Karel

Haralds rímur Hringsbana — 2. ríma

— Óþekktur höfundur

Lemmata | Textatengsl
umgjörð ríman

1.
Formáli

Aðra verð ég upp að reisa óðar skeið,
flytur hún oss við fræða leið,
fallin er mér mælskan greið.

Skoða...

2.
Ríman

Borgar lýðurinn býr sig út með buðlung ríða,
kappar líta kóngsson fríða,
kætin vex og hin mesta blíða.

Skoða...

3.
Ríman

Organ leika afreks menn um alla borg,
horfinn var þeim harmur og sorg,
höldar þöktu stræti og torg.

Skoða...

4.
Ríman

Bifaðist jörð er bragnar heim að borgum ríða,
trumbur þjóta í turnum víða,
trúi ég þá aldrei skemmtan líða.

Skoða...

5.
Ríman

Herra kóngurinn heilsar nú son hilmis á,
veginum skulu að vísu ná,
virðing skulu þér alla fá.

Skoða...

6.
Ríman

Haraldur var með hilmi gladdur og heiðurinn þá,
sætur horfa segginn á,
segi ég þeim öllum aukast þrá.

Skoða...

7.
Ríman

Fjórir kóngar frægan mann með fylki leiða,
sætin öll eru sett til greiða,
silkið rautt um hallir breiða.

Skoða...

8.
Ríman

Fríðir taka nú fyrðar tal, firðir ekka,
virðar náðu vín að smekka,
vaskir menn í höllu drekka.

Skoða...

9.
Ríman

Dóttir kóngsins dygðug gekk með drósum sín,
köppum skenkir klára vín,
klædd er pelli motra Lín.

Skoða...

10.
Ríman

Dandreyðar var dúni prýdd sú dregla skorð,
kvendið stár fyrir kóngsins borð,
kvöddu gram með hæversk orð.

Skoða...

11.
Ríman

Haraldur þegar að hvíta náði hörgrund sjá,
lostinn var hann með langri þrá,
lék hans hugurinn jungfrú á.

Skoða...

12.
Ríman

Vífið heilsar vísis son og varpar and,
hitna náði hyggju land,
hættlegt fékk hún sorgar band.

Skoða...

13.
Ríman

Herjans bur með heiðri kvaddi hringa laut,
vaxi allt þitt veraldar skraut,
vil ég þér gáið með oss á braut.

Skoða...

14.
Ríman

Birta réð hann bónorð sitt við bragning nú,
vilji þér gifta göfga frú,
gef ég á móti linna brú.

Skoða...

15.
Ríman

Signý vert í svörunum fljót fyrir seggjum hér,
ræsir muntu ráða mér,
rétt geri ég ekki á móti þér.

Skoða...

16.
Ríman

Haraldur biður að höldar allir hlýði upp á,
faðir minn girnist fljóðið sjá,
frúinnar vill hann blíðu fá.

Skoða...

17.
Ríman

Heiður er mikill hilmir sagði hringa Gná,
skuli hún mætan milding fá,
munu þér eigi hverfa frá.

Skoða...

18.
Ríman

Dróttseti talaði dyggur í lund hinn dýri kóngur,
frúinni hæfir fylkir ungur,
furðu verður hinn vegurinn þungur.

Skoða...

19.
Ríman

Dögling giftir dýra frú með drengja ráð,
seggir gátu sigri náð,
sætu prýddi grettis láð.

Skoða...

20.
Ríman

Kóngsson flutti kæru á braut með kappa sveit,
angist þeim við hjartað hneit,
harðlega pínir yndis reit.

Skoða...

21.
Ríman

Gönuðu skeiður á glamma laut með geising þá,
drengir náðu Danmörk sjá,
drjúgt er undið segl við rá.

Skoða...

22.
Ríman

Rösklega létu rekkar geisa Ránar hund,
nýtir fengu á náttar stund
nadda brjótar danska grund.

Skoða...

23.
Ríman

Lýðir stigu af lægis hjörtum landið á,
brúðurin fékk svo beiska þrá,
bragning vill hún ekki sjá.

Skoða...

24.
Ríman

Svarta nátt er seggir náðu svefn að festa,
Viðris munu ei véljar bresta,
vekur upp ráð og illsku mesta.

Skoða...

25.
Ríman

Haraldur sefur í hávu tjaldi og hringa grund,
Lóður kemur á lýða fund,
og lýsti svik fyrir auðar lund.

Skoða...

26.
Ríman

Stillis arfi stattu upp og stá með mér,
reikna ætla ráðin þér,
reynast engi betri hér.

Skoða...

27.
Ríman

Haraldur spurði hávan segginn, „Hver ert þú?"
Svipall hefur með sanna trú
sóttan þig til fundar nú.

Skoða...

28.
Ríman

Ósköp ganga yfrið rík um öðlings land,
sett er frúin með sorgar kland
ef siklings fær hún ástar band.

Skoða...

29.
Ríman

Karl hefur byggð frá kóngsins höllu komist í braut,
dóttur á hann með dygð og skraut,
dögling fá þú orma laut.

Skoða...

30.
Ríman

Skipt um fljóð við skjöldung þann, skal ég því valda,
að engi viti það eyðir skjalda,
allir mega sínum munni valda.

Skoða...

31.
Ríman

Ég skal greina örva meið um Áka jóð,
Signý heitir sætan fróð,
sæmilegt er þetta fljóð.

Skoða...

32.
Ríman

Sækjum þessa seima Bil og sver ég við trú,
vel þú þér hina vænni frú
vilda ég heilt þér ráða nú.

Skoða...

33.
Ríman

Hverju játar Haralldur því sem halurinn bauð,
þengils son var þrengdur í nauð,
þjóðin fyrir það liggur dauð.

Skoða...

34.
Ríman

Rekkurinn skilur nú ræðu sín við randa Gaut,
Svipall á merkur sett á braut,
svikin hafa nú unnið þraut.

Skoða...

35.
Ríman

Veik að tjaldi vella Týr og vakti fljóð,
Sygný bættu seggnum móð,
sýnist mér það ætlan góð.

Skoða...

36.
Ríman

Ræsis son leit refla Ná með rjóða kinn,
að vísu gerða ég viljann þinn
ef værir þú eiginn kóngurinn minn.

Skoða...

37.
Ríman

Vísis arfi vífið tók og vil ég það tjá,
skundaði burt með skikkju Ná,
skjótlega byggðir Áka sá.

Skoða...

38.
Ríman

Dyranna kvaddi Draupnis lundur og dvaldi ei það,
gekk til hurðar garpur í stað,
gestnum fréttir Áki að.

Skoða...

39.
Ríman

Karlinn máttu kenna úti kóngsins nið,
þýðri taktu þorngrund við,
þannig veittu okkur lið.

Skoða...

40.
Ríman

Kaupum við um klénar frúrnar kappinn hér,
gullhlaðs skorðu gef þú mér,
góðu skal ég það launa þér.

Skoða...

41.
Ríman

Vegsemd skal að vísu þiggja og veraldar skraut,
kátur hleypur karl í braut,
og kæna vakti hringa laut.

Skoða...

42.
Ríman

Stattu upp dygðug dóttir mín er drengurinn kvað,
virðing mun þér vaxa í stað,
vaskur þegn þín úti bað.

Skoða...

43.
Ríman

Seggurinn ber út svinna frú og setti niður,
skalf í fljóði leggur og liður,
lostinn var hún ótta viður.

Skoða...

44.
Ríman

Haraldur tók við hvítri mey og heilsar á sprund,
geri þér yður glatt í lund,
gifti ég kóngi menja hrund.

Skoða...

45.
Ríman

Mundi ég fagna milding þeim ef mætti ég njóta,
grunar mig hitt segir göfgust snóta,
að gott mun síst af svikunum hljóta.

Skoða...

46.
Ríman

Gekk þá Haraldur glaður í lund að grænum mar,
en sætu karl til sængur bar,
síðan þar hjá Áka var.

Skoða...

47.
Niðurlag

Haraldi þótti hjarta sínu hægast friður,
sætu leggur á silki niður
svo mun ég rímu skiljast viður.

Skoða...

Haralds rímur Hringsbana, 2. ríma

næsta ríma >>