Karel

Háttatal — 16. ríma

— Sveinbjörn Beinteinsson

Lemmata | Textatengsl
umgjörð ríman

346.
Ríman

Jörðin grær og líka lifna ljóð í hug.
Vetrartíðin vék á bug.
Vonarhaukar þreyta flug.

Skoða...

347.
Ríman

Það ég veit hvert ljóðin leita, ljúfa mær
verði ríman fleyg og fær
fundi þínum stefið nær.

Skoða...

348.
Ríman

Ljóðin mín og líka þín ef lifna í dag,
vísnaþátt með valhent lag
velja máttu þér í hag.

Skoða...

349.
Ríman

Þó ég sendi þér í hendur þetta ljóð,
lítt mér endist listin góð
löngum blendinn kveð ég óð.

Skoða...

350.
Ríman

Ferðamenn á fáka stignir fram á leið,
þar sem enn var gata greið
gotum renna hratt á skeið.

Skoða...

351.
Ríman

Segir eigi síðan meira seggjum frá
fyr en morgni einum á
ýkja mikla borg þeir sjá.

Skoða...

352.
Ríman

Vildu gildir virðar þangað víkja brátt
nýtan líta heimsins hátt,
hér ef er þeim boðin sátt.

Skoða...

353.
Ríman

Borgarverðir heimta hreint í hliði svar:
hvort að ferð í friði var
fríðu gerð af liði þar.

Skoða...

354.
Ríman

Héðinn mælti: „Hingað eftir háskaleið
langt að norðan vikum við,
vildum kynnast ykkar sið.“

Skoða...

355.
Ríman

Borgarveldis verðir töldu vænlegt að
hitta gilda hreystiþjóð
hér sem dvaldi risnugóð.

Skoða...

356.
Ríman

Hús og gæzlu hestum fengu halir nú.
Virðar torgum víðum á
vildu borgarstörfin sjá.

Skoða...

357.
Ríman

Keyptu margan góðan grip við gjaldi þeir.
Áttu friði að fagna þar,
fátt um sinn á milli bar.

Skoða...

358.
Ríman

Gekk þar einn um ókunn stræti ungur Kár.
Hópi manna mætti þá,
mjög var kátur flokkur sá.

Skoða...

359.
Ríman

Hvatvís spurði: „Hvaðan furðuheimum af
fórstu hingað, ertu einn
orkuringur förusveinn?“

Skoða...

360.
Ríman

Orti Kár: „Þó fylgdarfár og frægðarsmár
hingað gerða hafi ferð,
hræddur sérðu lítt ég verð.

Skoða...

361.
Ríman

Enga sé ég ykkar dáð en ærinn löst.
Níðist prýðin ýtum af.
Eyk ég leik með flímort skraf.“

Skoða...

362.
Ríman

Hlupu tveir að röskum rekk með reiðiköll,
til hans lögðu, en traustur þegn
tökin hafði fljót og snjöll.

Skoða...

363.
Ríman

Öxin sendi bráðan bana brögnum þeim.
Sagði Kár og kalt við hló:
„Kaup af hendi fékk ég tveim.

Skoða...

364.
Ríman

Vilji fleiri ferðamanni frekju tjá
skatnar hljóti skapleg gjöld,
skilja mun ég eins við þá.“

Skoða...

365.
Ríman

Nokkurt hik á hina kom við háskaráð.
Drengur vopnum búinn beið,
brögnum sendi stuðlað háð.

Skoða...

Háttatal, 16. ríma

næsta ríma >>