Karel

Þóris rímur háleggs — 6. ríma

— Óþekktur höfundur

Lemmata | Textatengsl
umgjörð ríman

1.
Formáli

Að hófi prófi hirðin fróð
horna nornum lítinn óð
vandi standi efnin ein
ýtri hvítri lauka rein.

Skoða...

2.
Ríman

Það skal finna fræða spil
flagðið lagði glímu til
við afreks mann sem innt var fyrr
aukast tekur hinn mesti hyr.

Skoða...

3.
Ríman

Berserks kroppurinn ber var allur
blár og digur sem hauka stallur
Þórir hrekur með þungleg mein
þverlega hyggst að brjóta bein.

Skoða...

4.
Ríman

Grimmlega lengi glíman stóð
geira frá ég nú mæðast rjóð
heldur mjög í handa göll
hrygginn spennti gríma tröll.

Skoða...

5.
Ríman

Aldrei hefur sá eggjar rauð
áður komið í soddan nauð
flagðið hamaðist að fríðum rekk
flestallt burt úr staðnum gekk.

Skoða...

6.
Ríman

Hvergi stóð svo hafði snjallt
hrakti flagðið Þórir um allt
einatt trylldist ýrnir meir
ógnar digur sem væri tveir.

Skoða...

7.
Ríman

Nú heitir Þórir á helgan Krist
að hjálpa sér með sælu vist
og láta Sóta líða nauð
ljótan bíð ég ellegar dauð.

Skoða...

8.
Ríman

Þá tók Skrímnir skjálfta þann
skrikaði víða um gólfið hann
fellur vítt um foldar bein
flaugir varð ei Þórir seinn.

Skoða...

9.
Ríman

Reiddi Þórir randa naður
rekkurinn höggur af kappi glaður
á Sóta háls en sverðið vann
sundur í miðju að bíta hann.

Skoða...

10.
Ríman

Stoltar maðurinn stóð á fætur
stóran frá ég nú glossa lætur
gleypa tröllin geysi ótt
garpurinn svaf þar alla nótt.

Skoða...

11.
Ríman

Að morgni snemma býðst á braut
bætt er Rán er eytt er þraut
heim í naust sem hægast fékk
hirðin móti Þórir gekk.

Skoða...

12.
Ríman

Sárin gróa í samri stund
sverða frá ég hinn ríka lund
heldur sig með heiður og dáð
höllum veitti Fróða sáð.

Skoða...

13.
Ríman

Þetta sumar kom þangað frétt
þeygi batnar einum rétt
sonur Tryggva var sviptur láð
en Sveinn og Eirek tóku ráð.

Skoða...

14.
Ríman

Þórir varð við þetta fár
það kveðst hyggja garpurinn knár
aldrei kæmi á jöfra mund
annar slíkur á Noregs grund.

Skoða...

15.
Ríman

Þegar að jarlar höfðu háð
hildi og tóku Noregs ráð
alla lagði undir sig
ellegar frömdu stála klið.

Skoða...

16.
Ríman

Sendi Þórir soddan boð
ef sverða vildi ei efla róð
skildi ganga á skatna hönd
skyldur að verja líf og lönd.

Skoða...

17.
Ríman

Þó að ég hreppi heljar þrá
Hálegg svaraði reiður þá
aldrei skal ég þeim unna góðs
sem Ólafi stóðu fast til móts.

Skoða...

18.
Ríman

Þá var Eirek ybbur og reiður
odda svaraði þannig meiður
Þórir skal missa lund og líf
lýðir magni stála hríð.

Skoða...

19.
Ríman

Fyrðar klæðast Fróða sveip
fríða skildi hirðin greip
hundruð sex með hrausta menn
hlýrar búa til rómu í senn.

Skoða...

20.
Ríman

Þegar að búinn er þengill ríkur
þjóðin svinn af höfnum víkur
flaustrin kenna ferðar brátt
fríðar vinda seglin hátt.

Skoða...

21.
Ríman

Erling nefni ég afreks mann
áður gerði boðskap þann
bauga lundur um bræðra art
brögnum kom því ekki óvart.

Skoða...

22.
Ríman

Á þeirri stund kom Ögmund aftur
aldrei bilaði geira raftur
hvar sem átti hrotta göll
hræddist ekki menn né tröll.

Skoða...

23.
Ríman

Feðgar búa til frækna drótt
fá þeir marga garpa skjótt
Finnsleifs huldi fyrða brjóst
fræknir báru stálið ljóst.

Skoða...

24.
Ríman

Hundruð tvö með hrausta menn
höfðu feðgar báðir senn
þá var komin í Þundar göll
þjóðin fram á víðan völl.

Skoða...

25.
Ríman

Eireks menn með ærinn styr
allir komu sem greint var fyrr
fram að efla fleina þrá
felmtrar mörgum blauðum hjá.

Skoða...

26.
Ríman

Lýðurinn býðst í laufa skar
linnti ekki stríði þar
hastleg orð með hörðum móð
hver gaf öðrum geira rjóð.

Skoða...

27.
Ríman

Lúðurinn gall en landið skelfur
langur er niður sem dynji elfur
eldurinn flaug þá saman kom sverð
sveitin berst af kappi herð.

Skoða...

28.
Ríman

Spjótin flugu og spilltu hlíf
sparði engi annars líf
hver var lystur að höggva mest
hreysti maður og dugði sem best.

Skoða...

29.
Niðurlag

Fylking Þóris fram gekk hart
fólkið hnígur að velli margt
sveitum hverfur Suptungs vín
sætan gæti að rímu mín.

Skoða...

Þóris rímur háleggs, 6. ríma

næsta ríma >>