Karel

Hyndlu rímur — 1. ríma (Ferskeytt)

— Steinunn Finnsdóttir

Lemmata | Textatengsl
umgjörð ríman

1.
Formáli

Þó ég vildi horna hver
hreyfa og gleðja þegna,
það mun enginn þakka mér
né því að neinu gegna.

Skoða...

2.
Formáli

Vanmátt minnar vizku ég finn
Viðrix streyma um læki;
þó fyrir verknað viljann minn
virðar bið ég taki.

Skoða...

3.
Formáli

Ef þeir vilja ei til ljá
eyrna hlustir sínar,
hafi þeir leyfi að hverfa frá,
en hlýði stúlkur mínar.

Skoða...

4.
Formáli

Hvör ein sér þó hugsa má
til hægri vegar þýða;
bresti aldrei blessan þá,
sem bögum mínum hlýða.

Skoða...

5.
Formáli

Kempu góða kalla má
í kröppu rauna hvimi,
höfn sem góða hitti á
heims í þungu brimi.

Skoða...

6.
Formáli

Hvort vér stuttan hljótum frest
eða hjörum í rauna móði,
vort síðasta verði bezt,—
það veiti drottinn góði.

Skoða...

7.
Formáli

Gefðu ég verði klár og kvitt,
þá kemur að dauðans alda;
láttu hvorki mig né mitt
minna verka gjalda.

Skoða...

8.
Formáli

Gjarnan vildi ég góðri þjóð
til gamans nokkuð segja,
hófsamlega hrinda móð
heldur en lengi þegja.

Skoða...

9.
Formáli

Vizku reglan ljóða létt
lag kann ekki að finna;
hingað bið ég hegði rétt
hneiging orða minna.

Skoða...

10.
Formáli

Bið ég siðug vefjan vírs
vel að löstum gæti
og spakferðugur spennir ýrs
spjöllin líka bæti.

Skoða...

11.
Formáli

Ævintýr mun ei so leitt,
ef menn sér það kynna,
að ekki megi eitthvört neytt
af því dæmi finna.

Skoða...

12.
Formáli

Gunnlöð ekki gaf mér neitt
af geymsludrykknum forðum;
Hárs því drykkjan varla veitt
verður fögrum orðum.

Skoða...

13.
Formáli

Mér í hirzlu hyggju bings
heimskan gjörir að sitja;
mál mun orða ásetnings
einhvörn tíma að vitja.

Skoða...

14.
Ríman

Fyrri í heimi fylkir lét
þ flögð við velli hníga;
lýst var mér sá Logi hét
lestir refils stíga.

Skoða...

15.
Ríman

Óttars son af ýtum kenndur,
ör af greipar skafli;
sá var kænn að kljúfa rendur,
karlmanns prýddur afli.

Skoða...

16.
Ríman

Um Fjölnirs meyju framdi kíf
Freyju tærir gráta;
þeim gaf öllum öðling líf,
sem undirgefni játa.

Skoða...

17.
Ríman

Hárs um brúði og humra torg
hreyfðist eggin bitur;
Rogalands að breiðri borg
buðlung settist vitur.

Skoða...

18.
Ríman

Ör var sá á eldinn fljóts
afreks kappinn bezti,
góða naðar góma grjóts
grund sér síðan festi.

Skoða...

19.
Ríman

Af Ungaría var öðlings jóð,
ör til mennta sniðin;
hún til allra erfða stóð
eftir föður sinn liðinn,

Skoða...

20.
Ríman

Dagur hét og Dýrlaug fljóð,
j dygg og fróm í lyndi;
til hjóna renndi hýrleg þjóð
hæru mjúkum vindi.

Skoða...

21.
Ríman

Álfeiður hét dóttir Dags
dygg í lyndi sínu,
er sig bauð til ektahags
Ullur Fofnirs dýnu.

Skoða...

22.
Ríman

AÐ föður ráðum falda lind
fékk, en ei ofbeldi;
ræsir lét þá Ránar hind
renna að sínu veldi.

Skoða...

23.
Ríman

Þá fyrrnefndu byggðu borg
brynju Týr og svanni,
glöddu mengi, en gleymdu sorg,
geðfelld hvörjum manni.

Skoða...

24.
Ríman

Hvört við annað hjóna réð
hýrlega að una;
þótti ganga þó sér með
Þundi ögurs funa.

Skoða...

25.
Ríman

Langir tímar liðu ei,
—ljóst ber það til sagnar,—
fæddi drottning fríða mey,
fylkir gleðina magnar.

Skoða...

26.
Ríman

Signýju þá svinnu drós
seggja dróttin kallar;
rétt var lit sem Ránar ljós
reikin svarðar hallar.

Skoða...

27.
Ríman

Hýrleg rennslan hvarma sjós
hæfði litnum rjóðum;
í öðlings veldi upp sú drós
ólst í menntum góðum.

Skoða...

28.
Ríman

Barns á aldri vinsæl var
veiga skorðin unga,
hjá lofðungs mengi listir bar,
lofaði hvörs manns tunga.

Skoða...

29.
Ríman

Renndi drottning huga hýr
hrings að ungri Gunni,
og Ránar elda dreifir dýr
dóttur sinni unni.

Skoða...

30.
Ríman

Skemmu eina skjöldung lét
skikkju þöllu smíða,
gætinn skipar góins flet
að grópa í hana víða.

Skoða...

31.
Ríman

Milding valdi marga senn
meistra þar til haga;
hennar smíði, heyrist enn,
hælt var í þá daga.

Skoða...

32.
Ríman

Að þengils ráðum þegar bleik
þiljan Fofnirs setra
strax að búnu virki veik;
var hún þá átta vetra.

Skoða...

33.
Ríman

Göfugum snótum gullhlaðs ey
gugnirs mýri tærði,
þar með nýtust náms í þey
nægðar vizku færði.—

Skoða...

34.
Ríman

Látum sætu sitja um kyrrt,
segjum nokkuð fleira,
Hárs þó minnið verði ei virt
vel af runni geira.—

Skoða...

35.
Ríman

Þar kom sótt í siklings borg,
sumir af lífi gengu,
gleði felldu geðs úr torg,
grát í staðinn fengu.

Skoða...

36.
Ríman

Ræsir ekki ríkum tekst
raunar að deyfa pílu;
dyggða vafin drottning leggst
dauðvona í hvílu.

Skoða...

37.
Ríman

Tapaði gleði tærir eims,
tókst upp raunar kylja;
skildi svo við skartið heims
Skrumnirs raddar þilja.

Skoða...

38.
Ríman

Að legstað fluttu líkið snart,
loflega sérhvör breytti;
sagt var, ekki að sjóli spart
sálugjafirnar veitti.

Skoða...

39.
Ríman

Margur felldi maðurinn tár
mengrund eftir látna,
og þar með slöngu elda ár
ýtar litu grátna.

Skoða...

40.
Ríman

Ung í skemmu döglings dýr
dóttir grét af megni;
sæmda taminn svanninn hýr
sældaði hvarma regni.

Skoða...

41.
Ríman

Signý hreppti sára hryggð,—
so má líklegt heita;
gætir landa geðs úr byggð
gleymdist stjórn að veita.

Skoða...

42.
Ríman

Hörð í brjósti hryggðin bráð
af hilmir gleðina sneyddi,
þar til lofðung leyndarráð
létta sorgum beiddi:

Skoða...

43.
Ríman

„Hugsun sú um hyggju krá,
herra vor, að gengur:
Yðar tign í töpun stár,
ef treganum haldið lengur.

Skoða...

44.
Ríman

Meðan, gramur, gefst oss lífs,
gætið yðar landa;
vor er lyst að leita vífs,
lofðung, yður til handa.

Skoða...

45.
Ríman

Ef fróm og hýrleg falda hlíð
fæst til yndis yður,
ræsis harma rásin stríð
ringast kann þar viður.

Skoða...

46.
Ríman

Sikling ríkur, seg oss þá
satt frá efnum stórum,
hvört vér skulum halda frá
hafnar nökkum vorum.“

Skoða...

47.
Ríman

Soddan ræða í siklings lund
sömu raunir egndi;
þessa eftir þagnastund
þengill rekkum gegndi:

Skoða...

48.
Ríman

„Ef yðar hugboð er til sanns,
að áformi því valdið,
girnir mig til Gautalands
gömmum sunds þér haldið.

Skoða...

49.
Ríman

Gunnar heitir gramur þar
góðum virtur orðum,
karlmanns þrótt í kífi bar;
kunnugir voru við forðum.

Skoða...

50.
Ríman

Drottning hans er dygg og blíð,
dæmin beztu gefur;
dóttur og son við dregla hlíð
dögling alið hefur.

Skoða...

51.
Ríman

Bréf mín skulu brátt til sanns
bera höfðingja maka,
að dýra vil ég dóttur hans
til drottningar mér taka.

Skoða...

52.
Ríman

Kemur mér í Þagnar þey
það muni lítið vinna;
þó hann ráði mund og mey,
má ég ei að því finna.

Skoða...

53.
Ríman

Bæði er hjá mér brynjan ný
og biturt sverðið fríða;
höfum við Gunnar heitið því
hvörgi á annan stríða.

Skoða...

54.
Ríman

Yðar vizkan virðuleg
vorkunn mun mér sýna,
þó kostavandur kallist ég
konuna eftir mína.

Skoða...

55.
Ríman

Þið skuluð forðast annes öll
og eyjum framhjá renna;
oft þar byggja illsku tröll,
ei von tryggra kvenna.“

Skoða...

56.
Ríman

Glöddust þegnar grams við orð,
gjarnan kváðust fara;
með skyndiferðum skútu borð
skauzt á ranninn þara.

Skoða...

57.
Ríman

Hilmir lét á humra lút
hrinda drafnar gnoðum;
buðlungs þegnar bárust út
blaðsturs tjalda á voðum.

Skoða...

58.
Ríman

Hilmirs þegnum Hárs af mey
hlunna karfinn renndi;
góðleg orð og gaflaks Frey
Gunnari kóngi sendi.

Skoða...

59.
Ríman

Dagana þrjá rann dælu kvörn,
—drengir byrinn prísa,—
en á fjórða Formóðs börn
frekt um stafna rísa.

Skoða...

60.
Ríman

Þokan myrk að þegnum bar
með þungum hættu stormi;.
sérhvör drengja villtur var
á vökrum snældu ormi.

Skoða...

61.
Ríman

Að þeim dundi ógnarleg
áköf Ránar meyja;
þeirra raunum þreytist ég
þegnum frá að segja.

Skoða...

62.
Ríman

Sterkan reyndu stjórnar mátt
á stirðum síldar vegi;
hvört þeir héldu heims í átt,
höldar vissu eigi.

Skoða...

63.
Ríman

Hölda villt var hyggju leið,
hvörnin mundi lenda;
seggir áttu soddan neyð
sumarið allt til enda.

Skoða...

64.
Ríman

Rann þá fley um fiska ból
fram úr löðri gráu,
þar til lýðum lýsti sól,
land fyrir stafni sáu.

Skoða...

65.
Ríman

Komnir voru að einnri ey,
enginn hana þekkti;
réna tók þá Ránar mey;
rekka nauðum hnekkti.

Skoða...

66.
Ríman

Stýrðu þangað stjórna hauk,
styrjöld öngva jóku,
húna björn í hægðum strauk,
höfn þar beztu tóku.

Skoða...

67.
Ríman

Festu skeið við flæðar sand,
fram úr svolgri stóru
yfir gengu upp á land;
örlúnir þeir voru.

Skoða...

68.
Ríman

Mín vill heimskan Bomnirs byrst
brjóta nökkvann keipa;
atla ég bezt sé allra fyrst
upp í naust að hleypa.

Skoða...

Hyndlu rímur, 1. ríma

næsta ríma >>