Karel

Háttatal — 13. ríma

— Sveinbjörn Beinteinsson

Lemmata | Textatengsl
umgjörð ríman

281.
Ríman

Aftur hljóma lögin ljúf,
lengja tekur daginn.
Vísu ritar höndin hrjúf.
Hugur dvelst við rímnastúf.

Skoða...

282.
Ríman

Oft, er störfin þekk og þörf
þreyta mig að hófi,
ljóðum örvast lundin djörf,
lýtin hörfa meinum gjörv.

Skoða...

283.
Ríman

Forna sagan fest í brag,
færir kærast yndi,
iðjudagur hækkar hag,
hljómar fagurstuðlað lag.

Skoða...

284.
Ríman

Ort af rögnum eldforn sögn
enn í minni lifir,
flytur brögnum fræðagögn
furðu mögnuð út úr þögn.

Skoða...

285.
Ríman

Þaðan föng ég færi smá
fram á stefjargötur,
vill þó mjúkhent mærin sjá
mína hætti og læra þá.

Skoða...

286.
Ríman

Flyt ég annað efni um sinn
undir fornum háttum
fyrir svanna muni minn
mærðar rann í landið inn.

Skoða...

287.
Ríman

Eftir stranga ferð um fjöll
fákar slarki lúðir
fagran ganga fram á völl,
fagnar langþreytt sveitin öll.

Skoða...

288.
Ríman

Vildu næði virðar fá,
valinn haga fundu,
skildist mæða mönnum frá
mildum gæðalöndum á.

Skoða...

289.
Ríman

Tíu nátta þrotlaust þjark
þeim í heima tvenna
sýndi þrátt, við háskahark
höldar máttu reyna kjark.

Skoða...

290.
Ríman

Menn og hestar heilan dag
hafa bið í friði,
þeirra frestast ferðalag,
fyrðar beztum una hag.

Skoða...

291.
Ríman

Næði lundi laufgum hjá
lengi drengir fengu,
festu blundinn bragnar á
blómagrundu mjúkri þá.

Skoða...

292.
Ríman

Hugarboð um hættu frá
Hlyni rænir svefni
engan voða samt hann sá,
sem að stoði ætlun þá.

Skoða...

293.
Ríman

Gekk í skóginn skammt á braut
skati rændur blundi,
undrast frjóa fegurð hlaut,
foldin glóar öll við skraut.

Skoða...

294.
Ríman

Fagran óð af ástarhug
ungur drengur syngur
bjartan hróður hóf á flug,
harmaljóðum vék á bug.

Skoða...

295.
Ríman

Lýsti hróðurorðum í
yndisgóðum svanna,
munaglóðin hæg og hlý
hitar ljóðamálin ný.

Skoða...

296.
Ríman

Ljóðadrengur lofa má
lengi vengið fagra,
einnig strengur sterkur þá
stefin tengir von og þrá.

Skoða...

297.
Ríman

Kátt í viðarkrónum þar
kliðar fiðurliðið,
fimur iðar flokkur snar,
fagurt svið þeim búið var.

Skoða...

298.
Ríman

Aukin létta gleðin góð
gerðist þetta dægur,
gauka nettu lofa ljóð
laukum setta skógarslóð.

Skoða...

299.
Ríman

Uggvæn hljóðin heyrðust þá,
hræddir æddu fuglar,
þegar óvin svarinn sjá
sveiflast geyst um loftin blá.

Skoða...

300.
Ríman

Renndu valir vosnöggt að
veiðibráðum sínum.
Eygði Hlynur atvik það,
ekki meir að sinni kvað.

Skoða...

Háttatal, 13. ríma

næsta ríma >>