Karel

Háttatal — 18. ríma

— Sveinbjörn Beinteinsson

Lemmata | Textatengsl
umgjörð ríman

391.
Ríman

Ferðalúnum fótum hef ég gengið
yfir fjöllin urðum sett,
óblíð veður fengið.

Skoða...

392.
Ríman

Þá í lágum litlum bæjarkofa
var mér fagnað vel um kvöld.
Vil ég þetta lofa.

Skoða...

393.
Ríman

Kunni granni kaldra fjallaslóða
lög sem honum hæfðu þar
hátt við landið góða.

Skoða...

394.
Ríman

Sett var fyrst í fjallabúnas lögum
hreinyrt grein um þrek og þor,
þekkt úr fornum sögum.

Skoða...

395.
Ríman

Dalahalur háu nærri fjalli
hreinn og beinn í háttum var,
hlýr og skýr í spjalli.

Skoða...

396.
Ríman

Geng ég nú um gráar eyður, breiðar,
þar sem vinur besti bjó
byggðin sneiðist heiðar.

Skoða...

397.
Ríman

Flett og rúin fjallaslóðin sýnist.
Þjóðin minnkar þar og hvar
þegar byggðin týnist.

Skoða...

398.
Ríman

Aftur nytjist okkar kjarnagróður.
Eigi fólk um dali dvöl.
Dafni sæmd og hróður.

Skoða...

399.
Ríman

Barðist Kár við borgarmanninn snjalla.
Hlynur þekkir hraustan rekk.
Hann þá tók að spjalla:

Skoða...

400.
Ríman

„Fljótt ég vil til friðar stilla bragna
þann ég eflaust þekki mann
því er síst að fagna.“

Skoða...

401.
Ríman

Gengu menn á milli þeirra síðan.
Rauður kennir hraustan Hlyn,
hermir enn við stríðan

Skoða...

402.
Ríman

„Þínum skildi þig ég vildi ræna,
lof þér gelzt því greipi fast
gripnum hélztu væna.“

Skoða...

403.
Ríman

Þú mátt lengi þínu gengi fagna
sigurfeng úr hönd mér hirt
hefur enginn bragna.

Skoða...

404.
Ríman

Síst mun þrætt ég sakaþætti bætti,
þegar hættir harkið skætt
halda sættir ætti.“

Skoða...

405.
Ríman

Gekk þá Hlynur garpsins til og sagði:
„Ekki lengjum þetta þjark,
þekkjumst frið að bragði.“

Skoða...

406.
Ríman

Falla deilur, fest er sættin bragna,
engar sakir urðu meir.
Allir þessu fagna.

Skoða...

407.
Ríman

Bauð nú mönnum bestu veizlu Rauður.
Borg hann réð og ærinn á
auð, og nokkurt hauður.

Skoða...

408.
Ríman

Dvalir auka drengir þannig máttu
frömdust þeir og fræddust um
fleiri manna háttu.

Skoða...

409.
Ríman

Fóru vítt og frægir mjög þeir urðu.
Slíkra mennt í minnstri þurð
margar þjóðir spurðu.

Skoða...

410.
Ríman

Fé og sæmdir firðar löngum unnu.
Um þá víða margir menn
miklar sögur kunnu.

Skoða...

Háttatal, 18. ríma

næsta ríma >>