Karel

Geirarðs rímur — 4. ríma

— Óþekktur höfundur

Lemmata | Textatengsl
umgjörð ríman

1.
Formáli

Enn mun verða óðar smiður
eina stund meðan fólkið biður,
minnast á, hvað Mágus niður
mælti jarlinn Geirarð viður.

Skoða...

2.
Ríman

Mágus arfi mælti blítt:
„mínu taki þér erindi lítt;
yður vill bjóða fljóðið frítt,
frægi jarl, í ríkið sitt."

Skoða...

3.
Ríman

„Hávarð, seg það silki Lín,
sé ég við öllum slægðum þín,
brestur hvorki bjór né vín,
bragna sveitum heima að mín."

Skoða...

4.
Ríman

Fylkir gerir sem fljóðið bað,
frúinnar tók hann letur í stað.
Jarlinn gefur sér allfátt að
og ekki vill hann líta á það.

Skoða...

5.
Ríman

Annað tók hann bréfið brátt,
er burðug sendi hringa gátt;
þengill gefur um þetta fátt,
þennan hafa þeir leikinn átt.

Skoða...

6.
Ríman

Hávarð jarl er horskur í trú,
hjálpa vill hann stoltar frú;
brögðuleg var breytni sú,
bréfið þriðja tekur hann nú.

Skoða...

7.
Ríman

Fékk hann jarli frúinnar letur,
furðu rjóðan Geirarð setur;
honum varð ei í brjósti betur,
bréfið hann til stríðsins hvetur.

Skoða...

8.
Ríman

Plokkar upp og pressu skeður,
perlan sú er jarlinn gleður,
vígslugullið frúinnar feður,
fastlega var þar bundið meður.

Skoða...

9.
Ríman

Buðlung lítur bréfið á,
brosandi mælti jarlinn þá:
„hvaðan úr heimi er sjóli sá,
sætu vill með stríði fá?"

Skoða...

10.
Ríman

Garpurinn svaraði Geirarðs fregn,
glaðlega mælti frúinnar þegn:
„herra Príamús hefur það megn,
honum þorir engi að vega í gegn.

Skoða...

11.
Ríman

Ungu vífi bragning bauð
hið brennda gull og veraldar auð;
kæran sjálf er komin í nauð,
kjöri hún fyrr að liggja dauð."

Skoða...

12.
Ríman

Hávarð mælti hraustr í kíf:
„herra, búist í fleina dríf,
það er nú frægð að frelsa víf
og fróma yðvart stoltar líf.

Skoða...

13.
Ríman

Svaraði jarl og sat yfir borð:
„sigrar engi gullhlaðs skorð,
stoltar frúinnar stóru orð
steypa honum í randa morð.

Skoða...

14.
Ríman

„Ef þú verndar vífið frítt,
vill hún gefa þér ríkið sitt,
flæðar eld og fólkið blítt;
frygðug mær er haldin lítt."

Skoða...

15.
Ríman

Stillir talar við stolta hand:
„stár mig ekki á frygðar band;
geri ég það ei fyrir gull né land
að gefa mig undir kóngsins brand."

Skoða...

16.
Ríman

„Viljir þú rjóða Viðris tjald,
vísir, fær þú listugt gjald,
mektugt nafn og manna hald,
meyjan kemur á yðvart vald."

Skoða...

17.
Ríman

Innt er þetta orða spjall:
„Elinborg ráði sínum hjall;
hirði hún ekki um heimskan jarl,
hvað er ég betri en annar karl?"

Skoða...

18.
Ríman

Mágus son tók mennt í arf,
miðlungs gott er þetta starf;
síst mun vera til sjóla hvarf,
sá hefur betur, eð lítils þarf.

Skoða...

19.
Ríman

„Fyrr skal hver hinn frækni drengur
falla niður og ymja strengur;
auðnan ræður allt hvað gengur,
ekki býð ég frúna lengur."

Skoða...

20.
Ríman

Riddarans tók að roðna litur,
reiðin kemur í hjartað bitur,
Hávarð gekk úr höllu vitur;
herra Geirarð eftir situr.

Skoða...

21.
Ríman

Hlupu á skip með hryggðar grein,
hala þeir upp hinn sterka flein;
bragnar komu við borgina Rein,
brúður er eigi að fréttum sein.

Skoða...

22.
Ríman

Fljóðið þegar að fyrða sér
fregnar skjótt sem viskan lér:
„herra seg það Hávarð mér,
hversu blítt tók jarlinn þér?"

Skoða...

23.
Ríman

Vænu segir hann vífi þá:
„vér skulum safna liði sem má;
engan gerði jarlinn á
yður að frelsa, hringa Ná.

Skoða...

24.
Ríman

Sá skal verða ragur, eð renn,
riddara sveitin klæðist enn,
búi sig allir bragnar senn,
berjast skal ég við Príamús menn."

Skoða...

25.
Ríman

„Fyrra sinn, kvað falda Rán,
fékk hann hér svo mikla smán,
því mun engi vera á von,
að vilji hann rjóða mækinn blán.

Skoða...

26.
Ríman

Hugði hann oss með heiðri að fá,
hér í móti gerði ég svo
voldugum manni vísa frá,
vorkunn væri hann minntist á.

Skoða...

27.
Ríman

Því mun brotin hin gyllda gerð,
gefur hann lítt um þessa ferð,
yður mun slæma slungin sverð,
slíks er ég frá jarli verð.

Skoða...

28.
Ríman

Strengið aftur sterkleg hlið,
stolta talar hún drengi við,
höldum mun þá horfin grið,
ef hingað sækir Príamús lið."

Skoða...

29.
Ríman

Brúðurin talaði bragða skjót:
„búið til sverð en skeftið spjót."
Báru menn til borgar grjót,
biðstundin var nógu fljót.

Skoða...

30.
Ríman

Hér kom enn fyrir hilmis sveit,
herra Príamús þetta veit,
reiðin kemur í hjartað heit,
heiftin mest á kónginn beit.

Skoða...

31.
Ríman

Hilmir talar við herlið snjallt:
„hér mun eflast stríðið kalt;
frúinnar traust er furðu valt,
Frakkland skulum vér brenna allt.

Skoða...

32.
Ríman

Frúin skal verða frilla vor,
frægi Príamús þetta sór,
lægjast mun þá lundin stór,
ef líneik verður að trúa á Þór."

Skoða...

33.
Ríman

Príamús heldur óður og ær
upp á land með dróttir þær;
rekkar tjalda Reinsborg nær,
ristill af því sorgir fær.

Skoða...

34.
Ríman

Hávarð bjó sitt herlið mætur,
hringa skorð af harmi grætur;
heyra má það lægra lætur,
lúðrar ganga um alla nætur.

Skoða...

35.
Ríman

Príamús talar við prúða drótt:
„plagi þér yður til rómu skjótt;
bráðla fáum vér borgina sótt,
brúðar lið hefur engan þrótt."

Skoða...

36.
Ríman

Kóngurinn Príamús klæðist brátt,
kappa lið var ekki fátt;
þegnar ætla að þreyta mátt
þegar að líður hin grimma nátt.

Skoða...

37.
Niðurlag

Seima grund af sútum hljóð
sína býr til rómu þjóð.
Hér mun verða listug ljóð
læsa niður í bragða sjóð.

Skoða...

Geirarðs rímur, 4. ríma

næsta ríma >>