Karel

Háttatal — 11. ríma

— Sveinbjörn Beinteinsson

Lemmata | Textatengsl
umgjörð ríman

241.
Ríman

Viltu heyra væna mín,
vísur, sem ég kvað til þín
eina þögla þorranótt
þegar allt var kyrrt og rótt.

Skoða...

242.
Ríman

Svinnust hlynnir söngvum að
sætan mæt, ég kveð um það,
mest og bezt þitt lundarlag,
leiðir greiðir mínum brag.

Skoða...

243.
Ríman

Hrímuð Gríma skyggði skjá.
Skímu-bríma gneisti þá,
hrokkinn, stokkinn óði af
okkur nokkurn bjarma gaf.

Skoða...

244.
Ríman

Yndi margt við áttum þrátt,
orða- röktum -þáttu sátt.
Þóttumst engan eiga beyg
ofar hyggjan fleyga steig.

Skoða...

245.
Ríman

Ljósa dísin ljóðamáls,
lokkar stukku þér um háls
bjarma hvörmum fríðum frá
fagurlogar sendu þá.

Skoða...

246.
Ríman

Saman þá við ortum óð
oft var gaman þegar ljóð
tveggja máli orðuð á
okkar beggja lýstu þrá.

Skoða...

247.
Ríman

Þessi tími þannig leið
þar til hugans annað beið.
Minning hrein í hyggju bjó,
——hvert sem vegir liggja þó.

Skoða...

248.
Ríman

Sumartíðin björt og blíð
bjó að skrauti löndin víð
allt hið kalda vetrarvald
varð að leysa hvítan fald.

Skoða...

249.
Ríman

Hófum undir ymur grund
eina hreina morgunstund,
hlaupa fráir hestar þá
Herkis merka bænum frá.

Skoða...

250.
Ríman

Fáki gráum fremstur á
fríður ríður Hlynur þá.
Klárinn þéttan þrífur sprett
þýður, blíður, stilltur rétt.

Skoða...

251.
Ríman

Rauður jór með flýti fór
fagurlima-svæðin stór,
sat hann Kár í söðli hár,
sveif á skeiði hestur frár.

Skoða...

252.
Ríman

Fylgja bræðrum seggir sex.
Sungið er og gleði vex.
Hvers í greipum háskept öx
hærra ber en alreist föx.

Skoða...

253.
Ríman

Upp til heiða halir geyst
hafa breiða skóga þeyst.
Ferðum heldur flýttu þá,
fyrir kveld að Veggjum ná.

Skoða...

254.
Ríman

Hlýyrt fagnar heimaöld
hópi bragna þetta kvöld.
Veizlu magna vífin þá,
virðum hagnar beini sá.

Skoða...

255.
Ríman

Gleðisöngva kappar kátt
kveða næsta snjallt og hátt.
Rekkar glæddu gamanskil,
gekk þar allt með friði til.

Skoða...

256.
Ríman

Hildur kom þar, vífa val
vildi fagna prúðum hal
snilldin skein af skírri brá.
Skildi fögrum hélt hún á.

Skoða...

257.
Ríman

Gekk hún fram að fríðum rekk,
fékk nú Hlyni mærin þekk
valinn skjöld, og hóf svo hjal:
„Halur gripinn eiga skal.

Skoða...

258.
Ríman

Njóttu Hlynur hlutar góðs
hljóttu vinur kjörgrip fljóðs.
Reyna verður háskinn höld.
Hreinan berðu jafnan skjöld.“

Skoða...

259.
Ríman

Þessi mærin þegni kær
þakkir ærið góðar fær.
Gullbaug svanna gefur hann.
Greina þannig síðan vann.

Skoða...

260.
Ríman

Vann ég ást, þess minnast má,
máist varla ljómi sá
sá ég snót, og vona völd
völdu þig hið sama kvöld.

Skoða...

Háttatal, 11. ríma

næsta ríma >>