Karel

Flateyjarríma — 1. ríma

— Magnús Ólafsson

Lemmata | Textatengsl
umgjörð ríman

1.
Ríman

Sumarið blíða sorgum hreytti
úr sinnu manna.
grasið fríða gamlan skreytti
Grímnis svanna.

Skoða...

2.
Ríman

Heyin frægir búmenn báru
í byrgingar,
lágu á hægir lofti kláru
landsynningar.

Skoða...

3.
Ríman

Formenn hnepptu fisk á land
í Flatey austur,
gesti hrepptu um bólmar band
þar beittu flaustur.

Skoða...

4.
Ríman

Lestir gengu, langveg kruttu
lágu heiðar,
afla fengu, frekar fluttu
fiskiveiðar.

Skoða...

5.
Ríman

Ærið seinn til aðdráttanna
út að rata,
þangað einn eg þenkti kanna
þjóðveg flata.

Skoða...

6.
Ríman

Eg því vildi árla dags
fá ylgi þófa,
rétt sem skyldi ríða strax
til ríkra hófa.

Skoða...

7.
Ríman

Söðulinn fyrst lét setja á mar
án sævar eisu,
af gildri list þó gjörður var
sá Gvönds á Veisu.

Skoða...

8.
Ríman

Járnlá rigndar reiðólar
með reyndum taumi,
agat skyggndar skörtuðu þar
á skeiða glaumi.

Skoða...

9.
Ríman

Stígvél þröng eg strauk á bein
með sterkum sóla,
skrúða föng ei skorti nein
með skikkju og kjóla.

Skoða...

10.
Ríman

Stigreip þandi í þýðum gust
á þriðju stundu,
sterk reynandi í drenglegt dust
sem duga mundu.

Skoða...

11.
Ríman

Með sveina þrjá eg sótti á leið
frá silki eyjum,
sérhver frá eg seggja reið
í soldáts treyju.

Skoða...

12.
Ríman

Imbruviku á nam falla
örlögs stræti,
ég lét strika jóra alla
jöfnum fæti.

Skoða...

13.
Ríman

Fákar ristu á Fnjóskár vað
með ferðahrókum
að aftni fyrsta eg nam stað
í Austari krókum.

Skoða...

14.
Ríman

Var þar gestur kominn úr Kinn,
sá kunni dyggðir,
Illugi prestur, eg fljótt hann finn,
við festum tryggðir.

Skoða...

15.
Ríman

Menn ef vildu á mar eður landi
móti gráða,
að einu skyldi ýra grandi
yfir báða.

Skoða...

16.
Ríman

Sveina og fljóða selskap hafði
seima runnur,
með forsjá góða ferð sem krafði,
í Flatey kunnur.

Skoða...

17.
Ríman

Allt var veitt þeim hjónum hjá
af huganum besta;
dökkri greitt þegar grímu brá
var gripið til hesta.

Skoða...

18.
Ríman

Dagaði kalt, en drótt ei eirði
að doska lengi,
snöggt var allt sem sniðugu heyrði
snyrtimengi.

Skoða...

19.
Ríman

Greiða þakka gjörðum hátt
í glöðu bragði,
hrókar blakka hver sem mátti
á heiði lagði.

Skoða...

20.
Ríman

Kýfði fjöll, á kampa víaði
Knefils porta,
um veðra höllu slæmum slýjaði
sloppi sorta.

Skoða...

21.
Ríman

Síðan felldi á svarta dögg
með svipulum vindi,
Illugi skelldi á skeiðin snögg
um Skrímnis lindi.

Skoða...

22.
Ríman

Tamur ferðum stytti stund
með stökum skýrum,
remba gerðum rípa og sund
á reiðar dýrum.

Skoða...

23.
Ríman

Fylgdarmanna ferðin hraða
um fold og leira
hver yfir annan gjarða glaða
gjörði að keyra.

Skoða...

24.
Ríman

Norður hálfa, Tjörness gangi
og tó Hábjarga
helst réð skjálfa af hörðum gangi
hófa varga.

Skoða...

25.
Ríman

Í Vík hafnar hjá veldi más
með vaska drengi
söðla hrafnar sefuðu rás,
þar sátum lengi.

Skoða...

26.
Ríman

Illugi mesta ávarp kann
með orðum hröðum,
greiða bestan bónda fann
á Brettingsstöðum.

Skoða...

27.
Ríman

Fars í eyna félögum beiddi
frömuður messu,
hinn til beina horskur greiddi
helst að þessu.

Skoða...

28.
Ríman

En þó hætti ufsa frón
með árum grafa,
kvað sér þætti veðurs vón
úr vondum kafa.

Skoða...

29.
Ríman

Því boðar féllu, en brimin slitu
barminn landa,
Víkurhellu lýðir litu
í löðri standa.

Skoða...

30.
Ríman

Ekki að síður ákefð gekk
fyrir allra brysti,
fús var lýður á ferju hlekk,
í Flatey lysti.

Skoða...

31.
Ríman

Höfðum segl á hálfu tré
í höstu leiði,
borða skegla bylgjur sté
og beitti á Eiði.

Skoða...

32.
Ríman

Ægir þótti andar stór
að ýfa gráði,
landið sótti lindar jór
og lending náði.

Skoða...

33.
Ríman

Formenn hörðu fimlega stökkva
á Fjalars hallir,
síðan gjörðu í nausti nökkva
að njörva allir.

Skoða...

34.
Ríman

Eyna sjálfir klerkar hátir
könnuðu fyrstir,
stæltum kálfa, stærilátir
stigu um ristir.

Skoða...

35.
Ríman

Fælur púka drömbuðu dýrt,
sem dómprófastar,
þöndu múka, skröfuðu skýrt
við skimuðu rastar.

Skoða...

36.
Ríman

Þorska hræ sá þykkt við geim
á þorpum neðri,
Suðurbæ vér sóttum heim
í súldu veðri.

Skoða...

37.
Ríman

Dúðum þreknir, ef dyndi á él
eða döggin vónda,
þar vorum teknir virta vel
af vöskum bónda.

Skoða...

38.
Ríman

Ormur téði ávarp kátt
og eyddi mæðu,
vín sem mjöð hann veitti brátt
og væna fæðu.

Skoða...

39.
Ríman

Gaus á nótt í greindum stað
yfir góðan beina,
að morgni drótt um miskunn bað
við messu hreina.

Skoða...

40.
Ríman

Kynning hollur Krists með sóma
kenna náði,
hökla þollur helgidóma
handtéra gáði.

Skoða...

41.
Ríman

Halda síðan hirðar álma
hugðu að landi,
flóðs nam lýða ferðum tálma
fár og vandi.

Skoða...

42.
Ríman

Að augabragði eyjar sund
var allt í bylgjum,
brimið lagði á græna grund
svo gengdi dylgjum.

Skoða...

43.
Ríman

Líka vísum veiki hlóð
að voveifs gesti,
eyjar dísum uggur stóð
af Illuga presti.

Skoða...

44.
Ríman

Varð hann því að víkja um reit
frá veislu þjónum,
í Norðurbý þar baðstofa heit
var búin af hjónum.

Skoða...

45.
Ríman

Eftir var eg hjá Ormi, sjúkt
bar ekki lyndi,
vínið bar að vörum mjúkt
og veitt af yndi.

Skoða...

46.
Ríman

Dagana sex þar dvöldunst vér
á drafnar eyra,
óður vex, því greini eg ger
hvað gjörðist fleira.

Skoða...

47.
Ríman

Byggðar reita bræður tveir
við báru kalda
Loftur heita og Þórður þeir,
sem þrifnað halda.

Skoða...

48.
Ríman

Í vík þeir Húsa- höfðu hleypt
á hesti súða
og lagga brúsa brenndan keypt
til barka að úða.

Skoða...

49.
Ríman

Aftur um geim sem leiðin lá
með lund óstirða,
fluttu heim í Flatey þá
og fóru að hirða.

Skoða...

50.
Ríman

Báðir tættu vareygð við,
og voru þess dæmi,
ef verða mætti víkings lið
á veldið kæmi.

Skoða...

51.
Ríman

Eigi vildu elskir múta
óskir hlotnar,
einir skyldu að lög þeim lúta
lánardrottnar.

Skoða...

52.
Ríman

Í undirheima eyjar Skjálfa
efldu og senda,
létu geyma óljóss álfa
ölið brennda.

Skoða...

53.
Ríman

Dult var flestri drótt hvar væri
Dofrar tappa,
í gátu mestri frá eg færi
um fylgsnið krappa.

Skoða...

54.
Ríman

Birtast hlýtur brögnum enn
hvað ber til nauða,
heyra ei vítur hressir mann
þó hirði dauða.

Skoða...

55.
Ríman

Gjörðu svana sveima af foldu
sóttir þungar,
lykt óvana ekki þoldu
innsveitungar.

Skoða...

56.
Ríman

Af örmum hósta ört sem sprungnir
einir voru,
Hárs af rosta hinir þrungnir
í hugsun fóru.

Skoða...

57.
Ríman

Þjáði suma þorsti og skerði
þol andvaka,
aðra hruma óvær gerði
innantaka.

Skoða...

58.
Ríman

Margir mundu menn af ríku
megnis grandi,
hvergi fundu forðun slíku
fári í landi.

Skoða...

59.
Ríman

Fofnir bóndi framur og snar
og fær í ráðum
lösnum kenndi lækningar
með list og dáðum.

Skoða...

60.
Ríman

Auðsætt þótti ef áfram gengi
á þær rata,
kvað hann drótt af kvillum fengi
kaskan bata.

Skoða...

61.
Ríman

Kvaðst hann hyggja kagga arfa
af krúslá bólgna
undir liggja akri karfa
alldjúpt fólgna.

Skoða...

62.
Ríman

Þeirra dreyra hæfan hélt
við hósta og mæði.
Ullur geira út honum hellt
ef einhver næði.

Skoða...

63.
Ríman

Hann kvað færum heilsu súpinn
hollast fanga,
því örðugt væri undirdjúpin
í að ganga.

Skoða...

64.
Ríman

Ekki þagði álma viður
yfir vegi,
leiðina sagði norður og niður
um náhvals teigi.

Skoða...

65.
Ríman

Óvænt sýndist Ullum ríta
unnveg kanna,
hugur týndist, hóf að líta
hver á annan.

Skoða...

66.
Ríman

Girnd og ótti gengu skarpt
að gusti ímu,
öllum þótti við álfa snarpt
að eiga glímu.

Skoða...

67.
Ríman

Þar til einn í þegna krans
úr þagnar skorðum
lyndishreinn gaf hreystians
og hreyfði orðum.

Skoða...

68.
Ríman

Vitur, merkur, veiki sviptur,
vaskra jafni,
Illugi klerkur, góðu giftur
gæfu nafni.

Skoða...

69.
Ríman

Spillir gátta hefur sá hug
í hermanns brjósti,
hann við átta drýgir dug
ef dregur að þjósti.

Skoða...

70.
Ríman

Sagðist gildi bóka bör
fyrir brjósti stála
sveima skyldi sendiför
í svarta skála.

Skoða...

71.
Ríman

Heldur en yrði félagar falir
fjörsins tjóni,
þeim sem gyrðir Geitis sali
á gesta fróni.

Skoða...

72.
Ríman

Seggurinn bjóst með sax og stólu
í Surtheim vandra,
batt með þjóst við beltis ólu
banann Andra.

Skoða...

73.
Ríman

Tvennt var hann, so Fjölnis fengur
fræðir ýta,
helgur mann og hreystidrengur,
harður að líta.

Skoða...

74.
Ríman

Senior kvaddi, sáum þar eftir
sæmdarmanni,
vonin saddi, vorum þó krepptir
vits í ranni.

Skoða...

75.
Ríman

Tómas heitir haltur á fæti
en heill í munni,
vísur þreytir, kænn við kæti
og kastar hlunni.

Skoða...

76.
Ríman

Kann forstanda mávamál
þó masi um víðir,
allra handa bragða brjál
og Buslu tíðir.

Skoða...

77.
Ríman

Margt kann skynja, mun so vera,
máls um reita,
engum synjar gott að gera
og greiða veita.

Skoða...

78.
Ríman

Klifs við auga kompán skyldi
klókur sitja
meðan í hauga halurinn gildi
hóf að vitja.

Skoða...

79.
Ríman

Í undirheima óð hinn þarfi
á illu hausti,
njótur seima hinn draugadjarfi
dugði að trausti.

Skoða...

80.
Ríman

Í Björgólfs skála byrstur vendi
byggða dökkra.
Þundinn stála þennan kenndi
þjóðin rökkra.

Skoða...

81.
Ríman

Hans erendi senn fær séð
og sinnið trylldi,
greitt af hendi geymsluféð
ei gefa vildi.

Skoða...

82.
Ríman

Ennis máni ótt til brá
þar eftir vanda,
um inni fauna áttung sá
í einkrók standa.

Skoða...

83.
Ríman

Hamingjudrjúgur hendi þreif
um hjörtinn sveiga,
álfa múgur að honum dreif
með aflið seiga.

Skoða...

84.
Ríman

Hver þar urðu harðfeng skipti
í húsum neðri
sást af furðu er felmtri yppti
í fálu veðri.

Skoða...

85.
Ríman

Laust upp dökkvu, lék á þræði
lögur með storði
eins og klökkvu ýtar stæði
á eikiborði.

Skoða...

86.
Ríman

Hjarðir saman hrukku og störðu
af hörku kynja,
varð ógaman, vemblur gjörðu
vondslega drynja.

Skoða...

87.
Ríman

Hillur allar hrutu niður
í hrunda búrum,
hröpuðu dallar, kom upp kliður
með kinna skúrum.

Skoða...

88.
Ríman

Gissurs leyndir geiguðu frúr,
en geims á reinum
veggir reyndir vörpuðu úr
sér vættar steinum.

Skoða...

89.
Ríman

Fiska salir féllu um koll
á fjöru granda,
margir halir héldu noll
með hryggvum anda.

Skoða...

90.
Ríman

Lék á kviki greni og grjót
með græsku formi
eins og fyki fisin skjót
í feyki stormi.

Skoða...

91.
Ríman

Vöskum lýðum veg að rata
veitti ei bráðum,
óð á síðum ægis plata
og endum báðum.

Skoða...

92.
Ríman

Allur sjór sem ísmöl litur
eyna knúði,
hlusta kór sá harði þytur
heyrnum rúði.

Skoða...

93.
Ríman

Carybdis og Scilla systur
sviptu laugum,
byrgðu glys, en gjörðu mistur
geðlaust augum.

Skoða...

94.
Ríman

Faxi rauk en stafur stóð
þá steyptist öfga,
efldi slauk í Ýmis blóði
afnám höfga.

Skoða...

95.
Ríman

Botn sjós nisti Nereus upp
frá neðsta grunni,
kampa hristi kólgu bupp
af köldum munni.

Skoða...

96.
Ríman

Urðu Hlés óheitar dætur
hátt í dansi,
brutu annes og fóru á fætur
af firna stansi.

Skoða...

97.
Ríman

Hvalir þeystu hafinu úr
með hvössum sjónum,
hátt þeir reistu heila búr
og héldu upp trjónum.

Skoða...

98.
Ríman

Eyna spróguðu, börðu bægslum,
býsn ei rýrðu,
blæstri lóguðu, lands að æxlum
löðri ýrðu.

Skoða...

99.
Ríman

Rauðkembingur, rostungs pör
og reki fiska,
vagn, hnýðingur, hnísan snör
og hafgúan fríska.

Skoða...

100.
Ríman

Bust, skemmingur, skjaldarhvalur
og skeljum steyptur.,
áll, búmungur, búri þvalur,
blæja og leiftur.

Skoða...

101.
Ríman

Naut, hafstrambi, nás með hveli
og nefjan valta,
rafn, hrossvambi, hafur, deli
og hlýri galta.

Skoða...

102.
Ríman

Mjaldur spakur, stökkull stuttur,
strokkur, reyði,
geir, lyngbakur, golnir fluttur
gláptu á Eiði.

Skoða...

103.
Ríman

Gægðust tröll úr Krosshúss klett
við kynngiblöndur,
skimuðu öll og skulfu rétt
sem skildivöndur.

Skoða...

104.
Ríman

Gjörði fölva, gleymdust dúrar
af granna svalli,
kinnaölva, Krosshúss múrar
krupu að hjalli.

Skoða...

105.
Ríman

Sig Háganga þussar þyrpa
þrýstnir vurðu,
greiddu vanga Gustur og syrpa
úr gamlri urðu.

Skoða...

106.
Ríman

Polyphemus, Fornjótur
og Fenris þjassi,
Urnir, Clemus, Ýmir, Ljótur,
Iði, Gassi.

Skoða...

107.
Ríman

Dofri, Skrímnir, Fleggur, Fjalar,
Furnir, Augi,
Glámur, Grímnir, Geitir, Kjalar,
Geipnir, Baugi.

Skoða...

108.
Ríman

Á fróns nagla úti þar
hvar aftök skeðu,
Kinnatagla kompánar
það kynja réðu.

Skoða...

109.
Ríman

Skruggur enn í Skjálfa flóa
skeðu fleiri,
ekki nenni eg um þær sóa
arnar leiri.

Skoða...

110.
Ríman

Í bláloft mílu braust vatns stroka
úr Bjargar polli,
af vilpu fýlu vall upp þoka
verri en skolli.

Skoða...

111.
Ríman

Postulinn nærði Nikars feng
hjá niðurgangs auga,
úr mund ei hrærði merkis streng
við mótkast drauga.

Skoða...

112.
Ríman

Þótti togna þófið stórt
á þussa vangi,
tók að bogna brjóstið vórt
af bið so langri.

Skoða...

113.
Ríman

Loksins frá eg linnti fár
sem lýðinn eymdi,
litum þá hvar klerkurinn knár
hann kútsa teymdi.

Skoða...

114.
Ríman

Sveitt nam bera svarðar rann
af svalls illhleypum,
þótti vera heimtur hann
úr heljar greipum.

Skoða...

115.
Ríman

Litla vægð vér landmenn sýndum
leiddum kagga,
þótti frægð sem frekast píndum
fílinn lagga.

Skoða...

116.
Ríman

Við broddjárn öll vér bárum þol
sem búldu og geira,
botna tröll að bora á hol
og belgja dreyra.

Skoða...

117.
Ríman

Afl og móð við odda sukkið
öld fær teitri,
hrátt ef blóð úr ben er drukkið
bjarnar heitri.

Skoða...

118.
Ríman

Efld náttúran eins vor hýddi
af sér sorgum,
af sló stúra, engu kvíddi
á eyjar torgum.

Skoða...

119.
Ríman

Hresstum geð af ámu arfa
öflgum straumi,
ölþökk téð var álfum þarfa
er olli glaumi.

Skoða...

120.
Ríman

Varð örendur divika dári
af dröguðum mækja,
í öðru eins stendur annar fári
eftir að sækja.

Skoða...

121.
Ríman

Hirti enginn undra meiri
orsök hlæði,
ræddi um mengi að ráðin fleiri
ratast næði

Skoða...

122.
Ríman

Hæng því kvaddi kullaust úr
að kænum ráðum,
viskan saddi minnis múr
þar megn á báðum.

Skoða...

123.
Ríman

Skræður fornar skoða tóku
skrifendur spjalda,
myglubornar margt af klóku
mundu halda.

Skoða...

124.
Ríman

Rit haugbúa og rammvillinga
rúnuð fræði,
sögðust trúa að sveig kerfinga
Sörkvið næði.

Skoða...

125.
Ríman

Dofra ranns og Dínusspjalls
hin dimma íma,
Andra dans og drápa Halls
þar dundi um tíma.

Skoða...

126.
Ríman

Háttalykli og hildar flumsi
í höllu kúa,
Hárs af stikli steypti Tumsi
og strauk þá hnúa.

Skoða...

127.
Ríman

Bjarkamál sem Skaufhalaskrá
með skemmtan Bósa,
Viðris prjál og Völuspá
þeir voru að glósa.

Skoða...

128.
Ríman

Með sér drógu mig að þessu
minnst kunnanda
gagnslaus þó að muddu messu
mátti eg standa.

Skoða...

129.
Ríman

Á stræti þröngu stífir stóðu
stefja hreyta,
góms með slöngu gamla óðu
Golnis sveita.

Skoða...

130.
Ríman

Krafti soraði Sviðris mær
af svörtu þangi,
þunglega sporaði, þekktum vær
á því vetfangi.

Skoða...

131.
Ríman

Þann vel féllst að þreyta sið
í þrautum vöndum,
ekki hélst hann Vinkill við
í Vindbláss höndum.

Skoða...

132.
Ríman

Sást þá gluggur glær í austri
glansið leysa,
heyrðust skruggur, fór með flaustri
feyki eisa.

Skoða...

133.
Ríman

Síðan klukku í kláran sal
þeir klifendur sagna
lærðir hrukku, en Lóðins hjal
vér létum þagna.

Skoða...

134.
Ríman

Þar næst maður í stöpulinn steig
með stöðugu bragði,
kynja hraður könnu veig
í kné vor lagði.

Skoða...

135.
Ríman

Fritt kvað hvergi í hirslum kút
fyrir háttum gesta,
fleygðu úr bergi honum álfar út,
þeir óttast presta.

Skoða...

136.
Ríman

Bað vér vildum Boðnar lengur
brim ei gambra,
heldur skyldi hver sem drengur
hvatmóð slambra.

Skoða...

137.
Ríman

Gjörðum spara ker og krúsir
könnu hyljum,
snarstíg þvara snertum fúsir
snæðings giljum.

Skoða...

138.
Ríman

Líns ókarga í lofti skúfur
lék með ólpum,
riguðu margra reikar þúfur
á raddar stólpum.

Skoða...

139.
Ríman

Féllu styrir, fagnaði allt
hjá fólki þekku,
ofan fyrir vota valt
hann vélinds brekku.

Skoða...

140.
Ríman

Eyddist furða, eigendur kúta
engum blóta,
báðu aðburða oss sefendur súta
sæla að njóta.

Skoða...

141.
Ríman

Sérhver virði sigurkrum
í séranna þori,
hvað sem yrði húsbændum
til heilsu að vori.

Skoða...

142.
Ríman

Féll þar eftir lands til leiði,
lúðust stormar,
tveir voru settir síls á heiði
siglu ormar.

Skoða...

143.
Ríman

Ormur nökkva nýtur stýrði
er nefnist Hængur,
kunni að stökkva á þótt ýrði
úða sængur.

Skoða...

144.
Ríman

Menn þar átján eyddir harmi
á otri ranga
inni sátu með öðrum farmi
afla fanga.

Skoða...

145.
Ríman

Öðrum Þórður renndi á ræfur
rauðkembinga,
Blængur gjörði blávegshæfur
báru að stinga.

Skoða...

146.
Ríman

Tvennir átta sátu saman
seggir fríðir,
allir sáttir, gjörðu gaman
greitt sem hlýðir.

Skoða...

147.
Ríman

Af fiski báðir, röfum raski
og rusli stóru,
ferðabráðir flóðs í hnjaski
fermdir vóru.

Skoða...

148.
Ríman

Allvel tjáði Ormur lið
með eyjar granna,
skýr á láði skyldi oss við
þar skip hlé kanna.

Skoða...

149.
Ríman

Ofnis nafni Ása móður
og áða sendi,
heillum safni, sigur góður
þeim sé í hendi.

Skoða...

150.
Ríman

Hofi nær þar fengum frón
vær fórum að gista,
grímur tvær þar góðlynd hjón
oss gjörðu ótvista.

Skoða...

151.
Ríman

Þögn brá nætur, þaut upp dagur
og þjóstug hláka,
braust á fætur Bjarni ógagur
að beisla fáka.

Skoða...

152.
Ríman

Klifberuðu klára sumir
og kleyktu upp böggum,
aðrir ruðu reit óstumir
reiðar plöggum.

Skoða...

153.
Ríman

Ferðin leysti fisks með plóg
og fimmtán hesta,
varð háreisti á Hofi nóg
og harkið mesta.

Skoða...

154.
Ríman

Flyðrur klofnar flöktu þar
á fljótum jórum,
feitir stofnar, fyldingar
með fiskum stórum.

Skoða...

155.
Ríman

Lagðist reið í lýsing dags
en létti værðum,
benti leið í byggðum strax
að blautum færðum.

Skoða...

156.
Ríman

Snjór krapaður reyndi órjóða
Rindar elju,
fyrr hrapaður fort nam bjóða
ferða dvelju.

Skoða...

157.
Ríman

Fjórði partur lítt var laus
af langri heiði,
þá allmjög svartur Ýmis haus
sér atti að reiði.

Skoða...

158.
Ríman

Stökk hinn bráði storma hamur
á stjörnu krafta,
Elris náði rakki ramur
rífa kjafta.

Skoða...

159.
Ríman

Ofsinn hrundi á ufsa gólf,
en aur nam blotna,
rétt sem mundi mána hvólf
í miðju brotna.

Skoða...

160.
Ríman

Á sjó og fjöllum sást af herkjum
saman gaga,
hrúgaði öllum hring sólmerkjum
hrúts í maga.

Skoða...

161.
Ríman

Hríðin dundi, hreggið lamdi,
hrutu eldar,
loftið stundi, lýði kramdi,
lúðust feldar.

Skoða...

162.
Ríman

Vurðu hvellir, vindar stríddu,
vullu straumar,
lak hver hellir, krepju kvíddu
kletta raumar.

Skoða...

163.
Ríman

Fjúki lysti í fjöll og dali
fylltur bokki,
pundhögl hristi hornumskvali
úr hverjum lokki.

Skoða...

164.
Ríman

Undir dústum ójafnaði
úðar leðju,
skýja þústum þrásafnaði
á Þundar beðju.

Skoða...

165.
Ríman

Hygg eg bæri hver til nefndur
hvergi í tvíli,
að oss væri öllum stefndur
aldurtili.

Skoða...

166.
Ríman

Höfuðs og ilja allt í milli
að innstu klæðum
draup sem hylja djúps í fylli
dýktir stæðum.

Skoða...

167.
Ríman

Yfir bekki öldum belgdi
íss og snjóa,
kippur, sekki og klára svelgdi
krapið flóa.

Skoða...

168.
Ríman

Jötuns belgur úr byrjar stræti
bylti vindi
sem Hræsvelgur hvatur sæti
á hverjum tindi.

Skoða...

169.
Ríman

Menn og blakka meins þær gráu
mæddu nauðir,
óðu í makka, aðrir lágu
orkusnauðir.

Skoða...

170.
Ríman

Reipin hrukku, reiðingar drukku,
röknuðu gjarðir,
klifberar stukku, klárar sukku,
kljáðust larðir.

Skoða...

171.
Ríman

Sveinar fipluðu fanna hjúpinn
fingrum daufum,
eftir gripluuð díkja í djúpin
dottnum paufum.

Skoða...

172.
Ríman

Fiskur blautur rann úr roði
í regni mesta,
eins og grautur gjörður úr soði
geiraði hesta.

Skoða...

173.
Ríman

Ýmist dreif hagl, dögg eður snjór
úr dimmum hökli,
veðrið þreif upp stykkin stór
af stálbláum jökli.

Skoða...

174.
Ríman

Hríðin kyngja hér ei síður
hauðrið skelldi,
en Jómsvíkinga er jarlinn stríður
fyr Jaðri felldi.

Skoða...

175.
Ríman

Í einum nið var ybbinn allur
Austra hattur,
flöktu á riði fjöll sem hjallur
fram og aftur.

Skoða...

176.
Ríman

Örskots lengd so aldrei gekk
fyrir utan baga,
að oss ei þrengdi ess eður sekk
úr asa að draga.

Skoða...

177.
Ríman

Dóttir Njörva níða dökk
með nógu rambi,
vald nam örva og yfir oss hrökk
hjá Almannskambi.

Skoða...

178.
Ríman

Hríð leið frá en tauma og tauga
týndum afla,
vér áttum rjá við dimma drauga
og djúpa skafla.

Skoða...

179.
Ríman

Ljós ei feykti máni mætur
úr muggu flóka,
á þriðju eykt vér þreifuðum nætur
um þröskuld Króka.

Skoða...

180.
Ríman

Af var frakt, oss ísa flesjur
utan vöfðu,
allt fór skakkt, en kragar sem kesjur
á köllum löfðu.

Skoða...

181.
Ríman

Stigs voru ólar, saurs og sokkar,
saums úr klöstrum,
undan sólar, skröptu skokkar
skós á möstrum.

Skoða...

182.
Ríman

Blíðan þágum beina enn
í bognum garði,
hlessa lágum hríðar menn
sem hretið barði.

Skoða...

183.
Ríman

Barst til vitru barmar tveir
í birtings teina,
með skapi bitru skoðuðu þeir
hvað skeði við eyna.

Skoða...

184.
Ríman

Að oss höfðu konstra kellur
komið að stefna,
kífs með vöfðu kynstra brellur
kútsa að hefna.

Skoða...

185.
Ríman

Krákur hafa ei kunnað bót
að konstra drengi,
veðurs kafa vonsku hót
því vörðu of lengi.

Skoða...

186.
Ríman

Þanka felldum þrauta éls
en þrek nam dafna,
messu héldum Michaels
hjá mínum nafna.

Skoða...

187.
Ríman

Við hyggjusnaran Helga kund
í hollum ráðum
skilst eg þar, hans ljúfa lund
mér leist með dáðum.

Skoða...

188.
Ríman

Reiknaðar hans eg raunir heyrði
um reitinn Fnjóska,
með rytju fans so rétt heim keyrði
og rotna þorska.

Skoða...

189.
Ríman

Elds í glóðir Illugi framur
ýkjur felli,
lifi bróðir lukkusamur
til lengstu elli.

Skoða...

190.
Ríman

Hreyfði eg smáum, hrakning firrður
Hróars maukum,
meðan eg lá um limina stirður
í lúa hraukum.

Skoða...

191.
Ríman

Öllum mætur gefist greiði
guðs af hendi,
lukkubætur böli eyði.
Brags er endi.

Skoða...

Flateyjarríma, 1. ríma