Karel

Háttatal — 9. ríma

— Sveinbjörn Beinteinsson

Lemmata | Textatengsl
umgjörð ríman

201.
Ríman

Þegar andinn fer á flug
fjarri kröppum heimaranni
vísnagleði veitir dug
vökulöngum kvæðamanni.

Skoða...

202.
Ríman

Oft í loftið blakkan bar
blikumikinn hríðar þunga.
Ljóðið góða löngum þar
létti þéttum kvíðadrunga.

Skoða...

203.
Ríman

Varð að engu vanda grand,
veittust giftuföng í hendi
birtu yfir andans land
orðagleðin löngum sendi.

Skoða...

204.
Ríman

Oft hjá sveini undi sprund,
engin mein í geði réðu,
stefjagreinir stundum hrund
sterka, hreina gleði léðu.

Skoða...

205.
Ríman

Man ég það: við lítið ljós
lengi kvölds við sátum bæði,
smáar stökur hlutu hrós,
hóf ég brag í mætu næði.

Skoða...

206.
Ríman

Enn, að kveldi örðugs dags
ögn við kvæði mitt ég bæti,
ef að skyldi andi brags
ungum fljóðum vekja kæti.

Skoða...

207.
Ríman

Hlýðir brögum heimalið,
hróður slíkan margur dáði. ----
Héðin þá og Hildi við
heiðarfarinn þannig tjáði:

Skoða...

208.
Ríman

„Mærin Hildur, minni vild
muntu nokkuð kunnug orðin.
Þú munt, Héðinn, hafa séð
huga minn í gegnum orðin.

Skoða...

209.
Ríman

Allt skal greint og engu leynt,
ann ég þegar fögrum svanna,
mér ef bezta fljóð er fest,
fann ég hérna lánið sanna. ““

Skoða...

210.
Ríman

Anzar Héðinn: „Ungs manns geð
oft er kveðið festulítið,
skortir dyggðarskíra hygð,
skjótt þið tryggðum beztu slítið.“

Skoða...

211.
Ríman

Hlyn í brún við bóndans tal
brá, þá má af svörum skilja:
„Þungt og strangt er þetta hjal,
þinn ég finn af slíku vilja.

Skoða...

212.
Ríman

Svarið skýrt mér flyttu fljótt,
fjandskap sýndi þessi ræða,
leysa málið máttu skjótt,
mína von ei þarf að hæða.“

Skoða...

213.
Ríman

Héðinn gegnir: „Helzti bráð
hyggjan stygga ræður orðum
geðið strítt og reikult ráð
reka tekur allt úr skorðum.

Skoða...

214.
Ríman

Skal þess gáð að girndarráð
gefast náðu löngum illa.
Sýn þú áður svinna dáð,
---- svo má tjáðar óskir fylla.

Skoða...

215.
Ríman

Enga þróun þrætu hér.
Þegar snjóa losnar skorðan,
fylgdu nógu falslaust mér
fjöll og skóga héðan norðan.

Skoða...

216.
Ríman

Má ei skerða þrautin þrótt,
þá í ferðum hreystin bjargar,
knáa herðir sæmdin sótt,
sjá þar verðum hættur margar.“

Skoða...

217.
Ríman

Hlynur svarar; „Vil ég víst,
víðar ferðast yfir markir,
því til farar þeirrar býst
þegar verða grænar bjarkir.

Skoða...

218.
Ríman

Seg mér, Hildur, ef ég á
okkar meir að vitja kynna?“
Svanni mildur svarar þá:
„Sæk í vor til húsa minna.“

Skoða...

219.
Ríman

Fór til náða fólkið glatt,
feldi að herðum gerði vefja.
Fyrir dögun drengir hratt
djarfir verða ferð að hefja.

Skoða...

220.
Ríman

Blíðir kvöddu seggir senn.
Síðan ekki vildu bíða.
Skíðavanir skerpumenn
skríða geyst um fjöllin víða.

Skoða...

Háttatal, 9. ríma

næsta ríma >>