Karel

Bjarka rímur — 2. ríma

— Óþekktur höfundur

Lemmata | Textatengsl
umgjörð ríman

1.
Formáli

Einatt vilda ég auðar skorð
ætti hjá mér mansöngs orð
mætta ég svo við mærðar storð
minni áru koma fyrir borð.

Skoða...

2.
Formáli

Þó að ég karlmenn káta sjá
kennist mér nú engi þá
þýðu leikurinn þegnum á
þegar að engi er kvinnan hjá.

Skoða...

3.
Formáli

Og er sá margur maðurinn giftur
mikilli verður gæfu sviptur
jafnt sem verður í annan skiptur
ef illrar fær hann bauga niftur.

Skoða...

4.
Ríman

Svo fór Bjór sem sagt er frá
svinna missti hann gullhlaðs Ná
en nú fékk hann aðra þá
sem engi þótti mjallinn á.

Skoða...

5.
Ríman

Glaður varð jarl er Hvít kom heim
heldur gerðist vel með þeim
loddi við hana lítið keim
lék hún sér að brenndum seim.

Skoða...

6.
Ríman

Við arfa jarlsins eigur hún fátt
er það skrifað af menja gátt
Hvít mun kunna að hyggja flátt
hún mun tefla nokkuð grátt.

Skoða...

7.
Ríman

Einhvern dag með ærinn plóg
að arfar jarlsins fóru á skóg
brúðurin kunni brögð í nóg
búa mun hún þeim eitthvert róg.

Skoða...

8.
Ríman

Rétt þar út í garðinn gá
gengur Hvít til skemmu þá
blíðum orðum bræður þrjá
bauga Lofnin kallsar á.

Skoða...

9.
Ríman

Angrar mig segir auðar Lín
ef yður er nokkuð fátt til mín
þó að ég drekki döglings vín
döpur er ég fyrir þessa pín.

Skoða...

10.
Ríman

Ansa réð svo galdra Gná
gert hef ég yður stakka þrjá
fari þér í sem fljótast má
fegra skal ég ef lýti eru á.

Skoða...

11.
Ríman

Fóru í stakk og fengu undur
Fróði elgur en Þórir hundur
að birninum varð þá sá bauga lundur
Böðvar sá þeir rifust í sundur.

Skoða...

12.
Ríman

Björninn víkur heim að höll
hirðin kemur þangað öll
heyrði mikil hunda göll
hljóp hann síðan út á völl.

Skoða...

13.
Ríman

Björninn víkur um byggð og jörð
bæði skóga og eyði fjörð
meiddi bæði menn og hjörð
mörg var að honum sóknin gerð.

Skoða...

14.
Ríman

Hróa skal nefna hávan mann
hafði byggð við skóginn þann
Önd hét kona sú átti hann
jafnan þangað björninn rann.

Skoða...

15.
Ríman

Þeirra dóttir heitir Hildur
Hrói er bæði snarpr og gildur
fæðist mest við saltar síldur
sá var ekki af aurum mildur.

Skoða...

16.
Ríman

Garpurinn átti gamla kú
geitur tólf og lítið bú
eigi hans voru allmörg hjú
átti Hildur að geyma nú.

Skoða...

17.
Ríman

Vantar Hildi kúna karls
keifað hefur hún upp til fjalls
gerði þoku að Gefni spjalls
gleymdi hún þannig fjárins alls.

Skoða...

18.
Ríman

Varð fyrir bellir Hildi einn
sem holaður væri innan steinn
stóð í bjargi brynju fleinn
breiðöx mikil og laufi hreinn.

Skoða...

19.
Ríman

Hildur inn í hellinn sá
hér kom að henni björninn þá
af sér hristi úlpu grá
og auðþöll kenndi Böðvar þá.

Skoða...

20.
Ríman

Sagði hann henni ósköp öll
á þá lagði hringa þöll
þó að hún drekki í hilmis höll
heita má hún hið mesta tröll.

Skoða...

21.
Ríman

Böðvar leggst hjá brúði niður
braust hún ekki þessu viður
gamanið óx og góður friður
gerði hún allt sem kappinn biður.

Skoða...

22.
Ríman

Sofnar Hildur svo að hún hraut
síðan vaknar menja laut
þá var allur Böðvar braut
brúði var komið á höfuðið skaut.

Skoða...

23.
Ríman

Hildur býst nú heim á leið
henni tókst ei ferðin greið
aftur kom hún um aftans skeið
og átti sæng hjá bauga meið.

Skoða...

24.
Ríman

Þar var Hildur þriðju nótt
þetta getur hann Böðvar sótt
þó ekki færi hann að því ótt
ólétt var hún og fór það hljótt.

Skoða...

25.
Ríman

Fæddi síðan falda grund
Fróða elg og Þóri hund
Böðvar hafði beiska lund
Bjarki var hann því nefndur um stund.

Skoða...

26.
Ríman

Fylkir á við fljóði son
og fjölrætt varð um hilmis kvon
Fróði erfði fold og frón
farin var öll hin betri von.

Skoða...

27.
Ríman

Eitt sinn þóttist baldinbrá
Böðvar sinn í svefni sjá
af miklum þjósti mælti hann þá
mundu nú hvað ég vil tjá.

Skoða...

28.
Ríman

Nú mun ég verða drepinn í dag
drottning skóp mér aldurs lag
forðast ekki feigðar slag
flestallt bið ég þér gangi í hag.

Skoða...

29.
Ríman

Ég mun lagður og soðinn í salt
síðan étur mig fólkið allt
Hvít mun kunna að hyggja kalt
hafna skaltu slátri ávallt.

Skoða...

30.
Ríman

Ekki láttu arfa þín
auðþöll kenna af slátri mín
bregður þeim til bræðra mín
báðir fá þeir harm og pín.

Skoða...

31.
Ríman

Beiddi hann þessa bauga Lín
hún brygði ei af ráðum sín
ann ég þér og örfum þín
einhver þeirra hefnir mín.

Skoða...

32.
Ríman

Síðan hverfur björninn braut
bauga þóttist skilja laut
niður um trýnið haglið hraut
horfði hún eftir menja Gaut.

Skoða...

33.
Ríman

Þenna dag var dýrið deytt
sem drjúgum hafði sauði meitt
ýtar gátu aðför veitt
ekki tókst þeim það svo greitt.

Skoða...

34.
Ríman

Fimmtíu drap hann af hilmis her
harla sterkur að björninn er
elta þeir hann út á sker
en annað fólkið landið ver.

Skoða...

35.
Ríman

Lögðu að honum á langri skeið
lýðum tókst þá ferðin greið
unnu þannig urðar seið
olli þessu drottning leið.

Skoða...

36.
Ríman

Sundraður var hann og soðinn upp allur
settur á borð og skipaður pallur
bergði lýður og buðlung snjallur
brúðar fór þá vegurinn hallur.

Skoða...

37.
Ríman

Snótin gerði sú sneyddi lönd
að senda nokkuð Hildi og Önd
ber sjálf yssan að sér bönd
upp mun spyrjast hennar grönd.

Skoða...

38.
Ríman

Hildur er gengin fyrðum frá
Fróði sýgur stykkið þá
en honum svo við átu brá
að elgs fætur fékk hann upp til hnjá.

Skoða...

39.
Ríman

Þangað rann sem Þórir lá
hendi upp í hvoftinn brá
hundskló fékk á vinstri tá.

Skoða...

40.
Ríman

Dropi kom einn á diskinn niður
drap þar Böðvar tánni viður
býsnum veldur bragða smiður
bjarnar nögl hinn fremsti liður.

Skoða...

41.
Ríman

Hildur kemur í húsið þá
hún sá glöggt hvar Fróði lá
kyndir eld sem kringast má
og kastar út á matnum þá.

Skoða...

42.
Ríman

Þannig endast yssu mök
ekki varð þar fleira um sök
þó fékk jarlinn þungleg tök
þetta urðu hans endarök.

Skoða...

43.
Ríman

Fróði erfði foldar hlyn
á flestallt kunni hann nokkuð skyn
brá honum í sitt betra kyn
þó brúðurin fremdi galdra dyn.

Skoða...

44.
Ríman

Hildar sona veit engi ætt
jafnan var svo til þess rætt
þannig hefur þá fljóðið fætt
að fátt hefur þeim í augun blætt.

Skoða...

45.
Ríman

Fróði elgur fóstri karls
fór í leik með mönnum jarls
þegar hann neytti aflsins alls
einatt var þeim búið til falls.

Skoða...

46.
Ríman

Í fimmtán braut hann fætur og hendur
fjórum var svo hryggurinn bendur
þar var þeirra aldurinn endur
illa var hann að slíku kenndur.

Skoða...

47.
Ríman

Ýtar reiða járnið kalt
á sig þótti verða halt
fólkið sótti að honum allt
jarlinn stóð fyrir honum ávallt.

Skoða...

48.
Ríman

Fylkir beiddi Fróða þá
fara burt sem fljótast má
búinn kveðst hann þegar blítt er á
björninn dreymdi Hildi þá.

Skoða...

49.
Ríman

Fróði skal nú fara í braut
fylgdu í hellinn falda laut
tel þú það fyrir geira Gaut
að gá um vopnið það er hann hlaut.

Skoða...

50.
Ríman

Fylgir Hildur Fróða þá
fram á skóg sem leiðin lá
vopnið stóð í bergi blá
berserkurinn tók hjöltum á.

Skoða...

51.
Ríman

Fastur er Laufi í fjalli blá
Fróði greip til skálmar þá
hún var hvöss en hvergi sljá
horfði kappinn vopnið á.

Skoða...

52.
Ríman

Fróði kyssti falda Ná
fór hann austur á merkur þá
á Úraheiði úti lá
eyði skógi skammt í frá.

Skoða...

53.
Ríman

Um Úrarheiði er ekki fært
engum gerist hjá Fróða vært
þó hefur hann sig þannig nært
að það var aldrei á þingum kært.

Skoða...

54.
Niðurlag

Hæsist næsta hljóða smiður
ef Herjans dreggin leggst á iður
tunnan Hárs mun tæmast viður
ef tappinn færist lengra niður.

Skoða...

Bjarka rímur, 2. ríma

næsta ríma >>