Karel

Háttatal — 6. ríma

— Sveinbjörn Beinteinsson

Lemmata | Textatengsl
umgjörð ríman

131.
Ríman

Bæði tvö ef enn við ættum
orð til góðs,
rakið skal af þúsundþættum
þræði ljóðs.

Skoða...

132.
Ríman

Okkur lokkar ljóðaeldur
listum nær,
tíðum blíðum vísum veldur
viti skær.

Skoða...

133.
Ríman

Reisum aftur rímnahátta
rofið hof
innið skreyti ástarþátta
ofið lof.

Skoða...

134.
Ríman

Einn á fönnum Hlynur háði
harðan leik,
úlfa tönnum ört hinn bráði
undan veik.

Skoða...

135.
Ríman

Ýlfurhljóðin sultarsáru
söng um blóð
grimmdaróðan yfir báru
auðnarslóð.

Skoða...

136.
Ríman

Snævinn víða villur gengur
virðum fjær.
Ægihríða stilltur strengur
stirður hlær.

Skoða...

137.
Ríman

Kjaftavotir Gríðar gotar
glefsa hart.
Færi notast, fremstan rotar
frækinn snart.

Skoða...

138.
Ríman

Rann um snæinn, varla vægir,
víða hlíð.
Storminn lægir, heldur hægir
hríða stríð.

Skoða...

139.
Ríman

Sást þar dalur fönnum falinn,
fagnar því
hann, sem lengi hefur gengið
hættum í.

Skoða...

140.
Ríman

Bæ við fjalla-hlíðar halla
háan sá.
Hlynur þangað þreytir ganginn
þá um snjá.

Skoða...

141.
Ríman

Vera mundi friðland fundið,
frækn sem kaus.
Gera flokkur burtu brokkar
bráðalaus.

Skoða...

142.
Ríman

Hlynur svinnur heim að inni
hiklaust fór.
Kom til hurðar halur furðu
hrikastór.

Skoða...

143.
Ríman

Höldur gildur vita vildi
víst og satt,
hver að þar af fjöllum fari
firna hratt.

Skoða...

144.
Ríman

Hlynur vá og vanda frá,
sem var í för,
sannar fréttir flytur létt.
Og fær þau svör:

Skoða...

145.
Ríman

„Segja lítið hrós ég hlýt
um hrakför þá,
týnist gát við flas og fát
það færðu sjá.

Skoða...

146.
Ríman

Hroðagisting, voðavist,
þér vetur bjó,
hríð við mesan blíðu brest
hann beitti þó.

Skoða...

147.
Ríman

Mein á heiði margur beið
og missti fjör.
Varma þráðu vargar bráð
og veizlukjör.

Skoða...

148.
Ríman

Inni finni friðar hlynning
fólki hjá
hann, sem rann um fölar fannir
fjöllum á. ““

Skoða...

149.
Ríman

Hinum þakkir hæfar valdi
Hlynur þá.
Ríku inn frá veðra valdi
víkur sá.

Skoða...

150.
Ríman

Hrakinn bragn í bæinn fer
með bónda þar.
Lúnum hvíldin ljúfust er
ef langþráð var.

Skoða...

Háttatal, 6. ríma

næsta ríma >>