Karel

Rímur af Högna og Héðni — 3. ríma (Stuðlafall)

— Sigurður Breiðfjörð

Lemmata | Textatengsl
umgjörð ríman

1.
Ríman

Þriðja sinni Þrúði vil ég klæða
þetta færa mærðar mál,
af Mímis drekk ég tíðum skál.

Skoða...

2.
Ríman

Áfram verð ég efni því að halda
hér sem ég í hendur tók
hægt þó styttist sögubók.

Skoða...

3.
Ríman

Skal ég eiga skötnum frá að segja
konu þeirri er kvæðin á
kannski ykkur batni þá.

Skoða...

4.
Ríman

Forvitnin þó flekað marga hefur
sem grennslast vilja öllu að
ekki heldur segi ég það.

Skoða...

5.
Ríman

Eins gott held ég ykkur þess að bíða
seinna meir í söngvaklið.
Sagan kemur taktu við.

Skoða...

6.
Ríman

Óspilltra þar aftur tek til mála
í rjóðrinu sem rekkur fann
reflastorð hún kveður hann.

Skoða...

7.
Ríman

Héðinn spurði hennar eftir nafni.
Göndul sagðist heita hún,
hann þar sest hjá faldarún.

Skoða...

8.
Ríman

Hún nam spyrja hans að frægðar verkum.
En hann sagði satt þar frá
síðar framar spyr hann þá:

Skoða...

9.
Ríman

Veistu nokkurn vera kóng í heimi
fremri mér að frægð og þrótt?
Fljóðið þessu svarar skjótt:

Skoða...

10.
Ríman

Veit ég þann sem þér mun frægri vera
Högni kóngur heitir sá
hauðri stýra Dana má.

Skoða...

11.
Ríman

Tuttugu honum tignir kóngar þjóna
sá er frægur fleina grér
fullsnjallur að öllu þér.

Skoða...

12.
Ríman

Þá skal ég nú þetta málið reyna,
kátur svarar korðatýr,
kveður fljóð og burtu snýr.

Skoða...

13.
Ríman

Eftir sat þar auðar grundin fríða
nú skal segja af sverðarjóð
sína aftur finnur þjóð.

Skoða...

14.
Ríman

Vorið eftir vaskur býst til ferða
hundruð manna hafði þrjú
hélt svo þaðan burtu nú.

Skoða...

15.
Ríman

Dreka hafði hann með sér úr landi
Hræsvelgur úr hreiðri þá
hnípinn gerði upp að stá.

Skoða...

16.
Ríman

Vængi belgdi vindur tók að herðast
síðan hefjast heiðbláar
hafsins stóru öldurnar.

Skoða...

17.
Ríman

Daga og nætur dælujór hinn fríði
hlaupa tók um humraból
í heiminn undir norðurpól.

Skoða...

18.
Ríman

Sumarið allt þeir sigla í norðurheima
allt eins vetur allan með
aldan tíðum geispa réð.

Skoða...

19.
Ríman

Vorið eftir allir náðu bragnar
við Danaveldi hægri höfn
hvílist vindur lækkar dröfn.

Skoða...

20.
Ríman

Högni kóngur heima náði sitja
til veislu býður Héðni heim
hefst svo drykkjan báðum þeim.

Skoða...

21.
Ríman

Þá spyr Högni hann að erindunum.
Að við reynum okkur með
afl og hreysti, hinn fær téð.

Skoða...

22.
Ríman

Högni sagðist hvergi mundi renna.
Meiðar stáls að morgni dags
með sér þetta reyndu strax.

Skoða...

23.
Ríman

Allrahanda íþróttirnar reyndu
burtreið sund og beita geir
báðir voru jafnir þeir.

Skoða...

24.
Ríman

Fóstbræður svo fyrðar verða báðir
rekkar skyldu ráða þar
ríkjunum til jafnaðar.

Skoða...

25.
Ríman

Kóngurinn Högni konu nam sér eiga
Hervör kallast hringaslóð
Hildur þeirra dóttir rjóð.

Skoða...

26.
Ríman

Væn og kurteis var sú dóttir sjóla,
unni kóngur auðarbrú
eins og sínu lífi nú.

Skoða...

27.
Ríman

Það er sagt að síðar nokkrum tíma
Högni lagt í hernað gat
Héðinn kóngur eftir sat.

Skoða...

28.
Ríman

Einhvern dag þá einn hann reið á skóga
í róðri einu sikling sá
sitja eina klæða gná.

Skoða...

29.
Ríman

Þekkti Göndul þá sem áður hitti
hún á stóli sínum sat
sjóla vandað kveðju gat.

Skoða...

30.
Ríman

Honum sýndist hún að öllu vera
fegri nú en fyrra sinn,
fallega lét hún kvenskrattinn.

Skoða...

31.
Ríman

Af horni sínu honum bauð að drekka.
Héðinn kóngur þetta þá,
þanninn snart við drykkinn brá.

Skoða...

32.
Ríman

Að ekkert mundi áður hvað hann gerði,
niður settist henni hjá.
Hún nam spyrja kappann þá.

Skoða...

33.
Ríman

Hvernig gengið hefði þeirra á milli
Högna kóngs og Héðins þá.
Hann nam báða jafna tjá.

Skoða...

34.
Ríman

Eitt þig vantar við hann hún þá segir
Högni kóngur konu á
kvænast ber þér líka þá.

Skoða...

35.
Ríman

Héðinn svarar: Högni strax mér giftir
dóttur sína Hildi hér
honum jafnt þá kvæntur er.

Skoða...

36.
Ríman

Metnaður þinn mjög svo þar við lækkar
af Högna að fala hringa láð
hitt er mikið betra ráð.

Skoða...

37.
Ríman

Að þú rænir auðar burtu Þrúði
en drottninguna drepir þú
djarft með þessum hætti nú.

Skoða...

38.
Ríman

Fyrir kjalarhæl á kólgudýri þínu
leggja skaltu skrúðaná
skerast þar í sundur má.

Skoða...

39.
Ríman

Hann var svo af hennar trylltur krafti
að nú sýndist óskaráð
allt hvað hafði nornin tjáð.

Skoða...

40.
Ríman

Skildu síðan, skjöldung heim nam ganga
drekann lætur búa best
burtu vill með engan frest.

Skoða...

41.
Ríman

Dóttur kóngs og drottninguna tekur
sína undir hverja hönd
hleypur ofan að síldarströnd.

Skoða...

42.
Ríman

Hildur spurði hvað hann vildi gera.
En hann sagði satt þar frá.
Svarar mærin aftur þá:

Skoða...

43.
Ríman

Horfir þetta helst til stórra nauða
draumar segja mínir mér
að mikil undur vaxi hér.

Skoða...

44.
Ríman

Harmar munu hér af langir verða.
Hann kveðst ekki hirða par
hvað sem eftir færi þar.

Skoða...

45.
Ríman

Hjálpaði ekki honum neins að varna,
fram svo dreginn drekinn var,
drottninguna myrti þar.

Skoða...

46.
Ríman

Kjalarhælinn kvendið undir lagði
með þeim hætti drottning dó.
Drekann lýðir búa þó.

Skoða...

47.
Ríman

Héðinn einn þá hlaupa vann til skógar
hann þá fundið Göndul gat
galdranorn á stóli sat.

Skoða...

48.
Ríman

Kunnuglega kveðjast þau og sagði
henni sínum ferðum frá,
fullvel líkar henni þá.

Skoða...

49.
Ríman

Hérnæst býður hornið enn að drekka,
honum bregður þannig þá
þungur svefn hann fellur á.

Skoða...

50.
Ríman

Í kjöltu hennar kóngur sofna náði,
upp þá standa vífið vann
og vondleg þessi orðin spann:

Skoða...

51.
Ríman

Allslags fyrir þig undur nú ég vígi
sem Óðinn kóngur áður kvað
og ykkar Högna liði í stað.

Skoða...

52.
Ríman

Vaknar Héðinn við og náir líta
sér hvar Göndul svipill fer
svört og digur næsta er.

Skoða...

53.
Ríman

Man nú allt og illa þykir farið
illsku verkin unnin sín
angurs fékk hann sára pín.

Skoða...

54.
Ríman

Hljóðlega nú hugði burt að fara
svo þyrfti ekki að heyra hér
háðulegar brígslanir.

Skoða...

55.
Ríman

Fer til skips, úr festum drekann leysti
svo í haf og Hildur með
Héðinn kóngur sigla réð.

Skoða...

56.
Ríman

Bein var ferðin byrinn stóð af landi
kólgan vex á karfa heið
knörinn gengur sína leið.

Skoða...

57.
Ríman

Uggir mig að illum heillum stýri
þeirra ferð um flyðrubeð
fara vil ég ekki með.

Skoða...

58.
Ríman

Mína greiði ég Gínars veiði af höndum
óð ei fyrðum fróðan þyl,
fljóðið virði góða til.

Skoða...

Rímur af Högna og Héðni, 3. ríma

næsta ríma >>