Karel

Fjósaríma — 1. ríma

— Þórður Magnússon

Lemmata | Textatengsl
umgjörð ríman

1.
Ríman

Hlýt ég enn, ef hlýtt er sögn,
hljóða mýkja strengi,
gleðja fólk, en gleyma þögn,
glepji fyrir mér engi.

Skoða...

2.
Ríman

Kvikna verður kvæða grein
af kveiking Sónar vessa,
gaman, en ekki græska nein,
gengur mér til þessa.

Skoða...

3.
Ríman

Skemmta nokkru skyldugt er
skötnum dökkva grímu,
út af litlu efni hér
eg vil smíða rímu.

Skoða...

4.
Ríman

Mín orð hvorki menn né frúr
mislíka sér láti,
nú skal ljóða nausti úr
Norðra hrinda báti.

Skoða...

5.
Ríman

Efnið máls eg fundið fæ
fyrst með réttum sanni,
halur einn kom heim að bæ
og heimti skuld að manni.

Skoða...

6.
Ríman

Gjörði sá að geyma naut,
sem gjaldið lúka átti,
þegn í fjósi, þorna Gaut,
þennan finna mátti.

Skoða...

7.
Ríman

Skjótt þar hitta skjalda Yggr
skuldamann sinn náði,
þar í kúastofu styggr
stjórnaði hinn bráði.

Skoða...

8.
Ríman

Þessi ekki boða beið,
byrstur hljóp að þegni,
skelldi í við skjóma meið
skjótt af öllu megni.

Skoða...

9.
Ríman

Randa grér með reiði skók
rekk af miklum þjósti,
maður hinn á móti tók,
móðr var fyrir brjósti.

Skoða...

10.
Ríman

Hinn er undir höggum sat
hugmóð kenndi sannan,
hnefa reiddi hátt sem gat,
hvorugr sparði annan.

Skoða...

11.
Ríman

Fornt þeir sannað fengu mál,
fólsku höfðu reista,
ógna verður æðibál
oft af litlum neista.

Skoða...

12.
Ríman

Af því efni aukast má
arnarleir hinn ljósi,
höldar gengu hólminn á
hraðir tveir í fjósi.

Skoða...

13.
Ríman

Hvor gaf örðum hörð og stór
höggin þeygi góðu,
háll varð stirðum fótum flór,
fyrðar saurinn óðu.

Skoða...

14.
Ríman

Mestu rimmu mátti sjá,
menn sig gjörðu herða,
stafkarl hrumur stóð þar hjá,
staðlaus tók að verða.

Skoða...

15.
Ríman

Skalf á beinum skepnan veik,
skjótt hann þetta firnar,
höldar áttu harðan leik
af heift fyrir aftan kýrnar.

Skoða...

16.
Ríman

Gengu að sem glímdu tólf,
gegndi þetta furðu,
vott og óhreint var þá gólf,
virðar saurgir urðu.

Skoða...

17.
Ríman

Heimasveinninn hælkrók á
hinn tilkomna lagði,
vaskur datt, því varla sá
við því pretta bragði.

Skoða...

18.
Ríman

Þá var meira fors en friðr
fjósinu í um stundir,
skjóðu hreppti vopna viðr,
varð hann síðan undir.

Skoða...

19.
Ríman

Forn orðskviður fram kom þá,
flestir hygg eg sanni:
Fellur oft til foldar sá,
fang sem býður manni.

Skoða...

20.
Ríman

Aflið dró úr eldra hal,
olli slíku mæði,
komst á fætur kálfs í sal
kempan hin með bræði.

Skoða...

21.
Ríman

Gjörði að örva runni rás,
reyndi manninn veika,
eftir þetta upp í bás
ýtar færðu leika.

Skoða...

22.
Ríman

Næsta var til nauða stefnt,
niðr með orku fleygði
seggur hal og sín gat hefnt,
saman í kuðung beygði.

Skoða...

23.
Ríman

Kynja sterkur kappinn varð,
karlmennskunnar neytti,
hárið allt og höku barð
hann af seggnum reytti.

Skoða...

24.
Ríman

Hjá stóð krankur karlinn þar,
kom fram öngvum vilja,
orkulaus til einskis var
ýta hann að skilja.

Skoða...

25.
Ríman

Sjúki maðrinn sendi pilt
síðan heim til kvenna,
bað þær koma brátt, ef stillt
bardaga fengi þenna.

Skoða...

26.
Ríman

Sveinninn fór og sætur fann,
sátu tvær í ranni,
bardagasögu birti hann
beint með réttum sanni.

Skoða...

27.
Ríman

Hringþöll eldri hljóp á stað,
hin sat eftir kvinna,
þar kom undir hlunkr í hlað,
hljómur verðr af minna.

Skoða...

28.
Ríman

Fóta neytti falda Bil,
frá var bauga selja,
dunur heyrði og dynki til,
dúðist Rindar elja.

Skoða...

29.
Ríman

Hlaupa gjörði so til sanns
svanninn ferðagreiði,
hún ver eins og hugur manns
harla fljót á skeiði.

Skoða...

30.
Ríman

Víst sem léki í vindi hyr,
valur flygi um stundir,
þar hann hefur bestan byr
báðum vængjum undir.

Skoða...

31.
Ríman

Brúður gekk í baulu hús
og bás í nauta ranni,
þar lá heiftar þykkju fús
þegn ofan á manni.

Skoða...

32.
Ríman

Bað hann sér að bjarga sprund
og bót á raunum vinna,
ofan af honum auðar lund
öflug tók þá kvinna.

Skoða...

33.
Ríman

Fengið hafði maðrinn merkr
munn bláan úr býtum,
og so þrútnar einninn kverkr,
ójafnt skegg með lýtum.

Skoða...

34.
Ríman

Þundar veðri þanninn lauk,
þegnar sættust eigi,
bjargi Týrs í burtu strauk
björtum sem á degi.

Skoða...

35.
Ríman

Kálfa mæðra höllin há
hafði færst úr lagi,
brotnir voru bálkar frá,
bar það til í slagi.

Skoða...

36.
Ríman

Hef eg aldrei heyrt það sagt,
hólmgöngurnar snarpar
í fjósi hefði fyrir sig lagt
forðum hreystigarpar.

Skoða...

37.
Ríman

Íslendingar áttu fyr
oft í vopna göllum,
vildu ekki vekja styr
virðar í nauta höllum.

Skoða...

38.
Ríman

Stórólfsson var sterkur mann,
steypti köppum víða,
Ormur gekk í uxa rann
aldrei til að stríða.

Skoða...

39.
Ríman

Grettir höggin geysistór
gumnum lét á ríða,
aldrei hann í kúa kór
kom til þess að stríða.

Skoða...

40.
Ríman

Vopna þing á velli tamt
var Sölmundar arfa,
Kári aldrei kveikti samt
kíf í ranni tarfa.

Skoða...

41.
Ríman

Skarphéðinn, eg skýri frá,
skeinu veitti mengi,
í fjósinu aldrei sá
efldi stríð við drengi.

Skoða...

42.
Ríman

Björn með hreysti bragna vann
Breiðvíkingakappi,
flaugst ei á við fyrða hann
flórs í nauta slappi.

Skoða...

43.
Ríman

Vaskur maðr til víga fús
var Miðfjarðar-Skeggi,
flasaði aldrei flórs í hús
að fljúgast á við seggi.

Skoða...

44.
Ríman

Þórður hreða þegna vá
þessi bjó á Ósi,
breytti aldrei bóndinn svá
að berðist hann í fjósi.

Skoða...

45.
Ríman

Ófeigsson gaf úlfum steik,
Oddur neytti stála,
hóf við öngvan hildar leik
hann í nauta skála.

Skoða...

46.
Ríman

Skáld vandræða sköftin braut
skýrar vísur orti,
Hallfreðr öngvan hjörva Gaut
hrakti í nauta porti.

Skoða...

47.
Ríman

Viglundur hinn væni kenndr
vandist rómu kaldri,
slyngur til að slæma rendr
slóst í fjósi aldri.

Skoða...

48.
Ríman

Kjartan spilla kunni hlíf,
karlmanns hafði sinni,
þegninn aldrei þreytti kíf
þar sem naut voru inni.

Skoða...

49.
Ríman

Steinþór tamur vopnin við
var á Eyri lengi,
þó lét hann í fjósi frið
fyrir sér eiga drengi.

Skoða...

50.
Ríman

Egill Skallagrímsson gaf
görpum höggin stóru,
tók í fjósi öngvan af
og ei það veitti klóru.

Skoða...

51.
Ríman

Gunnar hvessti geira þey
glaðr á Hlíðarenda,
framdi slag í fjósi ei
fleygir gulls hins brennda.

Skoða...

52.
Ríman

Geirnefju var fóstri frægr,
fleina ollu söngum,
Þorsteinn veitti hýr og hægr
högg í fjósi öngum.

Skoða...

53.
Ríman

Karlamagnús keisari dýr
kenndi trúna hreina,
aldrei hann fyrir aftan kýr
orustu háði neina.

Skoða...

54.
Ríman

Rollant hjó með Dýrumdal,
drjúgum vakti hildi,
bardaga í baulu sal
byrja aldrei vildi.

Skoða...

55.
Ríman

Olifer líka afrek vann,
auðar felldi Gauta,
orustu háði aldrei hann
í herbergdi nauta.

Skoða...

56.
Ríman

Valtari dólgum veitti sorg,
vígum á síg lýsti,
ófrið þann í uxa borg
aldrei vekja fýsti.

Skoða...

57.
Ríman

Tirpin jafnan biskup bar
bjartur hreysti fríða,
hann í fjósi hvergi var
heiftargjarn að stíða.

Skoða...

58.
Ríman

Hertogi Nemus hetjum líkr,
hittust slíkir færri,
sóknir háði seggur ríkr
sjaldan kúnum nærri.

Skoða...

59.
Ríman

Oddgeir danski orku knár
oftlega stáli beitti,
hvorki mönnum högg né sár
hann í fjósi veitti.

Skoða...

60.
Ríman

Ivoríus og Bæring brá
báli Þundar góðu,
óttanst enginn þurfti þá
þar sem nautin stóðu.

Skoða...

61.
Ríman

Ansiel og Arnald tveir
efldu stríð um stundir,
börðust aldrei bragnar þeir
bauluhölum undir.

Skoða...

62.
Ríman

Geires stolti gjörði stríð
og Geir hinn prúði líka,
en þeir öngva hjörva hríð
háðu í fjósi slíka.

Skoða...

63.
Ríman

Eingelier, sem inni eg frá,
öngvum höggin sparði,
kappinn hvorki kúnum hjá
kleimdi menn né barði.

Skoða...

64.
Ríman

Hertoginn Samson hreystimaðr
hervíkinga felldi,
í sal kúa orkuhraðr
öngva sló né hrelldi.

Skoða...

65.
Ríman

Nú skal standa námið brags,
nefni eg ekki fleiri,
varla er komið vel til lags
vondum arnar leiri.

Skoða...

66.
Ríman

Orðasmiði er mér leitt,
óði þessum linni.
Taki bjarg á torgum eitt
Týrs við rimmu minni.

Skoða...

Fjósaríma, 1. ríma