Karel

Háttatal — 17. ríma

— Sveinbjörn Beinteinsson

Lemmata | Textatengsl
umgjörð ríman

366.
Ríman

Þögnin öllum þröngdi bragarháttum
út í hornið gleymsku grátt,
gat ég síðan kveðið fátt.

Skoða...

367.
Ríman

Nú skal enn á orðum kenna þjóðin.
Bitru stefi, beiskum óð
bætt ég hef í þessi ljóð.

Skoða...

368.
Ríman

Sál og mál er selt við ýmsu gjaldi.
Allt er falt og erlent vald
ærið fær því tangarhald.

Skoða...

369.
Ríman

Þung er sungin þulan stríða víða.
Nú mun yfir níðingslýð
nöpur storma gríðar hríð.

Skoða...

370.
Ríman

Mikil svik í mörgum anda blandast,
af því líður landið grand
lagt í stríðast vanaband.

Skoða...

371.
Ríman

Hver mun leysa helgar fósturslóðir,
eins og skyldan ákaft bauð,
undan slíkri heljarnauð.

Skoða...

372.
Ríman

Látum vita lýðsins fjandmenn anna
hversu þjóðin vernda vill
vé, sem herja ráðin ill.

Skoða...

373.
Ríman

Eyða dáðum Ísafoldar þjóðar
þeir sem illu gefa grið.
Geymum betur okkar sið.

Skoða...

374.
Ríman

Háði brýndir borgarmenn á stræti
vildu hafa hendur á
honum sem að níddi þá.

Skoða...

375.
Ríman

Tvennir sækja tugir þar að einum.
Enn þó verjist garpur gegn
grennist óðum hreystimegn.

Skoða...

376.
Ríman

Skjaldaþröngin skjótt að honum klemmir
böndum hnepptur hann var þá
höndum jafnt og fótum á.

Skoða...

377.
Ríman

Þegar bragnar þessum fagna sigri,
hópnum stökkur Úlfur að,
undan hrökkur sveit við það.

Skoða...

378.
Ríman

Böndin skárust burt af Kár í hasti.
Þegninn hár á fætur fljótt
færðist knár og sagði ljótt.

Skoða...

379.
Ríman

Greip af einum öxi heini brýnda,
mann til bana harður hjó
hugðist meira vinna þó.

Skoða...

380.
Ríman

Kvað hann þannig: „Kosta sannarlega
okkar líf mun ærið kíf
illköld rífi járnin hlíf.“

Skoða...

381.
Ríman

Heiftug drótt með hörkuþótta sótti
hart í bráð á hendur tveim.
Hreystidáðin endist þeim.

Skoða...

382.
Ríman

Þegar vegast þessir menn sem harðast,
þangað Héðins flokkur fer,
feiknleg verksummerki sér.

Skoða...

383.
Ríman

Héðinn mælti: „Hættið ljótu verki,
stríða hríðin ójöfn er,
ýtar nýti sættir hér.“

Skoða...

384.
Ríman

Lægir bæjarlýður þunga rimmu
kallast allmjög brýndur brátt,
bráðu háði leikinn grátt.

Skoða...

385.
Ríman

Sagði Kár: „Þið sýnduð ferðamanni
megna fólsku, mér því er
mótleik skylt að gera hér.

Skoða...

386.
Ríman

Veljið einn, sem við mig reyna þori,
ella meiru háði hart
alir verða smáðir snart.“

Skoða...

387.
Ríman

Þannig semst, og þarna velst úr flokki
þegn, sem átti ærinn mátt.
Eggjar hátt þar kváðu brátt.

Skoða...

388.
Ríman

Hvorugs iljar hvika neitt úr sporum,
Bláir mætast málmar, þá
má ei lokin fyrir sjá.

Skoða...

389.
Ríman

Léku þeir svo langa hríð af snilli.
Fast var kíf af grimmum gert.
Gnast í hlífum stálið bert.

Skoða...

390.
Ríman

Hlynur starði stíft á borgarþegninn
segginn harða þekkti þann
þar, sem barðist fyr við hann.

Skoða...

Háttatal, 17. ríma

næsta ríma >>