Karel

Hrólfs rímur Gautrekssonar — 1. ríma

— Óþekktur höfundur

Lemmata | Textatengsl
umgjörð ríman

1.
Formáli

Þar hef ég lagt á ljóða fjörð
lægis fákinn gilda
Hrólfur situr að enskri jörð
arfi Gautreks milda.

Skoða...

2.
Ríman

Herra lands kom hitta hann
hreytir nöðru spanga
tiggi þá við traustan mann
talaði stund mjög langa.

Skoða...

3.
Ríman

Ekki fær til Írlands er
eyðir grænna skjalda
kóngurinn sit um kyrrt hjá mér
kann því margt að valda.

Skoða...

4.
Ríman

Hausti er nærri hjörva runnur
höfnum vant að leggja
Hrólfur er að kynngi kunnur
kóngurinn írskra seggja.

Skoða...

5.
Ríman

Hrólfur þiggur hilmis ráð
hafðu þökk að slíku
ég skal vitja á Íra láð
annað sumar að líku.

Skoða...

6.
Ríman

Ásmund bæði og öðling fann
elsku gjarn til greina
fylkir gengur og frægðar mann
fundu kerling eina.

Skoða...

7.
Ríman

Kerling heilsar kónginn á
kreppt í öllum beinum
lofðung ertu um lönd og sjá
leyfður í flestum greinum.

Skoða...

8.
Ríman

Ræsir þarf ég ráða þín
raunir hef ég fengið
mér er dögling dóttir mín
drjúgum verri en engi.

Skoða...

9.
Ríman

Hún var lengi hringa Fríð
hugul að mínu starfi
nú vill ekki víst um hríð
verða mér að hvarfi.

Skoða...

10.
Ríman

Láttu í burtu laufa Þund
lítil er það hætta
ginnir hann svo góðlegt sprund
gerir hún ekki vætta.

Skoða...

11.
Ríman

Ásmund til af æsku leggur
úlfum gjarn til bráðar
lasta ég ei þó hinn leyfði seggur
leiki ykkur einn veg báðar.

Skoða...

12.
Ríman

Hrólfur svaraði hringa grund
huggun veitti fljóða
fer ég að hitta fleina lund
fari það og að hljóða.

Skoða...

13.
Ríman

Sjóli veik af sinni höll
það var stundu síðar
heima voru að húsi öll
hjónin lauga Fríðar.

Skoða...

14.
Ríman

Öðling sest á annan bekk
og Ásmund honum hið næsta
leit á palli prúðan rekk
og pella lindi glæsta.

Skoða...

15.
Ríman

Öðling kvaddi auðar Frigg
odda leika fleygir
kerling sat þar kreppt í hrygg
og kjafta jafnan teygir.

Skoða...

16.
Ríman

Hilmir spyr að heiti þegn
hann kveðst Grímur að nafni
garpurinn vill með gildlegt megn
gleðja úlf á tafni.

Skoða...

17.
Ríman

Kerling hefur það kært fyrir mér
kappinn rakti minni
rifin kveðst ekki Rind fyrir þér
ráða dóttur sinni.

Skoða...

18.
Ríman

Fífla þú ekki fylkir tér
falda Bil svo snauða
þigg í móti þökk af mér
þroka oss ei til nauða.

Skoða...

19.
Ríman

Vísir legg minn vilja á mót
ég vil þá þessu heita
þó er minn hugur á þýðri snót
ég þarf því ekki að neita.

Skoða...

20.
Ríman

Buðlung skal nú biðja þess
kvað bauga viðurinn stóri
við byggjum fagurlegt báru ess
báðir saman að vori.

Skoða...

21.
Ríman

Þengill segir að það skal gert
þiggur slíkt með blíða
þegar vér ýtum þelju hjört
þá vertu búinn að stríða.

Skoða...

22.
Ríman

Mörgum vex ei mektin siður
mein þó nokkuð svelli
kerling talaði kónginn viður
kanntu að leyfa elli.

Skoða...

23.
Ríman

Fylkir ansar furðu blíður
fást ei til þess merki
en þó hitti ég hálfu síður
hátt á þessu verki.

Skoða...

24.
Ríman

Það hittist oft í húsi karls
hygg ég Ásmund greina
því er mín gáta geymir hjalls
geri ég þér lækning eina.

Skoða...

25.
Ríman

Þú skalt tausin teygja háls
og treysta á aðgjörð mína
þá mun lestir lægis báls
leyfa elli þína.

Skoða...

26.
Ríman

Horskur hjó þá hilmis þegn
höfuð af lindi tvinna
þengill ansar þegar í gegn
þetta er smán að vinna.

Skoða...

27.
Ríman

Stillir var þá stórum reiður
stríður í orðum sínum
minnkast ætlar mildingi heiður
mest af verkum þínum.

Skoða...

28.
Ríman

Gengu þeir til hallar heim
heldur af skömmu bragði
mengið fór á móti þeim
milding sat og þagði.

Skoða...

29.
Ríman

Aldrei sá ég í ýmu fyrr
öðling vera svo reiðan
þar sem magnast meiri styr
mér í orðum leiðan.

Skoða...

30.
Ríman

Ásmund sagði alla grein
á efni þeirrar styggðar
kóngi mætti kerling ein
við komum til hennar byggðar.

Skoða...

31.
Ríman

Lofðung beiddi laufa Bil
að leyfa elli stranga
öðling neitti en ég fór til
af hlaut höfuð að ganga.

Skoða...

32.
Ríman

Ekki skaltu öðling hót
Ásmund þessa kunna
var það ein hin versta snót
er vélti hjörva runna.

Skoða...

33.
Ríman

Ýtar báru lygð á loft
lands fyrir kónginn fræga
höldar vildu harla oft
Hrólf við Ella rægja.

Skoða...

34.
Ríman

Siklings son með sinni drótt
svaf í einni skemmu
milding kenndi um miðja nótt
máttkan eld og remmu.

Skoða...

35.
Ríman

Hrólfur bað þá hölda enn
hart til vopna þrífa
stóra gera þá stillis menn
stokka upp að rífa.

Skoða...

36.
Ríman

Hrólfur lét sem hefði fjör
hölda tólf að ráða
spillti hlíf en spennti hjör
spurði engan ráða.

Skoða...

37.
Ríman

Elli vaknar ekki að heldur
allt tók hér að brenna
sé ég nú ei hvað svefni veldur
síst við kónginn þennan.

Skoða...

38.
Ríman

Kónginn báru í klæðum út
kappar Hrólfs úr eldi
lýðum vakta langa sút
loginn á þessu kveldi.

Skoða...

39.
Ríman

Höldum frá ég heiftir galt
Hrólfur að geira sennu
Elli talaði einka snjallt
endið reyk og brennu.

Skoða...

40.
Ríman

Þeir skulu rétt er rægðu þig
rekkar lífi týna
gakk nú sjálfur í sætt við mig
sæmd skal ekki dvína.

Skoða...

41.
Ríman

Hrólfur segir að hvor skal drengur
halda lífi að líku
veri þeir ekki í landi lengur
sem liggja á bragði slíku.

Skoða...

42.
Ríman

Lengi ég eigi um ljóða gjörð
líður stund af vetri
friður hefur um fylkis jörð
fengist sjaldan betri.

Skoða...

43.
Ríman

Eina nótt að öðling réð
út af hvílu að ganga
ræsir gat þá ríða séð
rekk um braut svo langa.

Skoða...

44.
Ríman

Frárri hestur og frækinn drengur
fór af öllu megni
hilmir ei til hallar gengur
hann vill mæta þegni.

Skoða...

45.
Ríman

Þessi heilsar þengil á
Þórður lést hann heita
þung er nauð en það skal tjá
því fer ég yðar að leita.

Skoða...

46.
Ríman

Berserkur hefur mér boðið á hólm
biður hann systur minnar
löngum er hans lundin ólm
leita ég fylgdar þinnar.

Skoða...

47.
Ríman

Viljir þú leysa vandann minn
og verða mér að hvarfi
sannlega er það sóminn þinn
sæmdar maðurinn djarfi.

Skoða...

48.
Ríman

Yfrið þér mér erindið þitt
ansar maðurinn frægi
fer ég að vekja fylgi mitt
og fá mér vopn svo nægi.

Skoða...

49.
Ríman

Vísir sé ég til vænna ráð
vel megi þér því hlíta
tak minn hjálm og Högna voð
hrotta og skjöldinn hvíta.

Skoða...

50.
Ríman

Kóngurinn vann með kappi flest
klæðist þar við stræti
þegar hljóp upp á þrifinn hest
en Þórður rann á fæti.

Skoða...

51.
Ríman

Þegnar hitta Þórðar byggð
og þorna Bil svo rjóða
dögling réð sú drós með hryggð
dýrlegt slæti að bjóða.

Skoða...

52.
Ríman

Kappinn var þá kominn á mót
kvaddi Þórð af reiði
gakk á hólm eða gift mér snót
og ger þá hvað ég beiði.

Skoða...

53.
Ríman

Fenginn er sá sem frelsar mig
fleygir Rínar glóða
vertu fljótur og vopna þig
við skulum fleina rjóða.

Skoða...

54.
Ríman

Frétt hef ég hitt að fylkir var
frægur á löndum víða
milding ætla ég það miklu nær
munum við Hrólfur stríða.

Skoða...

55.
Ríman

Fyrða sá sem frægð er vís
fylkis viður að höggva
þá mun hilmir hrævar ís
í heitu blóði döggva.

Skoða...

56.
Ríman

Höggið reið hans hálsi að
hans nam sundur að springa
búkinn klauf að beltis stað
bæði skjöld og hringa.

Skoða...

57.
Ríman

Tiggi lofast af trausti sín
trúr var Þórður skaptur
giftu ei seggurinn systur þín
svinnur áður ég kem aftur.

Skoða...

58.
Ríman

Það skal víst í valdi þín
veitir benja linna
sæmd og auður og systir mín
slíkt er ég má þér vinna.

Skoða...

59.
Ríman

Hilmir kom til hallar fróður
hann hefur síðla vaknað
kurr var ekki í köppum góður
kóngsins var þá saknað.

Skoða...

60.
Ríman

Hilmir sagði virðum vís
von á harkis dauða
horskum gafst með heiður og prís
Hrólfi gullið rauða.

Skoða...

61.
Ríman

Málum skipaði málma Freyr
mætur um landið víða
heftist rán og randa þeyr
réð svo vintur að líða.

Skoða...

62.
Ríman

Hirti garpur Grímnis auð
glaður og allan reiða
gestir héldu garpar braut
Grímur er kominn til skeiða.

Skoða...

63.
Ríman

Fimmtíu lætur fylkir þá
flæðar björnu búna
ella segir að eyðast má
þeir undu segl við húna.

Skoða...

64.
Ríman

Gnauðar flóð um grund og sker
get ég að aukist vandi
Hrólfur kom með höldnum her
hart að Íra landi.

Skoða...

65.
Niðurlag

Skjótlega tóku skatnar höfn
skammt frá kóngsins höllu
þar skal fylkis fræða dröfn
falla niður með öllu.

Skoða...

Hrólfs rímur Gautrekssonar, 1. ríma

næsta ríma >>