Karel

Háttatal — 4. ríma

— Sveinbjörn Beinteinsson

Lemmata | Textatengsl
umgjörð ríman

91.
Ríman

Kem ég enn af köldum heiðum,
kæra fljóð til þín.
Frerasvip á fannabreiðum
fengu stefin mín.

Skoða...

92.
Ríman

Ég hef reikað eftir ísum
allan veg til þín
til að kveikja von með vísum.
Var nú þörfin brýn.

Skoða...

93.
Ríman

Hríðarvöldin vetrarríku
villtan tróðu dans
von að köld í veðri slíku
væru ljóðin manns.

Skoða...

94.
Ríman

Blik frá rauðum ástareldi
eftir nauðir mér
sumarauðugt sólarveldi
síðan bauð hjá þér.

Skoða...

95.
Ríman

Ástin meðan öllu réði
okkar geði hjá
allt var kveðið eins og gleði
entist héðan frá.

Skoða...

96.
Ríman

Nem ég hér við ástar yndi,
enn með snilld það sést:
Kemur sér á klakastrindi
kvennamildin best.

Skoða...

97.
Ríman

Hlýr og nýr varð háttum kvæða
hljómur gefinn þar.
Enga lengur um að ræða
ísabragi var.

Skoða...

98.
Ríman

Hve við sorglaust sjafnarkvæði
saman áttum þrátt.
Hef ég líka forna fræði
fært í háttaþátt.

Skoða...

99.
Ríman

Bragaþegn með fornar fregnir
fór í stefjum enn.
Hróðurtal um Hafladalinn
heyra vildu menn.

Skoða...

100.
Ríman

Byggðu dalinn herknir halir
helst var treyst á megn.
Þeirra meðal mestu réði
menntur hreysti þegn.

Skoða...

101.
Ríman

Nefndist Herkir hetjan sterka,
hreystiverkum frá
sögur gengu glæstar lengi
göfgum drengjum hjá.

Skoða...

102.
Ríman

Herkis brúður heitir Þrúður,
hæfir prúðum rekk,
allrar þjóðar hæstan hróður
hrundin góða fékk.

Skoða...

103.
Ríman

Þeirra arfi, æði djarfur,
Álfur nefndur var,
heimastarfið þreytti þarfur,
þrek og dáðir bar.

Skoða...

104.
Ríman

Hlynur annar, afbragð manna,
óttast þótti fæst,
frækinn glanni, fús að kanna
fjöllin mjöllu glæst.

Skoða...

105.
Ríman

Fram um heiðar, hann að veiðum
heiman báru þrár
einatt skreið á öndrum breiðum
undra frár og knár.

Skoða...

106.
Ríman

Einn í ströngum ógnargöngum
eyðiskrauti hjá
háska þröngan hreppti löngum
heiðarbrautum á.

Skoða...

107.
Ríman

Kár, hinn þriðji þeirra niðja,
þróttinn mestan bar.
Vildi iðjur engar styðja,
óþjáll flestum var.

Skoða...

108.
Ríman

Löngum fremur lítt sér kemur
liðið annað við.
Flím hann semur, fyrða gremur,
friðar týnir sið.

Skoða...

109.
Ríman

Oft um granna-sakir sannar
samdi kíminn þátt,
glöppum þannig gleymsku bannar
gramdist mörgum þrátt.

Skoða...

110.
Ríman

Hæðir einatt orðaskræður
allt, sem geðjast lítt.
Æði styrkar stuðlaræður
stukku furðu vítt.

Skoða...

Háttatal, 4. ríma

næsta ríma >>