Karel

Brönu rímur — 7. ríma

— Rögnvaldur blindi

Lemmata | Textatengsl
umgjörð ríman

1.
Formáli

Sef ég því minnst um svarta nátt
sveimar hugurinn víða
en þó verði vísna fátt
víns um þöllu fríða.

Skoða...

2.
Formáli

Hun hefur þetta sjálf af sér
Sónar flóði hyggja
af því hún veitir aldrei mér
eina bón að þiggja.

Skoða...

3.
Formáli

En ef beiði ég blíðu hót
bauga lindi að magna
stökkur hún upp með bann og blót
og biður mig strax að þagna.

Skoða...

4.
Formáli

Fýkur í við með fors og dár
furðu langt úr máta
en ég lúðra undan fár
og er mér búið að gráta.

Skoða...

5.
Formáli

Fullvel má ég það finna og sjá
ef fala ég vífið teita
engi vill mér auðar Ná
ást með blíðu veita.

Skoða...

6.
Formáli

Þyrfti mér engi þykja svo fríð
þorna grund í ræðum
ég hirti að launa hatur og stríð
henni dýrum kvæðum.

Skoða...

7.
Formáli

Vant er að fengi vera um sig
víf með lyndi stríðu
hver sem fyrir það hæðir mig
þó hennar leiti ég blíðu.

Skoða...

8.
Formáli

Þó hefur mig þvingað síður enn
seint trúi ég þessu linni
þykjumst ég vera sem þrautar menn
þó er mér ekki í sinni.

Skoða...

9.
Formáli

En það hugsar auðar rein
yndis gjörn til hóta
ég muni hafa svo ást á þeim
einskis megi ég njóta.

Skoða...

10.
Formáli

Er þó dælska hún ætlar slíkt
ágæt menja þilja
að ég muni meir en líkför líkt
línþöll unna vilja.

Skoða...

11.
Formáli

Ei skal lengur óðurinn minn
auðar veittur Gerðum
heldur vil ég í sjöunda sinn
segja af Háldans ferðum.

Skoða...

12.
Ríman

Eitt sinn gekk með báða bræður
brjótur stáls og randa
upp á jökla yfrið skæður
eftir sínum vanda.

Skoða...

13.
Ríman

Dvelst svo úti drengjum þeim
daginn gekk til enda
þar næst hugðu að hafa sig heim
hreytir gullsins brennda.

Skoða...

14.
Ríman

Kom þar upp nokkur kynstra hlátur
köppum eigi fjærri
Háldan svaraði höldum kátur
hér er oss skemmtan nærri.

Skoða...

15.
Ríman

Vér skulum þangað víkja fljótt
vil ég á gleðina heyra
hafa oss síðan heim í nótt
hvert mun gamanið meira.

Skoða...

16.
Ríman

Báðir svöruðu bræður því
buðlung ráða skyldi
veik þá Háldan veg þann í
sem var sá hláturinn gildi.

Skoða...

17.
Ríman

Bræður og kóngurinn brigðu knár
björtu kænn með spjóti
ferlegar sáu þeir að flagðkonur þrjár
flösuðu þeim á móti.

Skoða...

18.
Ríman

Kyrtli rauðum klædd var ein
kletta þöllin fríða
sú gekk undan snjöll í grein
og setti hitti blíða.

Skoða...

19.
Ríman

Yfrið há var jökla snót
og til þykktar bæði
þó sá Háldan mannlegt mót
mikið á hennar æði.

Skoða...

20.
Ríman

Mektug bjarga mælti Hnoss
menn við rómu stranga
skipið er vel til yndis oss
ég skal kóngsson fanga.

Skoða...

21.
Ríman

Háldan þessa hýri mát
heitis frétta þorði
Brana kveðst heita brúðurin kát
og brosti að hverju orði.

Skoða...

22.
Ríman

Hér fara með mér hrundir tvær
hvorgi vís er náðar
Mana er nefnd og Molda þær
mínar systur báðar.

Skoða...

23.
Ríman

Háldan þessu hleypti fram
hart við bjarga þöllu
fái þær báðar fúla skamm
flögð eru þær með öllu.

Skoða...

24.
Ríman

Mana hljóp að Sigurði snart
og sviptast fast um foldu
en Sigmundur yfrið hart
hann átti leik við Moldu.

Skoða...

25.
Ríman

Grimmlega svipta görpum tveim
geysi flögðin stóru
en þeir vöfðust utan að þeim
og yfrið mjúkir voru.

Skoða...

26.
Ríman

Gerði hin þriðju glímu hér
get ég það ekki rýra
Brana og þessi brodda grér
sem bræðrum átti að stýra.

Skoða...

27.
Ríman

Sviptust bæði hún og hann
hart á velli fínum
þar til fljóðið frægðar mann
frétti að aldrei sínum.

Skoða...

28.
Ríman

Buðlung ansar blekkileg
byrgjan ofnis setra
ei skal leyna aldrei þig
ég er nú fjórtán vetra.

Skoða...

29.
Ríman

Mér þykir líklegt mælti þá
mun þinn aldur smærri
ef þú ert sem á má sjá
ekki kvensterkur nærri.

Skoða...

30.
Ríman

Það skal reyna þegar þú biður
þengils arfinn sagði
síðan dengdi Háldan niður
henni á mjaðmar bragði.

Skoða...

31.
Ríman

Lá hún þá undir laufa njót
lokið var mestu kífi
hann tók þegar um háls á snót
og hugði að svipta lífi.

Skoða...

32.
Ríman

Segðu mér nú með sönnu frá
seggurinn spurði hinn kyrri
hversu ég skylda haldinn þá
hefði ég dottið fyrri.

Skoða...

33.
Ríman

Brana réð ansa brodda rjóð
býsna mjúk í ræðu
hvorki manna hold né blóð
hef ég mér lagt til fæðu.

Skoða...

34.
Ríman

Vilda ég dauðan vella grér
vífið kom svo að orðum
hefði ég ekki hjálpað þér
í helli Sleggju forðum.

Skoða...

35.
Ríman

Buðlung réð ég hið besta sax
beint hjá yður að leggja
hvarf ég þaðan úr helli strax
að höfuðið missti Sleggja.

Skoða...

36.
Ríman

Þú hefur þessu lengi leynt
lofðungs arfinn sagði
og svo við mig orku reynt
og öðlast fall að bragði.

Skoða...

37.
Ríman

Nú vil ég bæta beint við þig
og bregða af öllu kífi
sannlega skaltu satt við mig
og síðan halda lífi.

Skoða...

38.
Ríman

Brana réð þá sem blíðast má
brjóti að þakka randa
hér næst lofaði harma grá
Hálldan upp að standa.

Skoða...

39.
Ríman

Snústu á grúfu sagði hann til
snjallrar bauga Línar
á meðan ég listug lauka Bil
leik við systur þínar.

Skoða...

40.
Ríman

Gullsins fagra geiman niður
grúfði í völl um tíma
Háldan kom þar höldum viður
er harka tröllin glíma.

Skoða...

41.
Ríman

Lyktaðist svo með lýðum tveim
og ljúfum menja skerði.
að buðlung fram af björgum þeim
báðum hrinda gerði.

Skoða...

42.
Ríman

Létu þar bæði lífin tröll
ljót af falli stóru
svo að í báðum sundur öll
sannlega beinin fóru.

Skoða...

43.
Ríman

En þá verk var úti það
eyðir stáls og ríta
buðlung veik að Brönu í stað
og bað hana upp að líta.

Skoða...

44.
Ríman

Upp leit Brana og ekki sá
illar frænkur sínar
hún spurði eftir Hálldan þá
hvar eru systur mínar?

Skoða...

45.
Ríman

Hvorgi fer kvað Háldan heim
hrundin lukkusnauða
bylta ég fram af björgum þeim
báðar fengu dauða.

Skoða...

46.
Ríman

Hvorki af þessu heiðurinn vex
Háldan þér né gengið
því árin fimm en önnur sex
irpan hafði fengið.

Skoða...

47.
Ríman

Segir þá enn sú saxið gaf
svo það heyrðu lýðir
hvort mun hljóta okkart af
öðru gott um síðir.

Skoða...

48.
Ríman

Fylkir spurði fljóðið mætt
fjalli af komnu breiðu
nú vil ég heyra hver er þín ætt
hún kvað það til reiðu.

Skoða...

49.
Ríman

Járnhaus nefna öldin má
jötunninn býr hér nærri
þríhöfðaður er þussinn sá
þenki ég enga stærri.

Skoða...

50.
Ríman

Flagðið er þetta faðir að mér
fólann þrengir elli
liggur í kerru lasinn er mjög
ljótur í sínum helli.

Skoða...

51.
Ríman

Einkabarn var móðir mín
mild af orma sáði
Vilhams kóngs að vísu fín
völsku stýrði hann láði.

Skoða...

52.
Ríman

Þá gat þursinn seitt fyrir sig
svinna bauga Eiri
átti hún við honum önnur en mig
engi börnin fleiri.

Skoða...

53.
Ríman

Þola mátti ekki þorna grund
það hana jötunninn mæddi
sálaðist víf sængur fund
síðan hún mig fæddi.

Skoða...

54.
Ríman

Í mitt er ég líkust móður kyn
meir en flögðum neinum
þó er mín ekki lundin lin
ljúf í öllum greinum.

Skoða...

55.
Ríman

En þá reiðin að mér kemur
eru það lítil gæði
mitt í burtu manvit nemur
mikið er föður míns æði.

Skoða...

56.
Ríman

Nú skal deyða dólginn þann
dögling ef ég má ráða
fríðan beiði ég þess frægðar mann
og fylgjara þína báða.

Skoða...

57.
Ríman

Því er mér ekki um þursinn þar
þann ég föður minn sagða
á ég að þjóna jafnan þar
ein fyrir hundruð flagða.

Skoða...

58.
Ríman

En þau þiggja aldrei vel
af mér slíka mæði
því er ég fús að færa í hel
flögð og þursinn bæði.

Skoða...

59.
Ríman

Sjö daga eftir siklings niður
slíks þarf ekki dylja
öllum þeim skal eyðast friður
ef mér gengur að vilja.

Skoða...

60.
Ríman

Mér þykir þú ekki mjög vel stödd
mælti kempan blíða
þó má vera að þú sért glödd
þegar að stundir líða.

Skoða...

61.
Ríman

Skildi að sinni þar með þeim
þá gekk Brana að helli
en gramrinn fór og garpar heim
glaðir í hyggju velli.

Skoða...

62.
Ríman

Innti hann þessu ýtum frá
ei né þorna Gerðum
var nú kyrrt um vikuna þá
víst í Háldans ferðum.

Skoða...

63.
Ríman

En því næst sem innt er frá
eyðir snarpra sverða
báða með sér bræður þá
bað til jökla ferða.

Skoða...

64.
Ríman

Þessari játuðu báðir bæn
blítt sem Háldan vildi
síðan tóku vopnin væn
vaskir menn að hildi.

Skoða...

65.
Ríman

Kannaði kóngsson fótum þá
kænn við stálið slegna
fjallið það sem fyrst kom að
fundurinn þeirra og þegna.

Skoða...

66.
Ríman

Gengu að stórum helli heim
höldar gyrtir sverði
út kom Brana og ýtum þeim
allvel fagna gerði.

Skoða...

67.
Ríman

Milding lítur að mjög var heitt
mætri orðið kellu
auðþöll bar svo andlit sveitt
af því lækir féllu.

Skoða...

68.
Ríman

Mælti Brana að mörgu fín
ég má það gjörla sanna
heit eru betri Háldan þín
en handsöl flestra manna.

Skoða...

69.
Ríman

Lofaðir þú mér litlu um það
að láta flögðin hníga
en nú sé ég í annan stað
þú ert allvel búinn til víga.

Skoða...

70.
Ríman

Mörg hafa flögðin misst nú líf
mildings arfinn fíni
því ég hef þau ært kvað víf
öll á sterku víni.

Skoða...

71.
Ríman

Hvert hefur annað hrakt í dag
harka tröll hið ljóta
því hafa forsug fengið slag
flögð og dauðann skjóta.

Skoða...

72.
Ríman

Nú vil ég Háldan hafa það sax
sem hef ég þér léð til forna
mildings son tók mækinn strax
og meiði seldi þorna.

Skoða...

73.
Ríman

Kylfur öllum köppum fékk
kænn að safna gulli
hverjum best sem hæfði rekk
helst að vopna sulli.

Skoða...

74.
Ríman

Brana gekk inn í bergsins höll
en bragnar hvergi fóru
síðan ljósin slökkti öll
sem þar inni voru.

Skoða...

75.
Niðurlag

Kemur þá aftur að köppum svinn
kjóla sæmdin snjalla
og hölda leiddi í hellinn inn
hér skal ríman falla.

Skoða...

Brönu rímur, 7. ríma

næsta ríma >>