Karel

Síraks rímur — 16. ríma

— Jón Bjarnason

Lemmata | Textatengsl
umgjörð ríman

1.
Ríman

Því sextánda þjóðum býð eg þagnarbann,
iðin höndin auðgar mann,
á það gjörn er vinna kann.

Skoða...

2.
Ríman

Hvörki vinn eg lof né laun í ljóða smíði,
eðla ráð eg öðrum þýði
engin þó mig sjálfan prýði.

Skoða...

3.
Ríman

Arkar smiðirnir unnu gagn en aðrir nutu.
Verknað hinum vanda hlutu,
í vatninu þó sjálfir flutu.

Skoða...

4.
Ríman

Þó eg öðrum kennda kurt í kvæðum reisi,
sjálfs míns geymir syndugt hreysi,
siðanna brest og viskuleysi.

Skoða...

Fertugasti og fyrsti kapituli.

5.
Ríman

Það má heita hyggindi og hvörs manns æra
í heilræðum annan læra,
einninn sér í nyt að færa.

Skoða...

6.
Ríman

Í orðin allt hvað aflað getur oss að senda
á til hennar aftur að venda,
öll sem vötn í sjónum lenda.

Skoða...

7.
Ríman

Illa fenginn auður mun til eyðslu falla,
sennleiks blómin sölnar valla,
síðan varir um eilífð alla.

Skoða...

8.
Ríman

Upp svo þornar óguðræknum auður nýtur,
sem reiðarþrumu regnið brýtur
og raklendi það visna hlýtur.

Skoða...

9.
Ríman

Guðlausir eru glaðir á meðan gjafir þiggja,
endalokunum að má hyggja;
aumir þeir um síðir liggja.

Skoða...

10.
Ríman

Afkvæmið þeim öngvan kvist né ávöxt greini,
rót á berum stendur steini,
stoðar ei dögg við slíku meini.

Skoða...

11.
Ríman

Guðlegt líf hins ljúfa manns er líkt að vanda,
aldingarði er ei má granda,
ævinleg mun miskunn standa.

Skoða...

12.
Ríman

Hvör sér næring nóga vinnur og nægja lætur
náðugt líf og svefn er sætur,
sjóður telst það harla mætur.

Skoða...

13.
Ríman

Hann sem borgir byggir upp og börnin getur,
langæða sér minning metur,
mild þó kvinnan langtum betur.

Skoða...

14.
Ríman

Hjartað gleður hljóðfærið og heilnæmt vín,
þó fær vit og viskan fín
vinsæld þá er síður dvín.

Skoða...

15.
Ríman

Pípur hljóða heldur vel og hörpu sláttur
en vinskaps orð og elsku máttur
öllum lýst þó fegri háttur.

Skoða...

16.
Ríman

Margur vitjar víst í neyð til vina sinna,
hvört mun öðru karl og kvinna
kærleikann þó bestan inna.

Skoða...

17.
Ríman

Bróðir sýnir nökkra náð þá neyð er mest,
miskunn heit í hjarta fest
hjálpa mun þó þeirra best.

Skoða...

18.
Ríman

Gull og silfur gunnum veitir gott uppheldi,
hentugt ráð sem hygginn seldi,
heldur styrkir mannsins veldi.

Skoða...

19.
Ríman

Magt og góss til margrar dirfsku manninn hvetur,
ótti Guðs þó öllu betur
er þeim nægð er haldið getur.

Skoða...

20.
Ríman

Drottins ótti grasgarði er góðum líkur,
Guðs af blessan gjörður ríkur,
girndar fagur er enginn slíkur.

Skoða...

21.
Ríman

Gjör þú þig ei þurfa mann af þínu brauði,
betri er heldur hægur dauði
en húsgangurinn dyggðasnauði.

Skoða...

22.
Ríman

Illt er þar að óska brauðs er aðrir borða,
halda sig til hræsnis orða,
hyggnir menn sér þessu forða.

Skoða...

23.
Ríman

Blygðarlausum blíð og sæt er bónar iðja,
oft þeir fá um ævi miðja
óheilindi er þanninn biðja.

Skoða...

24.
Ríman

Heljar minning heimskum vekur hugraun stranga,
er sorgarlausir farsæld fanga
og flestallt vill að óskum ganga.

Skoða...

25.
Ríman

Þeim er dauðinn þakknæmur sem þrautir lýða
og ellikvillar oft á stríða
en einskis hafa þó betra að bíða.

Skoða...

26.
Ríman

Ekki skyldir hræðast hel en hugsa heldur,
öllu holdi herrann geldur
hegning þá sem syndin veldur.

Skoða...

Fertugasti og annar kapituli.

27.
Ríman

Ekkert dugir drafl á móti Drottins vilja,
æviskammtinn öngvir kilja
eftir þá er hér við skilja.

Skoða...

28.
Ríman

Börn ómildra erfðaplógs síns alllítt njóta,
last og smán að lyktum hljóta
lagsmenn þeirra er þanninn brjóta.

Skoða...

29.
Ríman

Vondur faðir vítur barna verður líða,
því fyrir hans fólsku stríða
foraktan þau löngum bíða.

Skoða...

30.
Ríman

Þeim er vei sem ekki aktar orð hins hæsta,
þessir lífs og liðnir næsta
líða verða bölvan stærsta.

Skoða...

31.
Ríman

Allt sem verður aftur jörð sem af henni kom,
illfús fær svo forboðs róm,
fyrirdæmingar síðan dóm.

Skoða...

32.
Ríman

Mótgangur oft endast þar til ævin þrýtur,
nafn ómildra afmást hlýtur,
enginn finnst þeim heiður nýtur.

Skoða...

33.
Ríman

Hafðu kapp að halda megir heiðurs nafni,
það óspillt er fyr hundi og hrafni
og hvörju betra fjárins safni.

Skoða...

34.
Ríman

Einn þó kunni indælt líf og auðlegð fanga,
skammvinnt mun á grunn þó ganga
en gott nafn varir dagana langa.

Skoða...

35.
Ríman

Aðgætið, mín elsku börn, þá allvel gengur,
að Guðs ótta því geymið lengur,
góðs þarf ekki að skammast drengur.

Skoða...

36.
Ríman

Einn sín skammast oft um það sem ekki skyldi
og samþykkur því verða vildi
er veit ei nema síðar gildi.

Skoða...

37.
Ríman

Hjónin sér það haldi skamm að hórdóm drýgi,
höfðingi ef leggst í lygi
og lögsegjandi að réttinn flýi.

Skoða...

38.
Ríman

Alþýðan fær ærubrest af óhlýðninni,
góður vin ef grand hann vinni
en granni manns af þýfsku sinni.

Skoða...

39.
Ríman

Blygðast þú á borði brauð með höndum hylja,
klárt þinn reikning kunna ei skilja
og kveðjanda ei gegna vilja.

Skoða...

40.
Ríman

Skammast þín að skyldir eftir skækjum leita,
ellegar í nauðsyn neita
náskyldum þér lið að veita.

Skoða...

41.
Ríman

Eiganda með órétti frá arfi víkja,
eiginkonu annars svíkja,
ambáttar við sæng að snýkja.

Skoða...

42.
Ríman

Vin og bróður blygðast skyldir brigsli að finna,
eftir leita né áminna
umbun hans til gjafa þinna.

Skoða...

43.
Ríman

Skammast þín að herma hvað sem heyra náðir,
leyndra orða ekki að gáðir
einkamál ef mörgum tjáðir.

Skoða...

44.
Ríman

Hvör með skynsemd skammast sín og skúfar meinum
prýddur kallast heiðri hreinum
og hylli sæll í mörgum greinum.

Skoða...

45.
Ríman

Góðra líka gæta skyldir gjörða hinna
er skammast ættir ekki þinna
og einskis vegna rangt að vinna.

Skoða...

46.
Ríman

Til réttinda góðan granna gjarnan styðja
við tryggðamann þinn trútt að iðja
og til arfskiptis vinum ryðja.

Skoða...

47.
Ríman

Vigt og mæling métra rétt og mátann finna,
hógværð geymi hjartað svinna
hvört þú aflar meira eða minna.

Skoða...

48.
Ríman

Rétt handtéra heimsins auð þótt hugsir græða,
börn með alúð upp að fæða
og argan þræl með vendi hræða.

Skoða...

49.
Ríman

Vondri konu verja þitt er vill þig æsa,
fyr ódyggðum allt að læsa,
að ekki síðar þurfir þræsa.

Skoða...

50.
Ríman

Vega og telja allt hvað ættir öðrum hjá,
inntektir og útgjöld smá
uppskrifa sem glöggvast má.

Skoða...

51.
Ríman

Gömlum, heimskum góðan lærdóm gjarnan kynna,
við ungmenni ekki sinna,
orðstír má svo hvör sér vinna.

Skoða...

52.
Ríman

Velskikkaður virðist sá því venjast kunni
greindum kostum gjarnan unni,
getur sér lof af hvörjum munni.

Skoða...

53.
Ríman

Föðurnum eykur andvökur hans ógift meyja,
hér til verður hugsun hneigja
og heilar nætur svefnlaus þreyja.

Skoða...

54.
Ríman

Gullskorð uggir gamlist fyrr en giftist manni,
til ekta gefin að óvild kanni
eða sé spillt í föður ranni.

Skoða...

55.
Ríman

Bónda sínum bundna trú að bregða megi,
börn við honum engin eigi
óbyrja svo lífið þreyi.

Skoða...

56.
Ríman

Dóttur þína óbljúga ef ögun þrýtur
æru kostinn af sér brýtur,
óhróður þú sjálfur hlýtur.

Skoða...

57.
Ríman

Kosta ei að keppast eftir konum fríðum,
hjá þeim vertu varla tíðum,
varna svo við háska stríðum.

Skoða...

58.
Ríman

Motti kemur klæðum úr með krankdóms slagi.
Má svo falla margur bagi
manni til af kvenna lagi.

Skoða...

59.
Ríman

Háska minna athvarf er hjá illum manni
en kalls að líða í kvenna ranni,
kært þó láti við þig svanni.

Skoða...

60.
Ríman

Hafni illu, höndli gott sá heyrir kvæði,
heilræðanna hentugt fræði.
Hér mun mál að standa næði.

Skoða...

Síraks rímur, 16. ríma

næsta ríma >>