Karel

Griplur — 6. ríma

— Óþekktur höfundur

Lemmata | Textatengsl
umgjörð ríman

1.
Formáli

Reika tekur hin ramma þrá
rýgjar mér í vindi,
því er ég orðinn öxlum frá
ungri silki lindi.

Skoða...

2.
Formáli

Gekk ég fram á sútar sand
á sorgar tíma örmum,
þar lá fley við frygðar land
fullt af af alls kyns hörmum.

Skoða...

3.
Formáli

Stóð þar upp í stafni Pín
af stríðu hatri kvenna,
hún bað mig koma í sess til sín
á sorgar bátinn þennan.

Skoða...

4.
Formáli

Er því drjúgum daga sem húm
dapur að öðru hverju,
kom ég þar niður í krapparúm
Kjalars á hauka ferju.

Skoða...

5.
Formáli

Rak mig burt af ræktar hafn,
af ráði sorgar vinda,
má ég því ekki meyjar nafn
í mínum kvæðum binda.

Skoða...

6.
Formáli

Sorgum trúi ég að sætan kær
seint mun vilja létta,
þulda ég rímur þrjár og tvær,
þessi verður hin sjötta.

Skoða...

7.
Ríman

Um veturinn eftir bar fyrir Blind
brigða marga drauma;
sagði hann þetta sænskri kind,
síst mun ganga í tauma.

Skoða...

8.
Ríman

Þar fyrir missti hann gleði og glaum
gerðist fátt til náða;
halurinn skyldi herma draum,
en Hadding kóngur ráða.

Skoða...

9.
Ríman

»Var það fyrst í vorum blund,
varg sá ég austan renna,
beit hann yður svo breiða und,
bragning mátti kenna«.

Skoða...

10.
Ríman

»Koma mun vindur úr skýjum skæður
skelfa kóngsins veldi;
hrjóta á mig gneista glæður,
geng ég nærri eldi«.

Skoða...

11.
Ríman

»Dreymdi mig að ælist einn
úlfur hjá Hagli karli,
sá var eigi í blíðu beinn,
beit hann menn á hjalli.

Skoða...

12.
Ríman

Jafnvel reif hann yður sem mig
og alla kóngsins þegna;
heldur var sýnin hræðileg,
hvað mun slíku gegna?«.

Skoða...

13.
Ríman

»Hagals er sagt við húsagarð
híðbjörn nokkur liggi,
jafnan höfum vér ævi skarð
ætlað honum« kvað tiggi.

Skoða...

14.
Ríman

»Þá mun björninn bíta yður,
er búist þér hann að veiða«.
»Þar er sú dygð að drauminn styður,
djarflega skal ég það greiða«.

Skoða...

15.
Ríman

»Sunnan renndi svínið margt
seggur að þinni höllu,
rananum tóku að róta hart
ríki þessu öllu«.

Skoða...

16.
Ríman

»Þar mun leysa sull úr sjó,
sól í heiði skína,
veröldin gleðst með vakt og frjó,
veður og kuldar svína«.

Skoða...

17.
Ríman

»Komu úr norðri kolsvört ský
með klær og vængi bjúga
og með þennan breiða bý
burtu gerði að fljúga«.

Skoða...

18.
Ríman

»Húsin vor munu hefjast öll,
hygg ég það fyrir góðu;
geri ég þar eina glæsta höll,
er gamlar tóftir stóðu«.

Skoða...

19.
Ríman

»Var það enn í einum draum,
ég vil greina tiggja,
gildan leit ég gríðar taum
grams við ríkið liggja«.

Skoða...

20.
Ríman

»Þar er þú leist hinn langa orm
liggja fyrir á sandi,
það mun dreki með dýrlegt form
duna að voru landi«.

Skoða...

21.
Ríman

»Langur var sá Lóðurs kundur,
leit ég austan renna,
réð á yður og reif í sundur;
ráð þú drauminn þennan«.

Skoða...

22.
Ríman

»Þar mun koma frá kóngi af Hleiður
kappi nokkurs máttar;
fyrst mun verða fundurinn reiður
og falla niður til sáttar«.

Skoða...

23.
Ríman

»Kom ég þar, herra, í húsið inn,
er haukar sátu á stöllum;
fjaðralaus var fálkinn þinn
og flettur hamnum öllum«.

Skoða...

24.
Ríman

»Margir koma í mildings höll
menn af landi ríku;
vopnin munu þér veita upp öll,
verð ég reiður af slíku«.

Skoða...

25.
Ríman

»Dreki þinn leist mér færður á flóð,
flaut í báru miðri,
höfuðlaus allur herinn stóð
í heitu vatni niðri«.

Skoða...

26.
Ríman

»Lofa ég minni ljúfri hirð
lönd að kanna fleiri,
þá mun öðlings ásjón; firð
ekki er draumurinn meiri«.

Skoða...

27.
Ríman

»Dreymdi mig að drákons feður
drægi Hagall úr Væni;
Hrómunds linda hékk sá meður
heiðar fiskurinn græni«.

Skoða...

28.
Ríman

„Állinn kemur þar upp í mót,
eigi smár frá grunni;
verður hann síðan vafínn í nót
og veiddur af menja runni«.

Skoða...

29.
Ríman

»Vopnið sökk í vatnið kalt,
varla má slíkt ugga;
hvort ætlar þú Hrómund allt,
en hræðslufulla dugga?«.

Skoða...

30.
Ríman

Frá ég að kæmi fylkis til
fleiri draumar sterkir,
öðling réð þá alla í vil
en engan svo sem merkir.

Skoða...

31.
Ríman

»Blindur muntu birta mér,
beint svo að ekki tálmi;
harður var sleginn um háls á þér
hringur af brenndum málmi.

Skoða...

32.
Ríman

Leiðum reittu letinnar klár
litla stund til náða,
dælt mun vera kvað drengurinn flár
drauma slíka að ráða.

Skoða...

33.
Ríman

Gálgi merkir gamlan hest,
get ég að minnki náðir;
líkt mun okkur fara um flest,
feigir erum við báðir«.

Skoða...

34.
Ríman

Hrómund var hjá Hagli græddur
heill og vel til reika.
Þegar vill Ólafur járni klæddur
afla vargi steika.

Skoða...

35.
Ríman

Fjölda manns að fylkir dregur
frægðar maður í hljóði,
seggja liggur í Svíþjóð vegur;
sverðin trúi ég þeir rjóði.

Skoða...

36.
Ríman

Óvart koma þeir eina nátt
öllum Haddings görpum,
lúðrar margir létu hátt,
lagið er vopnum snörpum.

Skoða...

37.
Ríman

Öðling vaknar ekki fyrr
úti frá ég hann liggja,
hús er brotið, en höggnar dyr
á hvílu ranni tiggja.

Skoða...

38.
Ríman

Hadding kóngur heitir á menn,
og hljóp í skyrtu síða,
»hver er sá með harki renn
hyggst um nætur að stríða?«.

Skoða...

39.
Ríman

»Hrómund Gripsson heitir sá,
hér er kominn í skemmu,
kappa gerir að köldum ná
og klýfur hjálm og emmu«.

Skoða...

40.
Ríman

»Furðu mun þér falla vel,
þó fyrðar hnígi mínir,
áður dó fyrir oss í hel
átta bræður þínir«.

Skoða...

41.
Ríman

»Minnstu á það milding fátt,
mér býr nóg í hjarta;
sú skal þín hin seinsta nátt,
ef sverðið dugir hið bjarta«.

Skoða...

42.
Ríman

»Buðlungs hvergi brynjan finnst,
burt er hattur þriðja,
ég skal þó meðan æfin vinst
engrar sáttar biðja«.

Skoða...

43.
Ríman

Þegn hljóp upp í þessu einn,
þegar til vopna fexti
sá var ræsis rekkju sveinn,
risi og tröll að vexti.

Skoða...

44.
Ríman

Gripsson höggur glaður til raums,
gall í stæltum fleini;
þá tók af honum enda saums
egg á Mistilteini.

Skoða...

45.
Ríman

Hadding verst með hrotta knár,
Hrómund að honum sótti,
öðling varð þó ekki sár;
undur flestum þótti.

Skoða...

46.
Ríman

Hvert það högg á hilmi datt
og Hrómund skyldi greiða,
sverðið kemur á sjóla flatt,
söng í gramnum breiða.

Skoða...

47.
Ríman

Kylfu neytti kappinn vel,
kastar Bæsings líka,
þar kemur loks hann lemur í hel
lofðung þann enn ríka.

Skoða...

48.
Ríman

Hrómund talar að» Haddings her
hefur nú fengið lægra;
sá hefur lofðung látist hér,
leit ég engan frægra.

Skoða...

49.
Ríman

Sjá bar fylkir fremd og þrótt
sem fornum kóngi stæði,
hefði ég aldrei sjóla sótt,
ef sínum gerðum næði«.

Skoða...

50.
Ríman

Hver var dauður á Haddings láð
hinn er bjóst til varnar;
þá var leiðum lóki náð;
listir hans eru farnar.

Skoða...

51.
Ríman

Bölvís karl er Blindur hét
bundinn var með snæri,
hengdur á gálga og heiðurinn lét,
hann gat þessu næri.

Skoða...

52.
Ríman

Bragnar tóku hinn brennda seim
og báru á mörgum hestum;
seggir fóru úr Svíþjóð heim
sigri prýddir mestum.

Skoða...

53.
Ríman

Fór með kóngi, fegri en drift,
foldin bjartra veiga;
Hrómundi var hringþöll gift,
er hún vill gjarna eiga.

Skoða...

54.
Ríman

Svanhvít festi síðan hann,
seggurinn allvel unni;
vífið elskar virta mann
vel sem dygðin kunni.

Skoða...

55.
Ríman

Hrómund Gripsson herrann lætur
hæstan mann í ríki;
ól við Svanhvít sonu og dætur,
sá var kónga líki.

Skoða...

56.
Ríman

Aldrei trú við tiggja brá,
tókust mægðir slíkar,
kappa þeim eru komnar frá
kónga ættir ríkar.

Skoða...

57.
Ríman

Kvæða biðja kurteis sprund,
ég kann þeim ekki neita;
glósað hef ég gaman um stund;
Griplur skulu það heita.

Skoða...

58.
Niðurlag

Þessar rímur þiggi nú,
þreyttur er ég af mæði,
þungi mikill og þrettán bú,
þar skal úti kvæði.

Skoða...

Griplur, 6. ríma