Karel

Jarlmanns rímur — 9. ríma

— Óþekktur höfundur

Lemmata | Textatengsl
umgjörð ríman

1.
Formáli

Fræða smíð um falda Fríð
fremja skáldin árla og síð
gullhlaðs hlíð mun græða stríð
ef görpum unni snótin blíð.

Skoða...

2.
Formáli

Því skal þrátt á þennan hátt
þylja kvæðin daga sem nátt
gera oss kátt í Golnis þátt
og gleðja sprund á margan hátt.

Skoða...

3.
Formáli

Tungu list um tvinna Rist
tállaust hef ég allrar misst
í sinnu vist með sorgar tvist
sætu fæ ég eigi gist.

Skoða...

4.
Formáli

Hef ég því styggð um hjarta byggð
hringþöll missta ég þína dygð
týnda ég frygð en tók fyrir lygð
tállega fékk ég hatur og hryggð.

Skoða...

5.
Formáli

Sorgar band fyrir sætu hand
sést hefur mér um visku land
ég má ei grand af mærðar sand
miðla út yfir Fjölnis bland.

Skoða...

6.
Formáli

Dreggin stinn mun dýr um sinn
drukkin fyrir þig lindin svinn
vér köllsum hinn fyrir kónginn inn
er kurteis gekk með benja linn.

Skoða...

7.
Ríman

Austvestan er afreks mann
engi kom þar frægri en hann
á menntum kann um mildings rann
mætur gerir á flestu sann.

Skoða...

8.
Ríman

Vill hann allt fyrir vestan salt
vísir greina í óðar malt
hann stríddi ávallt með stinna hjalt
hann stýfði hjálm og járnið kalt.

Skoða...

9.
Ríman

Kærlega býður kóngurinn þýður
kurteis þeim er branda rýður
röskur lýður Rander knýður
riddarinn þar hjá kóngi bíður.

Skoða...

10.
Ríman

Velkomnir skulu vera með þér
vist og drykk hjá sjálfum mér
sitjið hér að sikling tér
seggjum býti ég nöðru sker.

Skoða...

11.
Ríman

Roðgeirs niður ræsir viður
ræða tók sem þá var siður
gerist nú friður sem gramsson biður
gladdist kóngurinn eigi að miður.

Skoða...

12.
Ríman

Ég vil sjá sem yður skal tjá
fyrir vorum mund og orma lá
fara þeir þá sem fljótast má
færa góssið skeiðum frá.

Skoða...

13.
Ríman

Best er þér að buðlung tér
til borðs að fá með sjálfum mér
garpa her skal geyma hér
góssið þitt og nöðru sker.

Skoða...

14.
Ríman

Þakkir vann hinn þrifni mann
þengil ríkum Austvestan
riddarinn kann sá ráðin fann
röskur að vinna kónginn þann.

Skoða...

15.
Ríman

Húsið eitt er hátt og breitt
höldum vil ég að það sé veitt
það fæ ég þér greitt með foldið teitt
hér finnst ei annað betra neitt.

Skoða...

16.
Ríman

Með fróman stein og fílabein
fáguð er þessi höllin hrein
hér finnst ei nein nú fegri ein
þó fyrðar leiti á marga grein.

Skoða...

17.
Ríman

Skipar hann þá sem skjótast má
skrýða höll með refla blá
kastalinn sá sem kappar fá
mun kurteislegur að líta á.

Skoða...

18.
Ríman

Bera þeir heim frá breiðum geim
branda og hjálm með kólgu eim
rauðan seim mun rekkum þeim
riddarinn býta höndum tveim.

Skoða...

19.
Ríman

Hús er mitt með heiðri skrýtt
hæversklega og tjölldum prýtt
fénu er ýtt og fullvel býtt
fólk er arfa Roðgeirs hlýtt.

Skoða...

20.
Ríman

Mengið teitt hefur mungát heitt
má eigi finnast betur neitt
það skal veitt af þegnum greitt
þengils fólk mun slægðum beitt.

Skoða...

21.
Ríman

Vella Týr til veislu býr
vitur er þessi maður og hýr
hetjan skýr að höllu snýr
höldum líst hann ekki rýr.

Skoða...

22.
Ríman

Borðbúnað í busta glað
bús skal þeirri veislu að
gert skal það sem garpurinn bað
gengur að finna kóng í stað.

Skoða...

23.
Ríman

Hetjum líkur er herrann ríkur
hæversklega að kóngi víkur
brýtur slíkur benja spíkur
bugnis klýfur þykkvar bríkur.

Skoða...

24.
Ríman

Herra úr Frans með hölda krans
hilmir bauð til þessa ranns
hirðir lands með hundrað manns
horskur drakk í kastala hans.

Skoða...

25.
Ríman

Horna flóð hjá hringa rjóð
hirðin drakk með Rínar glóð
veislan góð með virðing stóð
vísis lofar hann gjörvöll þjóð.

Skoða...

26.
Ríman

Um grímur þrjár frá ég garpurinn knár
fyrir gömlum kóngi frammi stár
Friggjar tár að fyrðum sár
og frænings býtir rauðri bár.

Skoða...

27.
Ríman

Kóngi gefur kynngi refur
kurteist horn það rómu hefur
linna vefur um lúðurinn tefur
þá lýðurinn ekki að hildi sefur.

Skoða...

28.
Ríman

Lúðurinn gall með list og spjall
um lofðungs fimmtán kónga hjall
margur karl í mildings hall
mætan lofaði hljóða stall.

Skoða...

29.
Ríman

Gullhring einn hinn göfugi sveinn
garpurinn þá við dyrnar einn
gjóma steinn er góður og hreinn
í gjöfunum er eigi Jarlmann seinn.

Skoða...

30.
Ríman

Skjöld og hjálm með skíran málm
skatnar þiggja Rínar sálm
bleikan álm með bast af hálm
beint varð ekki á gjöfunum tálm.

Skoða...

31.
Ríman

Fylkis sveit og ferðin teit
frægri engan riddarinn leit
halurinn veit um heimsins reit
hörðum stýrir brynju þveit.

Skoða...

32.
Ríman

Fyrir lýðum þá skal letrið tjá
með list og kurt sem greina má
löstur er á mér lofðung á
ljóst mun verða að inna frá.

Skoða...

33.
Ríman

Hetjan klók að herma tók
hölda sveit og gömlum hrók
listir jók sá lærði á bók
lýðum hyggur flærðar krók.

Skoða...

34.
Ríman

Kemst ég fljótt með kýminn þrótt
frá kappa sveit á hverri nótt
heyri ég skjótt hvað hölda drótt
hermir margt það fara skal hljótt.

Skoða...

35.
Ríman

Ég geng með dyl og gjörla skil
hvar garpar fremja ræðu spil
ég læt ei bil að leggja til
löngum gár nú slíkt í vil.

Skoða...

36.
Ríman

Til orða tekur og öðling klekur
afreks mann þann ráðin vekur
sikling frekur söguna rekur
Serklands gramur sá branda skekur.

Skoða...

37.
Ríman

Vinn þú eið með verkin greið
ef viltu ei svíkja landa seið
það ég beiði þorna meið
þá mun komast á betri leið.

Skoða...

38.
Ríman

Riddarinn mætur rís á fætur
á ráðum vinnur flestum bætur
hefur hann gætur um hugarins rætur
við hilmi eiða frammi lætur.

Skoða...

39.
Ríman

Rúdent fer með ríkan her
röskur er þessi kóngr af sér
að höllu ber sem hermt er mér
hölda sveit með benja lér.

Skoða...

40.
Ríman

Tala þeir margt um tign og skart
tók að líða af jólin snart
hofmanns part með heiðurs art
hilmir lét við engan spart.

Skoða...

41.
Ríman

Heimboð skal með heiðurs hjal
hóf svo kóngurinn þetta tal
hinn franska hal með fyrða val
fylki bauð í ríkan sal.

Skoða...

42.
Ríman

Vigra bör hefur veislu ger
vitur er þessi kóngur og ör
hetjan snör gaf hæversk svör
höldum gekk nú flest í kjör.

Skoða...

43.
Ríman

Austvestan í öðlings rann
ágætlega skemmta kann
herra þann að herinn ann
hæverskari lét engan mann.

Skoða...

44.
Ríman

Hann stár fyrir borð með stoltar orð
stýfir hjálm og Yggjar sporð
gjóma storð fyrir gullhlaðs skorð
garpurinn vann í fleina morð.

Skoða...

45.
Ríman

Hjá fylki drekkur hinn franski rekkur
fyrða gladdi skála bekkur
bragða sekkur er buðlung þekkur
búinn er kóngi flærðar hvekkur.

Skoða...

46.
Ríman

Leið á dag en listar plag
lýðum gengur flest í hag
soddan lag er sett í brag
sorgar fékk þar engi slag.

Skoða...

47.
Ríman

Hófið sett með heiðurs stétt
hagað er allvel hverjum rétt
það hef ég frétt að fólk var mett
frómum dúk eru borðin flett.

Skoða...

48.
Ríman

Bragnar gengu borðum frá
beint þegar kveldið líður á
rekkjur fá sem reikna má
riddara sveit er drukkin þá.

Skoða...

49.
Ríman

Frétta skal af frönskum hal
hjá fyrðum sefur í ríkum sal
hann gekk á hjal með greina val
þar garpar höfðu leyndar tal.

Skoða...

50.
Ríman

Ýta sveit... unda þveit
orða fóru þrír á leit
veislan teit með vænleg heit
verður á ...... jóla reit.

Skoða...

51.
Ríman

Þá mun betur þriðja vetur
að þengill ríkur veislu setur
fyrir segginn fletur er söguna hvetur
seinna mun það skýra letur.

Skoða...

52.
Ríman

Svaraði sá að segg var hjá
seggja bað hann þar gjörvallt frá
hvar skal þá hér þegna fá
að þengill plagar með horna lá.

Skoða...

53.
Ríman

Hvað skal það hinn þriðji kvað
þangað að víkja nokkuð að
riddarinn bað þá rétt í stað
rekka að hefta orða vað.

Skoða...

54.
Ríman

Lífsins grið mun liggja við
lofðung heldur þennan sið
ætla ég þið hafi engi bið
óttast megum vér Roðgeirs nið.

Skoða...

55.
Ríman

Vín og bjór um vísis kór
virða svæfði drykkjan stór
refla Þór til rekkju fór
riddarinn heyrir ei til vor.

Skoða...

56.
Ríman

Kuflungar með kynngi par
köppum hugsar galdra svar
þeir leyndust þar um land og mar
sem lýða sveit í borgum var.

Skoða...

57.
Ríman

Til kóng Hermanns komu í Frans
karskir þóttust innan lands
kæru hans með klókan dans
komu í burt með galdra krans.

Skoða...

58.
Ríman

Komin var hér sem kynnt er þér
kóngsins dóttir sýndist mér
væn af sér sú visku ber
veit ég gjörla hvar hún er.

Skoða...

59.
Ríman

Sikling sá sem sagt er frá
systur eina röskva að sjá
flagðið má í fjallið blá
fagra geymi hringa Ná.

Skoða...

60.
Ríman

Jungfrú skal í skyggðum sal
skemmta sér við hringa val
hún á þar tal við engan hal
ekki brestur þetta hjal.

Skoða...

61.
Niðurlag

Um rekka grönd og ráðin vönd
rásist út af minni hönd
mærðar bönd við bragða strönd
brotni Hárs við óðar lönd.

Skoða...

Jarlmanns rímur, 9. ríma

næsta ríma >>