Karel

Bærings rímur eldri — 11. ríma

— Óþekktur höfundur

Lemmata | Textatengsl
umgjörð ríman

1.
Formáli

Reysta hljóð um reisug fljóð
ríma meistarar prúðir
það er mér angur en ekki strangur
að yrkja um vænar brúðir.

Skoða...

2.
Formáli

Fræða spil það fegurst er til
færi ég vífi ríku
harm og pín fyrir hringa Lín
hef ég á móti slíku.

Skoða...

4.
Formáli

Mér er þá er ég minnist á
menja lindi bjarta
rétt sem eldur raunum felldur
renni um brjóst og hjarta.

Skoða...

5.
Formáli

Lát er þeim að loða við heim
leiður er menja þöllu
sá hefur betur er sorgin getur
svikið til dauðs með öllu.

Skoða...

6.
Formáli

Fræða slag en fimmta brag
færi ég menja skorðum
Bæring sté fyrir keisarans kné
og kveður hann sæmdar orðum.

Skoða...

7.
Ríman

Hann frétti þann hinn fræga mann
fyrst að ætt og veldi
ertu sá með brandinn blá
er Samuel greifa felldi.

Skoða...

8.
Ríman

Bauð hann mér að berjast hér
Bæring ansar tiggja
sára pín af sverði mín
Samuel hlaut að þiggja.

Skoða...

9.
Ríman

Þengils snilld ef það er þín villd
þér viljið greifans hefna
vel til mann og vopna hann
við skulum stríðið efna.

Skoða...

10.
Ríman

Kurteis maður kátur og glaður
keisarinn talar með blíða
yður skal hér fyrir augum mér
engi þora að stríða.

Skoða...

11.
Ríman

Undrast þann hinn ítra mann
ágætt keisarans mengi
sveitin snjöll í siklings höll
sér á Bæring lengi.

Skoða...

12.
Ríman

Geti þér til hvað gullhlaðs Bil
genlig mundi svíða
hvítust þá hún horfði á
herra Bæring fríða.

Skoða...

13.
Ríman

Ástin heit á jungfrú beit
allt nam mál af fljóði
sat hún því bleik af sorgar leik
sást ei liturinn rjóði.

Skoða...

14.
Ríman

Leikur fast um lífsins past
logandi elsku stingi
blóð og hold á bauga fold
búið er rétt að springi.

Skoða...

15.
Ríman

Hverfum frá þar hringa Ná
harmar Bærings prýði
greinum hitt að hvergi er fritt
her er kominn á lýði.

Skoða...

16.
Ríman

Bræður tveir með bjartan geir
brögnum keisarans spilla
Geirrað traustur Hermann hraustur
Heinreks synir hins illa.

Skoða...

17.
Ríman

Þeir hafa brennt frá borg í Trent
bæði þorp og garða
allt til móts við býinn í Bóz
og bjóða kosti harða.

Skoða...

18.
Ríman

Keisarinn skal með kappa val
kljúfa skjöldu stinna
norður í land með naktan brand
niflungs sonu að finna.

Skoða...

19.
Ríman

Hver sá maður með hrottann glaður
hvössu sverði beitti
klofin er rít af kappa hvít
keisarinn sjálfur veitti.

Skoða...

20.
Ríman

Keisarinn þá þegar kveldar á
kemur til sinna búða
rítin gellur en reiðin svellur
riddara þess hins prúða.

Skoða...

21.
Ríman

Bæring hyggur blíður og dyggur
baugum koma að gjaldi
ríður um kveld með Rögnis eld
rétt hjá þeirra tjaldi.

Skoða...

22.
Ríman

Hlýrar tveir ef hér eru þeir
hafið ei lengur náðir
upp á hest með engan frest
og eigið við mig báðir.

Skoða...

23.
Ríman

Bræður tveir með bjartan geir
brátt í söðla springa
þeir hyggja þann hinn hrausta mann
háðuglega ofan að stinga.

Skoða...

24.
Ríman

Báðir senn til Bærings enn
barmar spjótum leggja
skýfði í sundur skjalda lundur
sköftin þeirra beggja.

Skoða...

25.
Ríman

Brandinn þá sem bráðast má
báðum höndum reiddi
ógnar slag með æri plag
ofan í hjálminn greiddi.

Skoða...

26.
Ríman

Hausinn klauf en hjálminn rauf
hringan varð að rifna
hljóp þar niður um Hermann siður
hann mun aldrei lifna.

Skoða...

27.
Ríman

Versnar kurr en víkings bur
veltist þar frá löndum
tignar maður traustur og glaður
tekur þá Geirarð höndum.

Skoða...

28.
Ríman

Geirarð batt og gerir það statt
garpurinn lýði særði
heim á leið sem harðast reið
og herra keisara færði.

Skoða...

29.
Ríman

Þennan sigur með þinni vigur
þengill talar og brosti
vannstu hér og ver hjá mér
og vel þér sjálfur kosti.

Skoða...

30.
Ríman

Bæring fregn hinn bundna þegn
brátt mun kunna að skýra
hvað er nú títt um fólkið frítt
falsarinn hefur skýra.

Skoða...

31.
Ríman

Heldur rétt sem hafi þér frétt
Hollseta landið ríka
víslega þar fyrir vestan mar
hann veit sinn engan líka.

Skoða...

32.
Ríman

Hvern dag vinnur herra svinnur
Heinriks mönnum sorgir
hér við Rín að hugsan mín
heldur hann flestar borgir.

Skoða...

33.
Ríman

Heinreks pín af höldum mín
hefndin verður að meiri
inntu rétt sem ég hef frétt
eru þið bræður fleiri.

Skoða...

34.
Ríman

Faðir minn á sem fæ ég að tjá
fróðlega sagt með greinum
leiðan son með ljótri kvon
og liggur í fossi einum.

Skoða...

35.
Ríman

Skjótur og ern að skýfa hvern
Skáði valdur að heiti
verra blóð á veraldar slóð
varla finnst þó leiti.

Skoða...

36.
Ríman

Galdra mennt hefur gýgurin kennt
grimmum sínum arfa
hann er trylldur og fólsku fylldur
fús er illt að starfa.

Skoða...

37.
Ríman

Vestur um lönd hefur víkings hönd
vunnið flest með galdra
kann hann fátt í kristnum hátt
kirkju sér hann aldrei.

Skoða...

38.
Ríman

Látinn var sá er læring brá
laus úr keisarans höllu
heim um stund á Heinreks fund
hraðar hann sér með öllu.

Skoða...

39.
Ríman

Kempan teit með keisara sveit
kærlega frá ég að dvaldist
fyrir hans lit og listugt vit
Lueiana kvaldist.

Skoða...

40.
Ríman

Harm og þrá bar hringa Ná
hvít af Bærings dáðum
auðar eik með yndis leik
aldrei svaf hún í náðum.

Skoða...

41.
Ríman

Mætan dag með mektar plag
af meyjum horfinn svanni
var hún ein með visku grein
og veik að Bærings ranni.

Skoða...

42.
Niðurlag

Refla eik að ranni veik
riddarann sér hinn fríða
sátu þau í salnum tvö
svo skal ríman líða.

Skoða...

Bærings rímur eldri, 11. ríma