Karel

Skáld-Helga rímur — 4. ríma

Lemmata | Textatengsl
umgjörð ríman

1.
Formáli

Marka skal við mærðar tal
mér eru eignuð fræði
eitthvert orð vill auðar skorð
eiga í hverju kvæði.

Skoða...

2.
Formáli

Hinn er fær af heimi nær
hatur en engi mæti
tel ég þeim næst að tala sem fæst
og týna allri kæti.

Skoða...

3.
Formáli

Gumnar þeir sem gullhlaðs Eir
gleður með allri blíðu
sé þeim kátt en syrgi fátt
og sinni engri kvíðu.

Skoða...

4.
Formáli

Herleg þjóð sem hæversk fljóð
hendir gaman að slíku
skrautlegt lag með skrifuðum brag
að skemmta fólki ríku.

Skoða...

5.
Formáli

Felli ég niður ef fólkið biður
fermt af malti orða
hróðrar sáld um Helga skáld
Herjans drykk hinn fjórða.

Skoða...

6.
Ríman

Býtir gulls var búinn til fulls
bússan lá með farmi
kemur um dag með kátlegt slag
karl að þeim hinn armi.

Skoða...

7.
Ríman

Seima Baldur er sjá við aldur
og sagðist Þorgils heita
hann bað sér far í bússu þar
báða nafna veita.

Skoða...

8.
Ríman

Inni ég beint en eigi seint
Illugar mæltu báðir
kveða við nei að kemur þú ei
karl á okkrar náðir.

Skoða...

9.
Ríman

Á ég mér frændur Íslands bændur
Ölver nefndur skalli
heiður er slíkt fyrir hoffólk ríkt
að hjálpa gömlum karli.

Skoða...

10.
Ríman

Harka drengur að Helga gengur
og hefur svo margt í spjalli
treysti ég þér þú takir við mér
tignar maðurinn snjalli.

Skoða...

11.
Ríman

Liðsemd þá er ég leysa má
læt ég fram við drengi
dælu starf ef dróttin þarf
duga mun ég skár en engi.

Skoða...

12.
Ríman

Hreina vist og hvers kyns list
hef ég í mínum bagga
leigan gelst ef lífið helst
leita vil ég til plagga.

Skoða...

13.
Ríman

Garpurinn tók við gömlum hrók
gluggið þaut á stofnum
þá kom byr en þeygi fyrr
þegnar létu úr höfnum.

Skoða...

14.
Ríman

Ógnar gnýr en yfir kom nýr
aldan þaut á knerri
viknar bönd en vatnar lönd
veðrið óx í hverri.

Skoða...

15.
Ríman

Aftur lá á þiljum þá
Þorgils karl hinn gamli
liðs var misst en lítil vist
lokið er öllu bramli.

Skoða...

16.
Ríman

Harka mann í hafinu þann
halurinn frægðar gjarni
vistar sjálfur verstnar gjálfur
og vann sem einu barni.

Skoða...

17.
Ríman

Heljar sótt fékk hann um nótt
halurinn bjó um kauða
hann tók sér reip og rifaði í keip
rak fyrir borð hinn dauða.

Skoða...

18.
Ríman

Kólgu gangur er kaldur og langur
á knerri frá ég að nauði
fylgdi ávallt um flóðið kalt
farþegi þeirra hinn dauði.

Skoða...

19.
Ríman

Eina nátt kom áfall hátt
innan borðs nam hlunka
kastar draug úr karfa laug
köldum upp á bunka.

Skoða...

20.
Ríman

Frá ég þann upp hinn fúla skupp
fullan setjast meina
kjafta gífur keipinn rífur
og kveður þá vísu eina.

Skoða...

21.
Ríman

Hræðslan jók er skallann skók
skipmenn niður að detta
hvergi brá þó hyrfði á
Helgi sér við þetta.

Skoða...

22.
Ríman

Tók þá garpur traustur og snarpur
tálgu öxi hvassa
hamri slær sem harðast fær
herða á millum gassa.

Skoða...

23.
Ríman

Greip um fætur garpurinn mætur
gorms á birni hlunna
hálsinn braut en Helgi skaut
halnum niður til grunna.

Skoða...

24.
Ríman

Jós þá flaustur flokkurinn traustur
fley var búið að sökkvi
með undrum brást en aldrei sást
álma viðurinn dökkvi.

Skoða...

25.
Ríman

Keyrði líð í kaldri hríð
Kári voðir hristi
ægis sporður upp í norður
Íslands frá ég þeir missti.

Skoða...

26.
Ríman

Virða rekur en voðir skekur
í veðri feikna gjörnu
suður í heim er sýnt frá þeim
þeir sáu til leiðarstjörnu.

Skoða...

27.
Ríman

Lægir brast en lúðist fast
lýður á hlunna dýri
hvergi gengur hreysti drengur
Helgi skáld frá stýri.

Skoða...

28.
Ríman

Illugi biður að berjist menn niður
og byrja villu stranga
þreytum mátt á þennan hátt
vér þolum ei vosið langa.

Skoða...

29.
Ríman

Heimsku líkt kvað Helgi er slíkt
að höggvast kristnum mönnum
tökum það ráð að tér oss náð
og treystum drottni sönnum.

Skoða...

30.
Ríman

Heitum á Krist með hjörtun tvist
í háska storms og sjóvar
þá kom hjálp svo hægðist gjálp
og hrannir gerðust mjóvar.

Skoða...

31.
Ríman

Yrkir þá er jökla sá
afreks maðurinn prúði
nú hefur veður að vísu kveður
vikið mér sýnt frá brúði.

Skoða...

32.
Ríman

Þuldi uður þvert í suður
þegnar sigla áttu
loksins þar að landi bar
að lýðir hvílast máttu.

Skoða...

33.
Ríman

Jökla jörð og Eiríksfjörð
öldin gjörvöll kenndi
ferðin rík í Falgeirsvík
frá ég að skipinu lendi.

Skoða...

34.
Ríman

Svo var drótt er drýgði þrótt
dösuð á flæðar elgi
er þá nær til einskis fær
öldin flest nema Helgi.

Skoða...

35.
Ríman

Forni hét sá fögnuð lét
fyrðum bjóða snjöllum
bóndi ríkur burgeis líkur
býr að Sólarfjöllum.

Skoða...

36.
Ríman

Helga bauð úr háska og nauð
heim með sér til vistar
fór það brátt á fornan hátt
fæddi hann sorgir tvistar.

Skoða...

37.
Ríman

Þegar að finnur FOrni svinnur
fæð á garpi ríkum
kemur á tal við kvintan hal
og kallsar orðum slíkum.

Skoða...

38.
Ríman

Þér var bægt frá brúðar rækt
byggð og eignum ríkum
guð vill nú að gleymir þú
girndar ráðum slíkum.

Skoða...

39.
Ríman

Forstatt þú með fulla trú
fékkstu giftu háva
suður í Róm með sæmdar blóm
og sóttir lausn til páfa.

Skoða...

40.
Ríman

Hrittu sorg úr hyggju borg
og harma ei vífið vænast
ger þér kátt á gleðinnar hátt
og gakk með oss að kvænast.

Skoða...

41.
Ríman

Þú vilt mann er mælti hann
mig til þessa eggja
hvar er sú kvon að helst er von
svo hug megi á það leggja.

Skoða...

42.
Ríman

Auðar brík er einkar rík
sú átt hefur Skeggi hinn prúði
förum í stað er Forni kvað
og föstnum þessa brúði.

Skoða...

43.
Ríman

Komu þar sem kvinnan var
kappinn erindin sagði
hefur þá orð við hringa skorð
Helgi situr og þagði.

Skoða...

44.
Ríman

Báðu mín kvað bauga Lín
bragnar þrír með nauðir
lukku skarð á lífi varð
þeir lágu allir dauðir.

Skoða...

45.
Ríman

Þeygi veldur þetta að heldur
þínum kaupum svanni
hvar er það fé að Forni sé
fengið þessum manni.

Skoða...

46.
Ríman

Hörnis bú kvað hetjan sú
Helga gef ég til mundar
fram gekk það er Forni bað
fékk hann silki grundar.

Skoða...

47.
Ríman

Skarlats Bil hún skilur það til
skuli hann hefna beggja
búinn í stríð og brodda hríð
bróður síns og Skeggja.

Skoða...

48.
Niðurlag

Burt leið vetur en bóndinn setur
búið á Hörnislandi
féll hann ótt í feikna sótt
fræðið bið ég að standi.

Skoða...

Skáld-Helga rímur, 4. ríma

næsta ríma >>