
hvað unnið hafði drengur,
öldin svo um eyjar flet
öll með hilmi gengur.

Skoða...

43.
Ríman

Eftir leyfar ýtar sjá
engar samt þar vera,
blóð var sverði Ívars á
sem allt vill sannleik gera.

Skoða...

44.
Ríman

Eins var það við eyju þá
eftir bragna felldu
varðmenn ýtum aldrei frá
oftar hvurfu heldur.

Skoða...

45.
Niðurlag

Ræsir hrósar röskum beim
sem rekka deyddi lúinn
síðan náði halda heim.
Hana ég er búinn.

Skoða...

46.
Niðurlag

Endar ljóða lestur minn
lýðir fróðir hirði
en hrannarglóða seljan svinn
sjálf til góða virði.

Skoða...

47.
Niðurlag

Með dygða gnóttir fræg og fróð
friðar gæðist vegi
Rannveig dóttir Guðlaugs góð
greinir kvæða eigi.

Skoða...

48.
Niðurlag

Hljóttu bæði frið og fró
fljóðið heiðarlega
eilíf gæði og andarró
þá alheims gengur vega.

Skoða...

49.
Niðurlag

Ég hef saman hnoðað hér
hróður af frægum lýði,
ef til gamans gæti þér
greina vorðið smíði.

Skoða...

50.
Ríman

Í Björgólfsinnu byr um dröfn
beini ferðir sínar
í Vigur finni hjá þér höfn
Hleiðólfs ferjur mínar.

Skoða...

51.
Niðurlag

Sunnu hvera þöllin þér
þiggið kver án tálum
runnin kera aldan er
Yggjar hér af skálum.

Skoða...

Rímur af Högna og Héðni, 5. ríma