Karel

Háttatal — 14. ríma

— Sveinbjörn Beinteinsson

Lemmata | Textatengsl
umgjörð ríman

301.
Ríman

Að mér sóttu vetrarvöld,
í veðri köld,
þar til fljóðið kom um kvöld
með kvæðagjöld.

Skoða...

302.
Ríman

Fátt var þrátt um fögur ljóð
og furðu hljóð
forn í horni harpan góð
þá hnípin stóð.

Skoða...

303.
Ríman

Glóð í hlóðum glæddir þú
og gæfu-trú
ljóða gróða barst í bú, ----
það bjargar nú.

Skoða...

304.
Ríman

Ræður gleðin rík í dag
og rýmkar hag.
Gerum snarast góðan brag
við gamalt lag.

Skoða...

305.
Ríman

Svarta hryggð ég hafði snert
um hug minn þvert.
Bjart í skapi gastu gert,
því göfug ert.

Skoða...

306.
Ríman

Skína ljúfu ljósin þín
á ljóðin mín.
Hlýnar lund við heillasýn,
en harmur dvín.

Skoða...

307.
Ríman

Vængjafráir veiðum á,
í vígaþrá,
hrædda fugla haukar slá,
það Hlynur sá.

Skoða...

308.
Ríman

Leit hann skjótt að skjölduð drótt
um skóginn ótt
þangað sótti furðu fljótt
og fór ei hljótt.

Skoða...

309.
Ríman

Rekkur telur tugi þrjá
með tygin blá.
Ekki vill hann flýja frá
og forðast þá.

Skoða...

310.
Ríman

Breiður flokkur rauf þar ró
og reið um skóg.
Skeiðuðu gotar galdir nóg,
en greiðir þó.

Skoða...

311.
Ríman

Hlumdi jörð við harkaskark
og hófaspark.
Setti grimmlegt svarkaþjark
á svörðinn mark.

Skoða...

312.
Ríman

Ört að Hlyni æddi lið
sem iðuskrið,
sem því fyndist fátt um grið
og friðarsið.

Skoða...

313.
Ríman

Skeiðreið fremstur halur hár
með harðar brár.
Bar þar hetju fákur frár
og fótaknár.

Skoða...

314.
Ríman

Heilsaði kalt og kvað þá sá
er kunni rjá:
„Vopn þín ef að eg má fá
þig ei skal slá.“

Skoða...

315.
Ríman

Mælti hinn: „Minn hugur sízt
að hræðslu snýst.
Einn ef þú nú koma kýst,
því kann ég víst.“

Skoða...

316.
Ríman

Kvað við slíku seggur svör
og sagði ör:
„Nú má reyna hvassan hjör
og hetjuför.

Skoða...

317.
Ríman

Kyrrt því uni allt mitt lið
og einir við
okkar prófum hreysti hér,
það hugnast mér.

Skoða...

318.
Ríman

Hef ég tíðum stýrt í stríð
með sterkan lýð,
háska þróað þegnum nóg
um þenna skóg.

Skoða...

319.
Ríman

Eftir lögum löngum farið
lítið var.
Oft ég margt frá brögnum bar
úr býtum þar.

Skoða...

320.
Ríman

Hart skal ríða hjörinn blái
haus þigg á.
Hinir bíði samt og sjái
sennu þá.“

Skoða...

Háttatal, 14. ríma

næsta ríma >>