Karel

Háttatal — 12. ríma

— Sveinbjörn Beinteinsson

Lemmata | Textatengsl
umgjörð ríman

261.
Ríman

Naumast unir hyggjan heit
hverja stund á sama reit,
fer því oft í ljóðaleit
langt, ef hún til fanga veit.

Skoða...

262.
Ríman

Gefið hefur glaða lund
góður óður marga stund,
engan feng í minni mund
met ég betri heillafund.

Skoða...

263.
Ríman

Þegar stigum þjóðar á
þreyttur átti skjólin fá,
sorgir margar fældi frá
fríður kvæðahljómur sá.

Skoða...

264.
Ríman

Veita mátti mönnum þrátt
marga gæfu ljóðið kátt,
þeim er áttu annars fátt
yndisval og gózið smátt.

Skoða...

265.
Ríman

Meinum rennir ýmsum enn
óður góður, viti menn,
oft þó spenni angur tvenn
ýtum nýtast ráðin þrenn.

Skoða...

266.
Ríman

Berist vönduð ljóð um lönd,
lýtin víti hyggin önd.
Heimsku gröndum. Bresti bönd.
Brýtur nýtar leiðir hönd.

Skoða...

267.
Ríman

Menn í skála Héðni hjá
hetjuljóðin kveðnu á
hlýddu, skáldum skýrum frá
skemmtun hlutu dýra þá.

Skoða...

268.
Ríman

Þar til ama enginn veit,
öldin fagnar, lengi teit,
sú hin djarfa, drengja sveit,
dáðum kunnug, strengir heit.

Skoða...

269.
Ríman

Héðinn mælti: „Háskaför
hreðusöm þó bjóði kjör,
kveð ég aldrei æðrusvör,
eða hryggðarmál frá vör.“

Skoða...

270.
Ríman

Tjáir ungur Úlfur þá:
„Á þótt bylji nauðin há
knáir aldrei fyrðar fá
fláráðsverk til mín að sjá.“

Skoða...

271.
Ríman

Segir Hlynur: „Margur má
meginraun í háska fá,
heyi erju einn við þrjá,
eigi mun ég renna þá.“

Skoða...

272.
Ríman

Kár svo þylja þannig vann:
„Það ei tjást með sanni kann
eg þó hitti annan mann,
orðtak mér að banni hann.“

Skoða...

273.
Ríman

Héðinn mælti: „Mun þess gætt
menn hvað stæltir hafa rætt,
beygs ef kennir hjarta hrætt,
háðið kvenna verður skætt.

Skoða...

274.
Ríman

Nú er brenna blysin dags
búist menn til ferðalags,
hreimur gjalli gleðilags,
gleymum spjalli sorgarbrags.“

Skoða...

275.
Ríman

Dagsins heiða himni frá
hlýir breiðast geislar á
skógarleið og hrika-há
hömrótt eyðifjöllin blá.

Skoða...

276.
Ríman

Blíðu fyllast fuglar þá,
fríðum snillitónum ná,
prýði gyllast hljóðin há
hlíða milli dalnum á.

Skoða...

277.
Ríman

Flokkur ríður fram á leið,
fákar góðir renna skeið,
fara snúðugt, gatan greið
görpum hraða leyfir reið.

Skoða...

278.
Ríman

Bragnar tvennir tíu fljótt
traustum renna stíginn ótt
fákum þrennum því að skjótt
þreytu-sennu drýgist gnótt.

Skoða...

279.
Ríman

Hestar, mætti hlaðnir þá,
hörðu mættu vegum á,
eðlið mætt og hreystin há
hrósið mættu sanna fá.

Skoða...

280.
Ríman

Bæti fagur háttur hag
hverfi gagurt ljóðajag.
Tröllaslag og ljúflingslag
leiki bragasveit í dag.

Skoða...

Háttatal, 12. ríma

næsta ríma >>