Karel

Háttatal — 5. ríma

— Sveinbjörn Beinteinsson

Lemmata | Textatengsl
umgjörð ríman

111.
Ríman

Reyndar hefur rumið lengi
raustin slæma.
Nú skal betur stilla strengi
stefjanæma.

Skoða...

112.
Ríman

Gamansamar gerðar skyldu
glettnibögur
blíð ef hlýða vísum vildu
vífin fögur.

Skoða...

113.
Ríman

Góðan óð á gæfustundu
gert ég hefi
fljóðin hljóðu fegin undu
fögru stefi.

Skoða...

114.
Ríman

Oft ég gekk á eyðileiðum
óra-fjarri
hrundar ást, á heiðum breiðum
hættu nærri.

Skoða...

115.
Ríman

Þá var oft af kæti kveðin
kímin ríma
þannig hlýrri gerði gleðin
grímu-tíma.

Skoða...

116.
Ríman

Yndi fundið óðarræða
auka tekur
enda stundum kliður kvæða
klakann hrekur.

Skoða...

117.
Ríman

Skal frá Hlyni Herkissyni
hraustum kynna.
Heiman gildur víkja vildi,
veiðum sinna.

Skoða...

118.
Ríman

Víða á skíðum skríður síðan
skjótur drengur,
mjallarfjalla hjalla-halla
hraustur gengur.

Skoða...

119.
Ríman

Flokkur hreina framhjá sveini
fræknum renndi.
Þá varð einum ör að meini,
er hann sendi.

Skoða...

120.
Ríman

Hrein, sem féll að fenntum velli,
fjarri elli,
var að helli hátt á felli
hann af svelli.

Skoða...

121.
Ríman

Geymir hann í hamrakynni
hlotna veiði
leitar enn, ef föng hann finni
fram um heiði.

Skoða...

122.
Ríman

Leið á daginn, dimmu fljótt
og drífu gerði.
Rann um snæinn rekkur skjótt,
þó rokkið verði.

Skoða...

123.
Ríman

Vanda reynir röskur þá
í römmu þófi,
handaskil hann hvergi sá
í hægu kófi.

Skoða...

124.
Ríman

Lengi rennur frár um fjöll
að finna skýli
gengur enn um ógn og mjöll,
þó áttir tvíli.

Skoða...

125.
Ríman

Leið svo nóttin löng og myrk
og lét að meini
eyðast þrótt með ströngum styrk
hjá stæltum sveini.

Skoða...

126.
Ríman

Engar veit hann áttir þá,
en uggir þeygi
lengi þreyta mátt sinn má
á muggudegi.

Skoða...

127.
Ríman

Úlfar stökkva ærið svangir
út úr mökkva
skrúðadökkvir, skrefalangir
skjótt fram hrökkva.

Skoða...

128.
Ríman

Ýlfra taka tugir varga,
tönnum sarga,
ætla stoltir segg að farga
sér til bjarga.

Skoða...

129.
Ríman

Nasa þeir úr fenntum förum
flasa villtir,
rasa fram í ólmleik örum
asatrylltir.

Skoða...

130.
Ríman

Lúinn hlýtur lundar-illu
liði verjast
nú á bæði varg og villu
við að berjast.

Skoða...

Háttatal, 5. ríma

næsta ríma >>