Karel

Háttatal — 3. ríma

— Sveinbjörn Beinteinsson

Lemmata | Textatengsl
umgjörð ríman

71.
Ríman

Eins og hæfir, milda mær,
minnast vil ég þín,
meðan leikur ljóðablær
létt um hugtún mín.

Skoða...

72.
Ríman

Óð um fljóð ég yrkja vil,
ekki vonum fyr.
Hennar enn ég hverf nú til,
hug minn sjálfur spyr:

Skoða...

73.
Ríman

Mun þér annað meira kært?
Meynni gleymdir þú.
Lag um svanna ljúft og skært
láttu heyrast nú!

Skoða...

74.
Ríman

Öll mín kvæði áttir þú
eina vildarstund.
Sömu glæður sindra nú,
sjáðu, milda hrund!

Skoða...

75.
Ríman

Nú er bjart, því ljóðaljós
leggur hjartað til.
Býst í skart mitt hæsta hrós.
Hugsa djarft ég vil.

Skoða...

76.
Ríman

Glæst er mund af ljósum lokk
læst í huga mér.
Hæst þig ber í fljóða flokk
fæstar líktust þér.

Skoða...

77.
Ríman

Bláum augum bjarma frá
blossi logakviks.
Á mig sækir ofurþrá
enn til þessa bliks.

Skoða...

78.
Ríman

Fyllist hörku hugur minn
heims við átök stinn.
Mildur varð ég sérhvert sinn,
sem þú komst hér inn.

Skoða...

79.
Ríman

Skapið illt varð aftur stillt,
er þú brostir milt.
Trausti fyllt og gott og gilt
gerðist ljóðið villt.

Skoða...

80.
Ríman

Þó ég bjóði, þekka fljóð,
þessi ljóða skil,
síst er óður eins og góð
efni stóðu til.

Skoða...

81.
Ríman

Kvæða-gestur ljúfa list
lék með fögur hljóð
sagði mest í máli fyrst
margt um liðna þjóð.

Skoða...

82.
Ríman

Enn skal minnast aftur hins
eldri tíma frá:
Þjóðir víða valins kyns
vinna löndin þá.

Skoða...

83.
Ríman

Víða fluttist menning merk
mótuð aldarsnið,
mörgu breytti, stælt og sterk,
stóðst þar ekkert við.

Skoða...

84.
Ríman

Gleymt er flest, sem gerðist þá.
Gömlu stefi með
saga flyst, er fræða má.
Fornt um líf ég kveð.

Skoða...

85.
Ríman

Menning svinnum vaxa vann
vakti dáðatrú.
Enn að minnum þroska þann
þjóðir hafa nú.

Skoða...

86.
Ríman

Kvæða-sögur kann ég af
klungur-stiga-dal.
Dýrum næga neyzlu gaf
nytja fagurt val.

Skoða...

87.
Ríman

Hafladalur heitið var
hjörðum-gengið svið.
Eflist hagur aldar þar
arð og farsæld við.

Skoða...

88.
Ríman

Víða gafst í vötnum þar
veiði eigi smá.
Góður fengur fólki var
fæðuskerfur sá.

Skoða...

89.
Ríman

Hörðum stríðir höndum þar
hjarðarfólk við að ná
storðargæðum. Vöskum var
verðugt boðið þá.

Skoða...

90.
Ríman

Menn, sem byggðu laufskógs lönd,
lærðu hreystisið
tömdu bæði hug og hönd
hörðu tökin við.

Skoða...

Háttatal, 3. ríma

næsta ríma >>