Karel

Bærings rímur eldri — 10. ríma

— Óþekktur höfundur

Lemmata | Textatengsl
umgjörð ríman

1.
Formáli

Helstar tel ég þær harma bætur
hugsa ég um þegar lengjast nætur
hversu að miðjungs mjöðurinn sætur
marga vega í kvæðum lætur.

Skoða...

2.
Formáli

Gekk ég út á örlögs fund
angur var mér gefið í mund
hatar mig síðan heimur og sprund
hef ég því enga blíðu stund.

Skoða...

3.
Formáli

Sitja um það síð og ár
silki prýddar menja Gnár
hversu mætti sorgin sár
senda mínu... fár.

Skoða...

4.
Formáli

Launar mér illa lauka Bil
þó löngum nóttum vaki ég til
þó að ég færi fátæk spil
fljóðin engi gera mér skil.

Skoða...

5.
Ríman

Blámann einn með bræðrum tveim
Bæring felldi í þránda seim
frægðar verk af fylki þeim
fregnast víða norður í heim.

Skoða...

6.
Ríman

Buðlung spyr til berska lands
Bæring upp og móðir hans
rausnar... hins ríka manns
ritið var allt til kóngs í Frans.

Skoða...

7.
Ríman

Róbert jarlsson röskur í lund
riddara býr í samri stund
þessi ætlar suður um sund
að sækja þegar á Bærings fund.

Skoða...

8.
Ríman

Fylkis dóttir ferðina hvetur
fagra mynd í bréfið setur
Vilfríður gerir hið vænsta letur
vera mun sú sem ráðið getur.

Skoða...

9.
Ríman

Kóngsins bréf þau komu að Frans
kunnu að greina út til sanns
ætt og nafn hins unga manns
eykst að nýju virðing hans.

Skoða...

10.
Ríman

Þegar að kennir keisarinn þýður
kappa þann sem skjöldu rýður
gull og ríki Bæring býður
bað þess allur hilmis lýður.

Skoða...

11.
Ríman

Svinn og fræg er systir mín
sú skal verða drottning þín
festa máttu falda Lín
firrast mun þá angur og pín.

Skoða...

12.
Ríman

Bæring mætir beint með skil
boðið er nú það ég þiggja vil
ég veit þá enga vella Bil
jafnvel hefur mér líkað til.

Skoða...

13.
Ríman

Þessi hin skæra skarlats grund
sköpuð er eftir minni lund
skal ég því aldrei annað sprund
elska meir í hyggju grund.

Skoða...

14.
Ríman

Jungfrú talaði innileg
engum býð ég manni mig
svo hefur hamingjan heiðrað þig
hver mun kjósa slíkt fyrir sig.

Skoða...

15.
Ríman

Kurteis herra og kvintust frú
kærlega tókust höndum nú
heiðurs maður og hringa brú
hvort gaf öðru sína trú.

Skoða...

16.
Ríman

Sveina tvo gaf siklings mær
sæmdar garpi er henni var kær
Ósus hét og Visius nær
vildari drengi aldrei fær.

Skoða...

17.
Ríman

Roðbert fylgir ríkum hal
riddara hafa þeir nóglegt val
áttu bæði tafl og tal
tignar menn í frúinnar sal.

Skoða...

18.
Ríman

Inna verður ítri þjóð
eitthvert sinn að burðugt fljóð
fann það bréf í Bærings slóð
er brúðurin sendi hringa rjóð.

Skoða...

19.
Ríman

Vilfríð talaði voldugleg
vænum herra heilsa ég
fá þú mín með fullan veg
frúin kveðst þessa varla treg.

Skoða...

20.
Ríman

Herra keisarans holdið frítt
hafnaði ég fyrir yndið þítt
æ sem yðvart andlit blítt
angri jafnan lyndið mítt.

Skoða...

21.
Ríman

Ei gat mitt hið veika vit
vaktað sig fyrir þínum lit
jafnan heill í sælu sit
svo var endað frúinnar rit.

Skoða...

22.
Ríman

Brúðurin allt af bréfi les
Bæring segir hún skjótt til þess
...kænn við...
og kominn nú heldur í vandan sess.

Skoða...

23.
Ríman

Vil ég ei sinna vífum tveim
mig vantar hvorki makt né seim
þér skal ég unna af öllum þeim
aldrei fer ég svo vítt um heim.

Skoða...

24.
Ríman

Vestur um æginn vilda ég gá
hinn vaski riddari mætti þá
föðurleifð væri ég fús að sjá
er... níðingur situr upp á.

Skoða...

25.
Ríman

Eftir það sem þau hafa rætt
þegninn fær sitt orlof mætt
flestum þótti ferðin hætt
fékk hann ekki þessa gætt.

Skoða...

26.
Ríman

Minnstar tel ég það blíðu bætur
Bæring skilst og svanninn mætur
eina skeið frá landi lætur
lofðungs systir jafnan grætur.

Skoða...

27.
Ríman

Á tíunda dag kom tignar traustur
tiggja sonur í Fenedi austur
lögðu þeir á lægi flaustur
landi náði kappi hraustur.

Skoða...

28.
Ríman

Enga stund við æginn beið
upp á land sem skjótast reið
aftur sendi hann skatna og skeið
skildust þar við bauga meið.

Skoða...

29.
Ríman

Næsta víkur nokkuð hraður
norður í Valland frægðar maður
Bæring kemur til borgar glaður
Balunia hét þessi staður.

Skoða...

30.
Ríman

Fjórir menn af fyrða tög
fundu ríkan Valtara mög
þessir birta borgar lög
og bjóða honum að prófa slög.

Skoða...

31.
Ríman

Birtir hin er boðskap nemur
borgar herrann skjöldu lemur
hversu maður er hingað kemur
högg og slög við greifann fremur.

Skoða...

32.
Ríman

Hvössum mæki að Bæring brá
búkinn sneið hann bolnum frá
lífi rænti hann riddara þrjá
rann hinn fjórði þegar hann má.

Skoða...

33.
Ríman

Samuel greifa síðan fann
og sagði skjótt um atburð þann
hingað reið einn röskur mann
riddara þína fella vann.

Skoða...

34.
Ríman

Grimmdin bítur greifann á
greip sinn skjöld og hjálminn blá
Bæring sat yfir borðum þá
bauð honum til stríðs að gá.

Skoða...

35.
Ríman

Þegar að mettur er málma Týr
mættust þeir og greifinn dýr
Ósus skundar sá essið býr
argur er sá sem nokkuð flýr.

Skoða...

36.
Ríman

Samuel varð í sóknum stríður
svanni... múgurinn fríður
upp í turnar borgar biður
Bæring hart á móti ríður.

Skoða...

37.
Ríman

Rekur hann á honum randa linn
ristin varð að klofna stinn
spanga brynja sprakk um sinn
spjótið hljóp í búkinn inn.

Skoða...

38.
Ríman

Mátti hvorki makt né auður
meina honum krjúpa hauður
svanninn grét af sútum rauður
Samuel greifi steyptist dauður.

Skoða...

39.
Ríman

Sú var áður setning lands
ef seggir gengu tveir í krans
hvor sem ynni afreks manns
engi skyldi hefna hans.

Skoða...

40.
Ríman

Reið í borg með ríka lund
riddarinn eftir þeirra fund
annan dag var grafinn í grund
greifans lík en hryggt var sprund.

Skoða...

41.
Ríman

Sorgar full var seima Gná
sungið var yfir köldum ná
brúðurin upp Bæring sá
bónda skaði var horfinn þá.

Skoða...

42.
Ríman

Veik að honum sem viskan lér
veglegt sprund og þannig tér
fá þú vald á flestu hér
fegin vilda ég sofa hjá þér.

Skoða...

43.
Ríman

Hæversklegur er herrans siður
hafnar því sem svanninn biður
rammlega píndist ristill viður
reif hún af sér klæðin niður.

Skoða...

44.
Ríman

Herrann tók að hugsa um það
hversu hann mætti gera þar að
fríðleik sinn að fella í stað
svo frúnum kyndi ei sorgar bað.

Skoða...

45.
Ríman

Engill guðs kom eina nátt
ungum manni að... brátt
......
fríðleik þinn á engan hátt.

Skoða...

46.
Ríman

Riddarinn ertu röskur í hug
reyndur að öllum karlmanns dug
engan láttu freistis flug
fríðleik þínum aka á bug.

Skoða...

47.
Ríman

Vindemia er víf svo snjallt
vill hún yður til æru allt
sú er nú ein fyrir sunnan salt
seima skorð þú unna skalt.

Skoða...

48.
Ríman

Keisara dóttir kemur af Róm
kvelst hún fyrir þitt væna blóm
æra þín er ung og fróm
einhvern fær þú harðan dóm.

Skoða...

49.
Ríman

Engil ...... að ásján tvist
ungi herra lofaði trist
því fyrir hverri hringa Rist
hann hélt slíkri fegurð og sist.

Skoða...

50.
Ríman

Balunia er borg svo fríð
Bæring dvelst þar langa hríð
kemur þar maður að kveldi síð
keisarinn sjálfur á þeirri tíð.

Skoða...

51.
Ríman

Keisarans drótt er kappi herð
kom í staðinn með skjöld og sverð
þar er í dýrri döglings ferð
dóttir kóngs er mest er verð.

Skoða...

52.
Ríman

Sagði kóngi silki Lín
Samuel veitti dauðans pín
buðlungs drakk yfir borðum vín
Bæring lét hann koma til sín.

Skoða...

53.
Niðurlag

Hæversklega fyrir herrann sté
hertoginn dró sig hvergi í hlé
kvaddi gram með hneigðu hné
hróðurinn bið ég að úti sé.

Skoða...

Bærings rímur eldri, 10. ríma