Karel

Geðraunir — 9. ríma

— Óþekktur höfundur

Lemmata | Textatengsl
umgjörð ríman

1.
Formáli

Orka verður á auðan stofn
um óðar smíði
fríða gladdi ég falda Lofn
með Fjölnis smíði.

Skoða...

2.
Formáli

Geðraun er nú gengin til
með greinum sönnum
hér fer eftir annað spil
af afreks mönnum.

Skoða...

3.
Ríman

Hringur býst þegar hófið þrýtur
heim til landa
svanninn varla svefnsins nýtur
og syrgði að vanda.

Skoða...

4.
Ríman

Stillir hafði sterka menn
á stefnu alla
þangað lét hann Eirek enn
sem aðra karla.

Skoða...

5.
Ríman

Svipti runnur sofnis teiga
sagði Tryggva
þér munuð eigi alla eiga
drengi dyggva.

Skoða...

6.
Ríman

Eirek hef ég þar ætlað til
einkum nefna
honum á ég flærð og falda Bil
fyrir að hefna.

Skoða...

7.
Ríman

Borg var læst en bjóst þá snót
að bjarta manni
harðleg kemur þar hefnd á mót
nema hilmir banni.

Skoða...

8.
Ríman

Eirek sagðist orð og dygð
við öðling halda
gefur ég ekki um last né lygð
við lindi spjalda.

Skoða...

9.
Ríman

Man ég það glöggt kvað menja lind
þú mæltir forðum
þú munt ekki verpa í vind
þínum vöndum orðum.

Skoða...

10.
Ríman

Segir ég þar með alla á
óþykkt mína
hann skal grimmum gjöldum ná
fyrir gjörðir sína.

Skoða...

11.
Ríman

Motra eik var mjög lítt stillt
og mælti svanni
oss mun leiða lengi illt
af lymsku manni.

Skoða...

12.
Ríman

Tryggvi gerði bauga brjót
burt úr landi
vondsleg orð og verkin ljót
þau verða að grandi.

Skoða...

13.
Ríman

Eirek sagðist öðlings dóm
ætla að halda
það skal allt ef til gefst tóm
tvennu gjalda.

Skoða...

14.
Ríman

Lýðurinn varð í landi glaður
og lauk svo þingi
fús var hver til flaustra maður
að fylgja Hringi.

Skoða...

15.
Ríman

Tryggvi gladdi guðvefs Rind
með gullið rauða
springa mun ég kvað spjalda lind
ef spyr ég þinn dauða.

Skoða...

16.
Ríman

Geym þín vel fyrir vendis þjóð
kvað vífið hvíta
ég mun aldrei álma rjóð
oftar líta.

Skoða...

17.
Ríman

Öðling segir að angrin stinn
megi um þig stilla
ég veit engan óvin minn
nema Eirek illa.

Skoða...

18.
Ríman

Kóngar gerðu virða og víf
til votta að nefna
hvor skal æ meðan endist líf
annars hefna.

Skoða...

19.
Ríman

Bauga skorð var borin á skeið
með beiskum harmi
snekkjur töldu langa leið
fyrir lægis garmi.

Skoða...

20.
Ríman

Hringur kemur og herleg frú
heim til ríkja
aftur verður óði nú
til Eireks víkja.

Skoða...

21.
Ríman

Hann hefur fengið herskip fimm
og hölda snjalla
þó var lundin ljót og grimm
við lýði alla.

Skoða...

22.
Ríman

Kvaddi hann hvorki kóngi né frú
en komst í burtu
síðan bregður af sinni trú
sem seggir fluttu.

Skoða...

23.
Ríman

Seggurinn réð sem sagt var mér
til slægðar að þukla
alla ber hann burtu með sér
borgar lukla.

Skoða...

24.
Ríman

Eirek hitti öðling þann
er Ólaf heitir
gumnar sögðu göfgan hann
við garpa sveitir.

Skoða...

25.
Ríman

Hvorki gefur hann hálu stúf
né hrafni bráðir
heimasetan var hilmi ljúf
og hvers kyns náðir.

Skoða...

26.
Ríman

Gramur var þessi geysi hægur
og gjafvin Tryggva
vildi engan vísir frægur
virða styggja.

Skoða...

27.
Ríman

Sikling heldur sunnan part
af Saxa jörðu
honum var fært til heimsku margt
það háðsmenn gerðu.

Skoða...

28.
Ríman

Sjá tók Eirek á sitt vald
jöfra kappi
meira mun það giftu gjald
en gegna happi.

Skoða...

29.
Ríman

Eirek gengur honum á hönd
sem hilmir vildi
ver hann síðan vísis lönd
með vopn og skildi.

Skoða...

30.
Ríman

Ólaf talaði oft við hann
með orðum snjöllum
þig hef ég reyndan röskvan mann
í ráðum öllum.

Skoða...

31.
Ríman

Ætlað hef ég í Noreg norður
að senda sveitir
þar er sá frægur hölda vörður
er Háldan heitir.

Skoða...

32.
Ríman

Ása heitir öðlings mær
hin arma ljósa
hún er svo fögur sem fréttum vér
og flestir kjósa.

Skoða...

33.
Ríman

Fáir þú mæta menja Vör
mér til handa
þér skal víst af þessari för
þroski standa.

Skoða...

34.
Ríman

Fúslega játti fleina Týr
ferðum slíkum
ég hef komist í kærleik fyrr
með kóngum ríkum.

Skoða...

35.
Ríman

Skilur sér bæði af skjöldungs garði
skeiður og mengi
öðling til þess ekki sparði
auð né drengi.

Skoða...

36.
Ríman

Kappar ýttu kólgu hjört
en kipptu bryggju
Ólafur gat þá ekki gert
við undirhyggju.

Skoða...

37.
Ríman

Lýðir gáfu lofðungs nafn
þeim ljótum farra
býst hann þá við bræddan stafn
að biðja svarra.

Skoða...

38.
Ríman

Látum ræsis ríkdóm enn
fyrir rekkum mæla
hann hefur senda heiðurs menn
en hvergi þræla.

Skoða...

39.
Ríman

Býtti hann síðan bragnings auð
til beggja handa
svo vill hver sem seggurinn bauð
sitja og standa.

Skoða...

40.
Ríman

Mælti hann fyrir menja Hnoss
og mönnum svinnum
ég vil hafa orð fyrir oss
er jungfrú finnum.

Skoða...

41.
Ríman

Háldan býður heim til sín
herði rómu
þar var bæði bjór og vín
er bragnar komu.

Skoða...

42.
Ríman

Byrjar hann við brögðin klók
að biðja kvonar
dögling á því drjúgum tók
og dró til vonar.

Skoða...

43.
Ríman

Sannar þetta Saxa lið
með sjóla slægum
aldrei geta þeir Ólafs við
fyrir jöfri frægum.

Skoða...

44.
Ríman

Sér eignaði hann Saxa grund
og svinna drengi
fyrir kom þar falda Hrund
en festar gengi.

Skoða...

45.
Ríman

Föður sín heilsar falda skorð
með fríðum orðum
ræsir innir ráðagjörð
fyrir refla skorðum.

Skoða...

46.
Ríman

Ekki þarftu Eireks skvaldur
oss að greina
hann hefur lifað langan aldur
við lymsku eina.

Skoða...

47.
Ríman

Dæmalaus er dirfðin þín
kvað Draupnis þella
ef þú býst að biðja mín
eða bernsleg ella.

Skoða...

48.
Ríman

Hvorki varstu heill né traustur
Hring né Tryggva
það mun lifa í löndum austur
meðan lýðir byggva.

Skoða...

49.
Ríman

Lygari þinn er litlu nýtur
og leiður með öllu
vertu í burt þegar veislan þrýtur
af vorri höllu.

Skoða...

50.
Ríman

Eigi gerir hann ansa á mót
orðum neinum
valdi honum vegleg snót
með visku greinum.

Skoða...

51.
Ríman

Fékk hann hvorki fé né sæmd
af feðginum báðum
þeim var fylki flærðin dæmd
af frúinnar ráðum.

Skoða...

52.
Ríman

Seggir komu í Saxland heim
og sikling finna
sögðu eyddan öðlings seim
en orkað minna.

Skoða...

53.
Ríman

Lýðir sögðu hans ljótan mátt
og lítið megna
kemur sér aftur í kærleik brátt
við kóng og þegna.

Skoða...

54.
Ríman

Lyddan talaði ljótleg orð
og líktist rebba
fiflast ætla ég falda skorð
að fóstra Sebba.

Skoða...

55.
Ríman

Legg ég þar við líf og sál
kvað lestir hringa
ég hef túlkað yðvart mál
til elsku þinga.

Skoða...

56.
Ríman

Gekk því nær sem gátum vér
kvað gumna stjóri
þangað skal ég segir þegn og hlær
þegar að vori.

Skoða...

57.
Ríman

Raunmjög hefur hann rægða þá
rekka snjalla
ýtar gerðu hann Eirek þá
hinn illa að kalla.

Skoða...

58.
Ríman

Þó hefur Ólafur Ásu keypt
unga brúði
ýmsu hefur hún yfir sig steypt
en öðling trúði.

Skoða...

59.
Niðurlag

Gumnar héldu grimmlegt stríð
sem greinir kvæði
síðan hverfur Suptungs líð
í Sónar flæði.

Skoða...

Geðraunir, 9. ríma

næsta ríma >>