Karel

Landrés rímur — 9. ríma

— Óþekktur höfundur

Lemmata | Textatengsl
umgjörð ríman

1.
Formáli

Dofra máls hin dýra strind
dróttum kemur í Heljar grind
hefur því jafnan hölda kind
hættlegt stríð í Fenju vind.

Skoða...

2.
Formáli

Engi mun þar inna frá
eftir því sem verða má
hversu gerir hin hætta þrá
í hjartans byggðir inn að gá.

Skoða...

3.
Formáli

Sveitin jafnan setur í brag
að sjaldan vilji þeim ganga í hag
oftast geta þeir óðar lag
yrkt um nokkurn sorgar slag.

Skoða...

4.
Formáli

Flestra var það fyrða tal
frægan mundi ég syrgja hal
en þó ég hefði Yggjar val
öllu þessu leyna skal.

Skoða...

5.
Formáli

Skemmtan var mér skúfað frá
ég skylda ei lengur þessu ná
bana ráð fékk ég Baldurs þá
er bragsmíð þessa hlýdda ég á.

Skoða...

6.
Formáli

Hvort sem garp eða gullhlaðs Bil
gengur heldur fátt í vil
lystir engan lýða til
ég lengi nokkuð harma spil.

Skoða...

7.
Formáli

Nadda Týr hinn níunda óð
nýtri vilda ég greina þjóð
hlýra sinn skal hilmis jóð
hitta nú sem beiddi fljóð.

Skoða...

8.
Ríman

Marnum hleypti mörkina á
mun þar verða greina frá
plátu meiðir prúður sá
pálmara einn á grundu stá.

Skoða...

9.
Ríman

Þessi talar við þengils kund
þóttist næsta prúður í lund
ferskum býð ég fleina Þund
fæðu taka með mér um stund.

Skoða...

10.
Ríman

Milding hlýddi mætur á það
mettur reið hann eigi af stað
garpurinn eigi gáði að
gerði nú sem pílagrím bað.

Skoða...

11.
Ríman

Stígur úr söðli stýfir hers
að steypi veik hann Fofnis skers
kurteis leit hann klæði og ess
kunni eigi skil til þess.

Skoða...

12.
Ríman

Fölnar hans hinn fagri litur
fleins Týr þvingar reiðin bitur
niflungs arfi næmur og vitur
naktur frá ég á velli situr.

Skoða...

13.
Ríman

Reið í burt sá randa grér
róstu drengur er falsið tér
hitti hinn frú þá horskust er
hvergi þennan pílagrím sér.

Skoða...

14.
Ríman

Sifjen talaði sútum nist
er seggurinn hafði gripina misst
gerir þér ekki gagnið vist
glópska þín segir auðar Rist.

Skoða...

16.
Ríman

Þeygi muntu þurfa fljóð
þannig láta að seima bjóð
lymsku dreng ég leit á slóð
Landrés talar af hörðum móð.

Skoða...

17.
Ríman

Sagði hann hans hin svikla mátt
sóma gæddri hringa gátt
prýðilausan pílagríms hátt
plagaði þegn að skýra brátt.

Skoða...

18.
Ríman

Síðan ansar svinnust frú
seg eigi lengur af þessu nú
skal svo aldrei skræfan sú
skuppa þig kvað menja brú.

Skoða...

19.
Ríman

Skrúðann fékk hún skjölldungs kund
skein af honum um jörð og sund
aldrei þóttist ágætt sprund
of vel þjóna hjörva lund.

Skoða...

20.
Ríman

Taktu hér við tignar grein
traustan bugni og sára tein
Hrumnis ess á hyggju stein
hjörinn búinn kvað silki rein.

Skoða...

21.
Ríman

Má þér ganga mikið í kjör
þó móti yður sé villan ger
Yrmling nefni ég ítran hjör
er ýta kann að minnka fjör.

Skoða...

22.
Ríman

Essið frítt með augum sér
allt það vont sem fyrir þig ber
kurteis hefur það kesju grér
Kristur sent til hjálpar þér.

Skoða...

23.
Ríman

Hún réð þegni fæðu fá
og flestallt það sem veita má
gramur skal þér hin geysta þrá
gjarna bætt kvað auðar Ná.

Skoða...

24.
Ríman

Þú verður að njóta visku þín
voldug mælti hringa Lín
garpnum ætlar grimma pín
Galiana með ráðum sín.

Skoða...

25.
Ríman

Öðling hefur sig út í stað
einkar skjótt sem sprundið bað
þú stíg á ess að kvinnan kvað
Karling máttu nefna það.

Skoða...

26.
Ríman

Hygg að því með heiður og skraut
ef hilmis arfinn kemur í þraut
varast þú það kvað vella laut
að verða ginntur af essi í braut.

Skoða...

27.
Ríman

Hun fylgir honum á fagra grund
fljóðið prútt í sinni lund
hann skildist þá við skarlats Hrund
skjalda Týr að liðinni stund.

Skoða...

28.
Ríman

Þar sem öðlings arfi reið
æru og sæmd að jafnan beið
stoltum sýndist stála meið
staður einn fríður á sinni leið.

Skoða...

29.
Ríman

Getur þá líta gamlan mann
geysi nógar flærðir kann
slagning hafði slinni þann
slyngur er við illsku hann.

Skoða...

30.
Ríman

Kunna frá ég hinn klóka hal
við kappann hefja flærðar tal
mildings son með mennta val
messu fríðri hlýða skal.

Skoða...

31.
Ríman

Tekur beislið tönnum jór
trúður er ekki í flærðum sljór
upp á kirkju essið fór
er það mæða halnum stór.

Skoða...

32.
Ríman

Furðu vænum fylkis nið
fákurinn veitti næsta lið
æru hlaut og allan frið
essið staldrar hvergi við.

Skoða...

33.
Ríman

Gildlega út á gjálfrið renn
grandar ekki falsið enn
upp á landið svimaði senn
hann sá þá hvorki stað né menn.

Skoða...

34.
Ríman

Skamma stund um skóginn fer
skrímslinn áður en fyrir hann ber
menntum prýddur málma grér
marga skjöldu á grundu sér.

Skoða...

35.
Ríman

Riddara flokk að ræsir leit
raunar mat með galldri veit
þessi ætlar þegna sveit
þengils arfa flærðar reit.

Skoða...

36.
Ríman

Linna þeir sem ég hef spurt
að öðling hafi visku þurft
ræsis arfinn reyndur að kurt
ríða má við oss í burt.

Skoða...

37.
Ríman

Hesti í móti höldum snýr
hilmis arfi frægur og skýr
engan mann sá örva Týr
illsku snótum flærðir býr.

Skoða...

38.
Ríman

Hetjan ríður harla svinn
hvössum gyrtur benja lín
líneik vildi lymsku stinn
lofðung reyna í fimmta sinn.

Skoða...

39.
Ríman

Kurteis lítur kóngsson þar
karlinn einn með lymsku par
tygin svört að trúðurinn bar
tamur við allar skemmdir var.

Skoða...

40.
Ríman

Essið hefur hann einnig svart
illsku drengurinn rausar margt
lofðungs son með list og skart
leika fremdu við mig snart.

Skoða...

41.
Ríman

Gakk af essi geira viður
glópurinn vondi þessa biður
aukast mun þá æra og friður
öðling þér kvað flærðar smiður.

Skoða...

42.
Ríman

Frá ég hann vendir fáki enn
færði hann í beislið tenn
kynja munu það kátir menn
karlinn varð í burtu senn.

Skoða...

43.
Ríman

Svikarinn hvarf í samri stund
sá var engum heill í lund
linni sýndis lofðungs kund
liggja fyrir sér einn á grund.

Skoða...

44.
Ríman

Eitri blæs sem orkar hann
enga kind að verri fann
foxið þetta flest illt kann
Fjölnis brúður stikna vann.

Skoða...

45.
Ríman

Herðir tauminn hilmis kundur
harkalegur er þeirra fundur
beinin öglis braut hann sundur
bifaðist ekki seima lundur.

Skoða...

46.
Ríman

Skríður heim með skemmdar pör
skræfan eftir þessa för
lymsku gjörn var lauka Vör
lyst að finna seima bör.

Skoða...

47.
Ríman

Skýra má ég þér faðir minn frá
fylkis hugða ég lífi ná
hans af essi hlaut ég þrá
hér máttu þau merkin sjá.

Skoða...

48.
Ríman

Karlamagnús kemur á fund
kesju rjóður að liðinni stund
uggir mig kvað auðar grund
öðlings fáum vér stirða lund.

Skoða...

49.
Ríman

Fyrst mun hann kvað falda Lín
furðu leggja illt til þín
lítt trúi ég vora lægi pín
á lífi segir hann móður sín.

Skoða...

50.
Ríman

Hann mun sendur hingað þá
harla fljótt kvað falda Gná
listug ráðin legg þú á
að Landrés mætti dauðann fá.

Skoða...

51.
Ríman

Vertu nær að vífið kvað
þá vill hann ríða borgum að
öðlings mun ég við ítran stað
engi greiði skal honum það.

Skoða...

52.
Ríman

Tala þú það með tryggðar band
að tiggja skulir þú ganga á hand
Malandrés skal með björtum brand
barma sínum vinna grand.

Skoða...

53.
Ríman

Þríf þú hendi þengils taum
að þessu gefur hann engan gaum
færum yfir hann flærðar straum
falda skorðin talaði aum.

Skoða...

54.
Ríman

Lymsku menn með ljótan sið
Landrés hyggja engan frið
skræfur þessar skrafist nú við
en skýrum heldur um kóngsins nið.

Skoða...

55.
Ríman

Svo hefur bókin seggjum tjáð
að sikling kom með heiður og dáð
frægðum skýrður á Frakka láð
frúinnar duðgu allvel ráð.

Skoða...

56.
Ríman

Karlamagnús kónginn fann
og kurteis orðin greiða vann
sitt nam skýra heiti hann
og hvers er þengill frétta kann.

Skoða...

57.
Ríman

Sagðist vera hans systur kundur
síðan hófst þar gleðinnar fundur
dyrstur beiddi darra Þundur
að dveldist hjá honum seima lundur.

Skoða...

58.
Ríman

Landrés sagði á lífi víst
ljósa frú þá prýdd var list
herra Magnús heiðrar Krist
er heila spurði falda Rist.

Skoða...

59.
Ríman

Öðling svinnan að því frá
ef það kynni þegn að tjá
hvort að mætum milding þá
Mílon svikari væri hjá.

Skoða...

60.
Ríman

Ljótan hefur hann lymsku part
lengi haft við fyrða margt
maklegt væri að mengið snart
málma týni leiki hart.

Skoða...

61.
Ríman

Ríð þú heim á föður þíns fund
fylkir talar við seima lund
kunnigt ger það kesju Þund
að kóngi færi ég ágætt sprund.

Skoða...

62.
Ríman

Karling stígur kappinn á
og kastar öllum harmi og þrá
fylkir lætur fyrða kná
með frænda sínum heiman gá.

Skoða...

63.
Ríman

Giftu flesta gramsson beið
görpum tér það Norðra skeið
einn varð hann þó enn í reið
ýtar venda heim á leið.

Skoða...

64.
Ríman

Bjarta höll og borgir fann
bauga Týr sá sigurinn vann
hugsa mun honum heljar rann
hvekki leiða um sæmdar mann.

Skoða...

65.
Ríman

Stjúpa hans með stirðan mátt
stumrar þar við flærðar hátt
lofðungs son kveðst lauka gátt
leiða skyldi falsið brátt.

Skoða...

66.
Ríman

Brandi sínum bregður rétt
boðin er henni makleg stétt
er hún þá tign og auði flett
af henni sneið hann svarða klett.

Skoða...

67.
Ríman

Brátt reið hann í borgar hlið
blíðka nam það ágætt lið
myrkur stóð þar Mílon við
mætum fagnar kóngsins nið.

Skoða...

68.
Ríman

Tauminn grípur tjörgu Þundur
tiginn vissi auðar lundur
að sveini veik þá syrpu kundur
Sviðris að með hallar tundur.

Skoða...

69.
Ríman

Framan í ennið fékk af glað
fætur þegar að komst hinn að
heljar rannið hitti í stað
harma ekki margir það.

Skoða...

70.
Ríman

Gerðist engi að göldrum hlíf
grams var deytt hið falska víf
Malandres varð að missa líf
við margan hafði hann flærðar kíf.

Skoða...

71.
Ríman

Nú réð vondur svikarinn sjá
sinna niðja dauðann á
miskunn sagðist Mílon þá
af málma Þundi vilja fá.

Skoða...

72.
Ríman

Engu gerði að heita heldur
Herjans syni að skemmdum veldur
skjótt er hann af skötnum hrelldur
skræfu mun nú heiðurinn felldur.

Skoða...

73.
Ríman

Landrés kom með list og skraut
fyrir lofðung þann er sorgir hlaut
sínum arfa sjálfur laut
svo er þá villan horfin braut.

Skoða...

74.
Ríman

Segir á lífi sína mæður
seima Týr er heillum ræður
hverfa má yður harmurinn skæður
hér kemur hún með sínum bræður.

Skoða...

75.
Ríman

Listum prýddan laufa Þrótt
leiddu þeir til hallar fljótt
mæla réð það hin mæta drótt
að Mílon ætti að fanga skjótt.

Skoða...

76.
Ríman

Trúðurinn er því tignum flettur
að tiggja hefur ei orðið léttur
í myrkva stofu var Mílon settur
mun honum verða goldinn prettur.

Skoða...

77.
Ríman

Lagði fjötra lýðurinn að
lóki þeim sem kóngsson bað
köppum vilda ég kynna það
Karlamagnús reið af stað.

Skoða...

78.
Ríman

Milding kemur að múrnum þá
maktar vífið fýsti að sjá
leist þeim fegri lauka Ná
en lýðir megi það nokkrir tjá.

Skoða...

79.
Ríman

Seim og klæði silki Eir
svinnri tóku að færa þeir
vald og heiður vex að meir
vopna lund þeim fleygði geir.

Skoða...

80.
Ríman

Húgons á fund að herrann kemur
heiður og æru jafnan fremur
væna hesta að vísir temur
virða sveit og skjöldu lemur.

Skoða...

81.
Ríman

Buðlung fylgdi brúðurin skýr
í burtu tregi af mengi flýr
fagnar margur fleina ýr
færður er kóngi svanninn dýr.

Skoða...

82.
Ríman

Kurteis lýður að kirkju stár
kappinn er nú geymdur flár
bauga Lofnin björt og klár
með buðlung nú til hallar gár.

Skoða...

83.
Ríman

Fyrr en höldar fengi vín
forðast taka þeir alla pín
mælti gramur og motra Lín
að Mílon kæmi þá til sín.

Skoða...

84.
Ríman

Dróttin kemur í dimma rann
dárinn þar sem gista vann
sikling ríkur er sóma kann
sögðu að nú vill finna hann.

Skoða...

85.
Ríman

Lókurinn er nú leiddur í sal
lofðungs son hefur uppi tal
sína grimmd og glæpa val
greina hann til enda skal.

Skoða...

86.
Ríman

Dólgurinn skýrir drengjum frá
að dorma vildi hann frúnni hjá
og svo hverju að auðar Gná
ansa réð á móti þá.

Skoða...

87.
Ríman

Hann fékk nú með hjartans reik
hrósað sínum skemmdar leik
þá hina fríðu falda eik
fyrr í drykk með brögðum sveik.

Skoða...

88.
Ríman

Birtir síðan bragða smiður
að blámann lét hjá frúnni niður
skildist þannig skræfa viður
sem skjöldung mátti líta sviður.

Skoða...

89.
Ríman

Gekk til nú sem gegndi best
gerði hann að rausa flest
þó fyrir slíku þótti mest
þessi voru hans brögðin verst.

Skoða...

90.
Ríman

Dróttin ræddi um dýr og kná
dauða hvern hann skyldi fá
frægir töluðu fyrðar þá
að festa skyldi hann gálga á.

Skoða...

91.
Ríman

Beiddi margur bauga lundur
bálið hreppti fleina Þundur
eða fyrir geysi grimmleg undur
að gaurnum spretti eikur í sundur.

Skoða...

92.
Ríman

Landrés hóf með lýðinn tal
listar maður stóð upp í sal
á illskum hefur hann ærið val
hann ekki af þessu hljóta skal.

Skoða...

93.
Ríman

Þar er hann olli þrautum frúr
þunga fékk hún hryggðar skúr
líst mér ráð kvað lofðung trúr
að láta hann byggja þennan múr.

Skoða...

94.
Ríman

Hirðin skal með heiftar grein
höndum grípa einn digran stein
setja honum á svíra bein
svo að hann bíði af því mein.

Skoða...

95.
Ríman

Haldi hann lífi um átta ár
öðling talaði frómur og klár
hans mun enduð flærð og fár
ef fólsku maður þar lengi stár.

Skoða...

96.
Ríman

Fólinn er nú færður í rann
er falsi nógu stýra vann
eigi er víst að hljóti hann
heiður af göldrum þeim er kann.

Skoða...

97.
Ríman

Lukti ránið laufa Þundur
lymskur sagðist Roðberts kundur
hratt af örmum höggvinn sundur
hver mun kalla þetta undur.

Skoða...

98.
Ríman

Burtu þaðan fór bauga Hlín
er brögnum sýndist klár og fín
en þar lukti ævi sín
illsku maður með skömm og pín.

Skoða...

99.
Ríman

Hugon réð vilja hringa grund
halda aftur í samri stund
gegnilega frá ég að gullhlaðs Hrund
gerði að ansa hjörva Þund.

Skoða...

100.
Ríman

Tældur var svo tjörgu grér
þú trúðir hvorki guði né mér
héðan af kem ég að hringþöll tér
hilmir aldrei í sæng hjá þér.

Skoða...

101.
Ríman

Kvinnan réð í klaustur að gá
kastar burtu allri þrá
tigna háttu temprar þá
sem talaði áður bauga Ná.

Skoða...

102.
Ríman

Sætan missti svinn og rjóð
sína önd með brögðin góð
talar það jafnan tigin þjóð
að tiggja muni nú heilagt fljóð.

Skoða...

103.
Ríman

Nú réð Hugon að sönnu sjá
að svikin var af honum bauga Gná
fylkir varð af feiknar þrá
fús í rekkju hvílu að gá.

Skoða...

104.
Ríman

Fylkis varð ei hugurinn hægur
hrottinn mun því valda slægur
letrin segja að lofðung frægur
hann lifði ei meir en átta dægur.

Skoða...

105.
Ríman

Skatna sveitin skipaði bekk
skemmtilega að erfið gekk
að því hyggi öldin þekk
hvað öðling mætur af lygunum fékk.

Skoða...

106.
Ríman

Landrés tók með list og náð
lægis eim og fagra láð
kringt var honum um kurt og dáð
hann kenndi mörgum sæmdar ráð.

Skoða...

107.
Ríman

Keisarinn burt með kappa ríðr
kóngi frá ég þeim hryggðin líður
skilnaðurinn var skatna blíður
skjöldung situr að landi fríður.

Skoða...

108.
Niðurlag

Hver sem einn á hönd hans gengur
hljóðar þrátt hinn fagri strengr
rekkum líður Rögnis fengur
reysta má ég hann ekki lengur.

Skoða...

Landrés rímur, 9. ríma