Karel

Bærings rímur eldri — 7. ríma

— Óþekktur höfundur

Lemmata | Textatengsl
umgjörð ríman

1.
Formáli

Þar eru skáldin skyldug til
að skjala um dökkva grímu
flytja nokkuð fræða spil
framan til hverrar rímu.

Skoða...

2.
Formáli

Mærðar smiðurinn mansöng fremur
meyjan gleðst hin káta
einn skal kveða en annar nemur
allir þannig láta.

Skoða...

3.
Formáli

Það hefur svo margan hofmann hent
að heiðra víf hin ríku
girnast upp á manndóms mennt
mest er gaman að slíku.

Skoða...

4.
Formáli

Get ég það hvorki talið né tínt
af tignum fyrri manna
hversu að bragna brjóstið fínt
brann fyrir ungan svanna.

Skoða...

5.
Formáli

Ég vil glósa einhvern part
út í prologus þennan
hversu að konurnar kunnu snart
fyrir karlmanns ást að brenna.

Skoða...

6.
Formáli

Einn veg hefur þeim orðið mest
áður í fyrra lífi
kónga synir er kunnu flest
og kenndu dygð af vífi.

Skoða...

7.
Formáli

Drafl er mest að drepa það út
fyrir drengjum visku tómum
þó að mann verði að vakta sút
af veraldar kvinnum frómum.

Skoða...

8.
Formáli

Þar sem upp frá Ádáms tíð
allir hreysti garpar
lögðu ást við fljóðin fríð
og fengu sorgir snarpar.

Skoða...

9.
Formáli

Katrín drottning kunni flest
í kvenmanns dygðum veikum
þá er sveik hann Mírmannt mest
í margs kyns blíðu leikum.

Skoða...

10.
Formáli

Sába drottning sótti heim
Salamon kóng hinn vitra
því að hún fékk af fylki þeim
fasta sorg og bitra.

Skoða...

11.
Formáli

Brynhildur náði burðugt víf
bana af Sigurði hljóta
milding varð að missa líf
hún mátti hans ekki njóta.

Skoða...

12.
Formáli

Það var sút að Signý fékk
sá hún á Hábarðs dauða
brúðurin út á bálið gekk
og brann í loganum rauða.

Skoða...

13.
Formáli

Armt var þetta elsku tal
inn um brjóstið vendi
gekk hún út á glóanda bál
og grimmar sorgir hendi.

Skoða...

14.
Formáli

Kveð ég ei lengur um kvinnur þær
er kenndu sorgar stinga
mörgum gekk svo nauðin nær
og náðu af harmi springa.

Skoða...

15.
Formáli

Ljúfar meyjar lifi nú vel
og leiki sér við mengi
sá mun bíða af sútum hel
er sinna fljóðin engi.

Skoða...

16.
Formáli

Kærlega bið ég að kurteis sprund
kasti öllum þunga
meðan ég reisi Rögnis fund
um riddara Bæring unga.

Skoða...

17.
Ríman

Bragurinn hefst þar Bæring var
blíður hjá Férent jarli
fyrðar nefna í Flandur þar
er fylkir stýrði hjalli.

Skoða...

18.
Ríman

Látið hefur hann lið sitt allt
en leynir réttu nafni
hilmir sér og herlið snjallt
að hans er engi jafni.

Skoða...

19.
Ríman

Sá kom dagur er sátu þeir
saman og drukku allir
runnu þangað riddarar tveir
sem ræsis stóðu hallir.

Skoða...

20.
Ríman

Kvöddu jarl en kasta sorg
kunnu slíkt að hljóða
Pippinn kóngur úr Párisborg
plagaði yður að bjóða.

Skoða...

21.
Ríman

Férant jarl og frúin blíð
ferðar ekki neita
Pippinn ætlar páska tíð
í Páris sjálfur veita.

Skoða...

22.
Ríman

Hart í stað með ræsi reið
Roðbert arfi tiggja
Bæring skal hjá bauga meið
bæði sitja og liggja.

Skoða...

23.
Ríman

Férant reið með Frakka grund
fyrstan aftan páska
kemur hann sjálfur á keisara fund
kvittur af öllum háska.

Skoða...

24.
Ríman

Pippinn leiddi páskadag
prúðan jarl með mæti
framin er höll með frygðar plag
hann fékk þeim veglegt sæti.

Skoða...

25.
Ríman

Öðling leit um allt sitt rann
ekki skortir mengi
stillir lítur stoltar mann
og starir á Bæring lengi.

Skoða...

26.
Ríman

Riddari sá hjá Roðbert situr
reikna mér hans heiti
fegurð mun slík og frábær litur
finnast ei þótt leiti.

Skoða...

27.
Ríman

Ljósu nafni leynir hann
lofðungs drengi snjalla
fyrir það læt hinn fríða mann
hinn fagra riddara kalla.

Skoða...

28.
Ríman

Er honum þetta allvel hent
upp á frásögn þína
hann skal tempra turniment
við trausta riddara mína.

Skoða...

29.
Ríman

Kom fyrir ræsi riddari einn
og röskva þengils lýði
hann var ekki í hæversku seinn
heilsar á kóng með prýði.

Skoða...

30.
Ríman

Emanuel hinn æðsti gramur
yður bað heila sitja
hann vill nú með heiðri framur
hallar þinnar vitja.

Skoða...

31.
Ríman

Kappa lið er kvint og mætt
keisara Grikkja landa
fer hann þó með friði og sætt
og fögnuð allra handa.

Skoða...

32.
Ríman

Býður hann að burtreið sé
búin af yðru mengi
sá skal velja um vist og fé
er vinnur flesta drengi.

Skoða...

33.
Ríman

Annan dag býst út af höll
öðlings þjóðin tvista
riddara sveitin reið þar öll
að reyna sig til lista.

Skoða...

34.
Ríman

Arius hét sá einn var bestur
engan riddara sparði
keisarans frændi og kappi mestur
kominn af Miklagarði.

Skoða...

35.
Ríman

Grikkir ríða geystir heldur
góðum skjöldum spilla
þar var her hinn flæmski felldur
Frökkum veitir illa.

Skoða...

36.
Ríman

Filippo lítur furðu óður
að Frakkar voru smáðir
annar Roðbert riddari góður
þeir ríða að Arius báðir.

Skoða...

37.
Ríman

Hann reið á móti riddurum tveim
rekkurinn prýddur dáðum
seggurinn fleygði úr söðli þeim
senn til jarðar báðum.

Skoða...

38.
Ríman

Bilar þá hvorki brakk né kíf
Bæring að þeim hleypti
engum dugði afl né hlíf
öllum frá ég hann steypti.

Skoða...

39.
Ríman

Afreks manninn Arius finnur
ei mun kífið þverra
þá var skaft og skjöldurinn stinnur
skorinn af grískum herra.

Skoða...

40.
Ríman

Bæring tók hið besta í mót
og birti það er hann mátti
stýfði í sundur hið sterka spjót
er stolti riddari átti.

Skoða...

41.
Ríman

Höndum þrífur hann hilmis son
honum úr söðli kippti
fleygði niður á Fjölnis kvon
frægðin með þeim skipti.

Skoða...

42.
Ríman

Þá var óp og ærið kall
allra Frakklands gotna
riddarinn fékk rammlegt fall
að rifin í sundur brotna.

Skoða...

43.
Ríman

Hetjur þær sem horfðu á
heiðra Bæring allar
kóngurinn leiddi keisarann þá
kær til sinnar hallar.

Skoða...

44.
Ríman

Vilfríður hét hin vænsta mey
vegleg dóttir tiggja
svinnri skal sú silkis ey
sæti með þeim þiggja.

Skoða...

45.
Ríman

Ereki biskup innir til
þá allt er komið í sæti
þar er sú fríða falda Bil
er fá vill keisarinn mæti.

Skoða...

46.
Ríman

Kóngurinn segir að keisarinn skal
fyrir kostum slíkum ráða
hér kemur ekki á annað tal
en jungfrú vill hann náða.

Skoða...

47.
Ríman

Fylkir játar fljóðið sjálft
og festir sprundið ljósa
gaf henni síðan Grikkland hálft
og gull sem hún vill kjósa.

Skoða...

48.
Ríman

Bæring gekk í buðlungs rann
beint í þessu sinni
keisarinn sjálfur heilsar á hann
og hver sá þar var inni.

Skoða...

49.
Ríman

Brúði hefur ei Bæring fyrr
borið fyrir sjónar palla
var því líkt sem logandi hyrr
léki um meyna alla.

Skoða...

50.
Niðurlag

Meyjan tekur að mæðast krankt
af máttkum sorgar líma
næsta er þetta nógu langt
nú skal úti ríma.

Skoða...

Bærings rímur eldri, 7. ríma